LE CURÉ D’AZAY-LE-RIDEAU

En ce temps-là, les prebstres ne prenoyent plus aulcune femme en légitime mariaige, mais avoyent, à eulx, de bonnes concubines, iolies, si faire se pouvoyt; ce qui, depuis, leur feut interdict par les conciles, comme ung chascun sçayt, pour ce que, de faict, il n’estoyt pas plaisant que les espéciales confidences des gens feussent racontées à une gouge qui s’en rioyt, oultre les aultres doctrines absconses, ménagemens ecclésiasticques et spéculations qui abundèrent en ce cas de haulte politicque romaine, Le prebstre de nostre pays qui, théologalement, entretint le darrenier une femme dans son presbytère,

en la resgallant de son amour scholasticque, feut ung certain curé d’Azay-le-Ridel, endroict trezagréable nommé plus tard Azay-le-Bruslé, maintenant Azay-le-Rideau, dont le chastel est une des merveilles de Touraine. Ores, ce dict temps où les femmes ne haïoyent pas l'odeur de prebstre n’est point aussy loing que aulcuns le pourroyent penser, car encores estoyt sur le siège de Paris monsieur d'Orgemont, fils du précédent évesque, et les grosses querelles d’Armignacs n’avoyent finé. Pour dire le vray, cettuy curé faisoyt bien d’avoir sa cure en ce siècle, veu qu’il estoyt fièrement moulé, hault en couleur, de belle corporence, grant, fort, mangeant et beuvant comme ung convalescent, et, de faict, relevoyt tousiours d’une doulce maladie qui le prenoyt à ses heures : doncques, plus tard il eust esté son propre bourreau, s’il eust voulu observer la continence canonicque. Adiouxtez à ce qu'il estoyt Tourangeau, td est, brun, et portant dans les yeulx du feu pour allumer et de l’eaue pour estaindre tous les fours de mésnaige qui vouloyent estre allumez Où estaincts. Aussy, iamais plus à Azay ne s’est veu curé pareil! ung beau curé, quarré, frais, tousiours bénissant, hennissant; aymant mieulx les nopces et

baptesmes que les trespassemens; bon raillard, religieux en l’ecclise, homme partout. Il y ha bien eu . des curés qui ont bien beu et bien mangié ; d’aultres, qui ont bien bény, et certains moult henny ; mais, à eulx tous, ils faisoyent à grant poine en destail la valiscence de ce curé susdict; et luy seul ha dignement remply sa cure de bénédictions, l’ha tenue en ioye et y ha consolé les affligées, tout si bien, que nul ne le voyoyt saillir de son logiz sans le vouloir mettre en sa fressure, tant il estoyt aymé. C’est luy qui, le premier, ha dict en ung prosne que le diable n’estoyt pas si noir qu’on le faisoyt, et qui, pour madame de Candé, transformoyt les perdrix en poissons, disant que les perches de l'Indre estoyent perdrix de rivière, et, au rebours, les perdrix, perches de l’aér. Ilamais ne feit de coups fourrez à l’umbre de la morale; et, souventes foys, railloyt en disant qu'il préféroyt estre couchié en ung bon lict que sur ung testament; que Dieu s’estoyt fourny de tout et n’avoyt besoing de rien. Au resguard des paouvres et aultres, iamais ceulx qui vindrent querir de la laine en son presbytère ne s’en allèrent tondus, veu qu'ilavoyt tousiours la main à la poche et mollissoyt

(luy qui, du reste, estoyt si fermel.… à la veue

de toutes les misères, infirmitez, et se bendoyt à boucher toutes les playes. Aussy ha-t-on dict longtemps de bons contes sur ce roy des curés! C’est luy qui feit tant rire aux nopces du seigneur de Valesnes, près Sacché. Comme la mère dudict seigneur se mesloyt ung peu des victuailles, rostisseries et aultres appretz qui abundoyent tant, que du moins on eust faict le plus d’ung bourg; mais il est vray, pour tout dire, que l’on venoyt à ces espousailles de Montbazon, de Tours, de Chinon, de Langeais, de partout, et pour huict iours.

Ores, le bon curé, qui revenoyt en la salle où se gaudissoyt la compaignie, feit rencontre d’ung petit patronnet, lequel vouloyt advertir Madame que toutes les substances élémentaires et rudimens gras, jus et saulces, estoyent apprestez pour ung boudin de haulte qualité dont elle se iactoyt de surveiller les compilations, enfonçages et manipulations secrettes, à ceste fin de resgaller les parens de la fille. Mon dict curé donne ung petit coup sur l’aureille du guaste-saulce, en luy disant qu'il estoyt trop ord et sale pour se faire veoir à gens de haultes condions, et qu'il s’acquitteroyt dudict messaige. Et vécy

le raillard qui poulse l’huys, qui roule ses doigts gauches en manière de guaisne, et dedans ce pertuys fourre à plusieurs foys trez-gentement le doigt du milieu de sa dextre; puis, ce faisant, il resguarda finement la dame de Valesnes en luy disant : « Venez, tout est prest! » Ceulx qui ne scavoyent pas la chouse s’esclaffèrent de rire, en voyant Madame se lever et aller à curé, pour ce que elle sçayoyt qu'il retournoyt du boudin, et non de ce que cuydoyent les aultres.

