Les Archives curieuses ont donné cet article (III
ACQUITS AU COMPTANT
duyre, dresser et rendre prestz affin de en donner par après passe temps aud. seigneur, 200 esc. sol. 450 1.
A Loys de Creville, en don, pour estre venu du pais de Languedoc à Saint-Germain-en-Laye, faire apporter au Roy et conduire douze faulcons qu’il a prins par engins et retz oud. pais, comprins le sallaire de deux hommes qui l’ont accompaigné pour aider à apporter lesd. faulcons, à prandre sur les deniers ordonnez à estre distribuez comme dessus, 95 1. 5 s.
A Jehan Dufau, serviteur de Franconseil, demourant à Aigues- Mortes, en don et faveur de ce qu’il a apporté aud. Roy aud. Sainct-Germain-en-Laye ung faulcon et ung tiercelet de faulcon dont il luy a fait présent de la part de sond. maître, 20 esc. s. 45 1.
A Philippes Du Chesne, gentilhomme de la maison de la Royne douairière de Hongrye, en don et faveur de ce qu’il a apporté du pays de Flandres en la ville de Paris en ce présent moys de Janvier certains oyseaulx faulcons, desquelz il a fait présent de la part de lad. dame au Roy notred. seigneur 200 esc. sol. 450 1.
A Loys de Pyennes, pour aller ou pais de Flandres, la part que sera lad. Royne de Hongrye, luy faire présent de certain nombre d’oyseaulx, sacres et sacretz que le Roy a ordonné aud. de Piennes estre faictz conduire par tel nombre de gens qu’il verra bon estre jusques au lieu que sera lad. dame, et ce tant pour l’aller que pour son retour, y comprins la despence que pourront faire lesd. oyseaulx et conducteurs d’iceulx sur les chemins, 120 esc. sol. vallant 270 1.
A Jehan Vasson, en don pour avoir apporté au Roy au Bauluysant ung sacre dud. seigneur perdu à la vollerie et trouvé près Atigny en Champaigne, 45 1.
A Josse de la Planque, sur tant moings et en déduction de ce qui luy pourra estre deu à causse de la nourriture d’une lonce, ung lyon, trois austruces et quatre lévriers, qu’il nourrit en l’hostel des
Tournelles à Paris, et ce oultre les autres sommes qui luy ont esté cy devant fournyes pour pareille cause, à prandre sur les deniers du coffre du Louvre de l'année dernière passée. 40 1.
A Jacques de Maubuysson, lieutenant au Boys de Vincennes soubz monsieur le Connestable, pour achacter du foin pour les daims et coquins du parc d’icelluy lieu, 67 1. 10 s.
