MARINE, VAISSEAUX

A Michel Chappuys, cappitaine en la mer de ponnant, en don et faveur de deux voiaiges qu’il a faictz devers le Roy qui l’avoitfaict mander pour aucunes entreprinses sur lad. mer, 250 1.

A Jehan de Nymont, trésorier de la marine, pour convertir à partie de la soulde des mariniers et autres mises et despences qu’il a convenu faire au voiage que le capitaine Bizeretz a naguères fait aux ysles et terres du Brezil, aussi pour les fraiz qu’il conviendra paier de faire apporter du port de Honnfleu en la ville de Paris certains grant nombre de boys dud. Brezil que led. Bizeretz a recouvert ès ysles dud. pays et fait charger dedans le navire Saint-Philippes, et ce oultre et par dessus les deniers cy.-devant délivrez aud. de Vymont pour led. voyaige, à prandre au coffre du Louvre des deniers du quartier de Janvier, Février et Mars dernier passé 1,500 1. t.

Don à Jacques Cartier, pillote d’une nef appellée Hermine, avecques ses appareilz et munitions retournez du voieage des descouvertures où led. Quartier l’a menée par le commandement dud. seigneur en tout ainsi qu’elle est de présent au port de Saint-Malo, et ce pour le récompenser des fraiz qu’il a faictz aud. voieage.

J, 962, 12, n° 19 (10 mai 1537).

A Estienne Rigault, maître charpentier, fabricateur de gallères, demeurant à Marseillès, en don et faveur de services faictz en sond. estât, 100

ACQUITS AU COMPTANT

A Hebert Gohorel, maistre charpentier, fabricateur de navires, en don et faveur d’un voiaige qu’il est venu faire, par l’ordonnance du Roy, du pays de Normandie en celluy de Provence et Languedoc pour entendre le voulloir du Roy sur certains vaisseaulx qu’il luy a devisez pour s’en servir sur la mer, 50 e. s.,vallent 112 1. 10 s.