fol
A Claude Yon, marchant de Paris, pour le parfaict de 13000 liv. à quoy se monte l’achapt d’un riche lict de camp estant sur champ de velôux cramoisy remply de grands ruisseaulx à fueillaiges d’or gectant fruit de petites perles, de liayson de grosses perles, que le Roy a achapté de luy aud. Marseille led. pris, sur quoy il a receu par les mains du trésorier des finances extraordinaires et parties cazuelles 6,000 h, et le surplus à prandre sur lesd. deniers ordonnez estre distribué comme dict est 7000 1.
Baptiste d’Alvergne, tireur d’or.
Lectres de naturalité et congé de tester avec don de la finance et indempnité à Baptiste d’Alvergne, natif de Florance, tireur d’or Roy, marié et habitué en la ville de Tours, nonobstant que la valleur de lad. finance et indempnité ne soit cy déclarée; que telz dons ne soient faictz que pour la moityé; l’ordonnance des coffres du Louvre et autres ordonnances à ce contraires, ausquelles led. seigneur déroge et à la dérogatoire d’icelles.
A Baptiste d’Alvergne, tireur d’or dud. seigneur, la somme de 600 1. t. à luy ordonnée pour ses gaiges et entretenement en son service durant une année commancée le 1er jour de Janvier 1537 (8) et finie le dernier jour de décembre ensuivant 1538, cy 600 1.
A Baptiste d’Alvergne, tireur d’or, 97 1. 10 s.t. pour son paiement
de trois chesnes rondes d’argent revestues d or tiré par dessus, poisans ensemble 2 marcs 3 onces 7 gros et demy, tant or que argent, lesquelles led. seigneur a pareillement achaptées de luy led. pris et icelles retenues pour en faire et disposer à son plaisir, et ne veult, etc.
A Baptiste d’Alvergne, tireur d’or, A, 163 liv. 15 s. t.; c’est asscavoir : 1,575 1. pour la valleur de 700 escuz, à quoy monte l’estimation faicte de l’ordonnance dud. seigneur par maistre Pierre Paule et Robert de Luz de dix paires de manchons, dont y en a deux paires garnies de perles, et ung devant de cocte avec ung autre paire de plus grans manchons, le tout faict de canetilles et de fil d’or traict fin sur satin cramoisy, qui est à raison de 50 escuz pour chacune desd. dix paires de manchons, l’un portant l’autre, et 200 escuz pour led. devant de cocte et l’autre paire de plus grans manchons, comme il peut apparoir par la certification desd. Paule et de Luz, attachée à l’acquict expédié en vertu de ce présent article ; item, 800 1. pour la valleur de 100 aulnes de toille d or et 100 aulnes de toille d’argent, le tout faulx, dont le Roy a faict marché avec d’Alvergne à raison de h 1. l’aulne, l’une portant l’autre, et 788 1. 15 s. t. faisant le parfaict de 2,900 liv. à quoy monte la prisée qui faicte a aussi esté du commandement dud. seigneur par lesd. Paule et de Luz etPhilippes Audin, brodeur, d’une pièce faicte en broderie de canetilles d’argent traict sur fons de toille d’or traict, contenant 3 aulnes en haulteur et 2 aulnes et demye en largeur, en façon de triangles et rozes à la moresque pour servir à la queue d un des, le surplus de laquelle somme, montant à 1,111 1.5 s. t. a esté cy-devant paiée aud. d’Alvergne par Claude Haligre, naguères trésorier des plaisirs dud. seigneur, comme appert, etc... Et lesquelles choses assçavoir lesd. manchons et devant de cotte le Roy a retenuz en ses mains pour en faire son plaisir et lesd. toilles d or et d’argent faulx et pièces de broderie susd. ont esté mis ès mains de Guillaume Moynier, tappissier dud. seigneur, pour en faire la garde avec les autres meubles dud. seigneur. Et ce à prandre sur les deniers du trésor du Louvre de l’année finie le dernier jour de Décembre dernier passé.