Mais ung vray conte est la manière dont ce digne pasteur perdit sa femelle, à laquelle le promoteur mestropolitain ne souffrit point d'héritière; mais, pour ce, ledict curé ne faillit point d’ustensiles de mesnaige. Dans la paroësse, toutes se feirent ung honneur de luy prester les leurs; d’autant que c’estoyt ung homme à ne rien guaster, et qui avoyt grant cure de bien les rincer, le chier homme! Mais vécy le faict. Ung soir, le bon curé revint souper, la face toute mélancholisée, veu qu'il avoyt mis en pré ung bon métayer, mort d’une fasson estrange dont ceulx d’Azay parlent encores souventes foys. Voyant qu'il ne mangioyt que du bout des dents et treuvoyt de l’amer dans ung bon planté de

trippes, dont la coction s’estoyt saigement accomplie à sa veue, sa bonne femme luy dit:

— Avez-veus doncques passé devant le Lombard (Voyez Maitre CORNÉLIUS, passhn), rencontré deux corneilles, ou veu remuer le mort en sa fosse, que vous voilà tout desmanchié?

— Ho! ho!

— Vous ha-t-on deceu ?

— Ha!.. ha!

— Dictes doncques ?

— Ma mye, ie suis encores tout espanté de la mort de ce paouvre Cochegrue, et il n’est en ce moment, à vingt lieues à la ronde, langue de bonne mesnaigiere et lèvres de vertueux cocqu qui n’en parlent.

— Et qu'est-ce?

—Oyez. Ce bon Cochegrue retournoyt du marché, ayant vendu son bled et deux cochons à lard. Il revenoyt sur sa jolie iument, laquelle, depuis Azay, commencoyt à s’enamourer, sans que, de ce, il eust le moindre vent; et paouvre Cochegrue trottoyt, trottinoyt, en comptant ses proufficts. Vécy, au destourner du vieulx chemin des Landes de Charlemaigne, ung maistre cheval, que le sieur de

la Carte nourrit en ung clos, pour en avoir belle semence de chevaulx, pour ce que ce dict animal est trez-idoyne à la course, beau comme peut l’estre ung abbé, hault et puissant, tant ‘qué monsieur l’admiral l’est venu veoir et dit que c’estoyt une beste de haulte futaye; doncques ce diable chevalin flaire ceste iolie jument, faict le sournoys, ne hennit ni ne dict aulcune périphrase de cheval, mais, quand elle est iouxte le chemin, saulte quarante chaïisnées de vignes, court dessus en piaffant des quatre fers, entame l’escopetterie d’ung amoureux qui chomme d’accointance, déclicque des sonneries à faire lascher vinaigre aux plus hardis, et si dru, que ceulx de Champy l'ont entendu et ont eugrant paour. Cochegrue, se doubtant de l’estrif, enfile les Landes, picque sa lascive iument, se fie sur son rapide cours, et, de faict, la bonne iument l’escoute, obéit et vole, vole comme ung oyseau; mais, à portée de cranecquin, le grant braguart de cheval suyvoyt, tappoyt de ses pieds la terre, comme si mareschaulx eussent battu ung fer; et, toutes ses forces bendées, tous crins espars, respondoyt au ioly train du grant galop de la iument par son effroyable patapan, patapan !.… Lors, bon fermier, sentant accourir la mort avec-

ques l'amour de la beste, d’esperonner sa iument, et iument de courir; enfin, Cochegrue, pasle et mymort, atteint la grant court de sa métairie ; mais, treuvant la porte de ses escuyeries fermée, il crie: « Au secours! à moy! ma femme! » Puisil $ourne, tourne autour de sa mare, cuydant éviter le mauldict cheval auquel les amourettes brusloyent, qui faisoyt raige, et croissoyt d'amour au grief pourchaz de sa iument. Tous les siens, espouvantez de ce dangier, n'osoyent aller ouvrir l’huys de l’escuyerie, redoutant l’estrange accollade et les coups de pied de l’amoureux ferré. Brief, la Cochegrue y va; mais, iouxte la porte que la bonne iument avoyt enfilée, le damné cheval l’assaille, l’estrainct, luy donne sa sauvaige venue, l’embrasse des deux jambes, la serre, la pince, la trentemille, et, pendant ce, pestrit et muclte si dur le Cochegrue, que dudict il n’ha esté treuvé qu'ung desbris informe concassé comme ung gasteau de noix, après l'huile distillée. C’estoyt pitié de le veoir escarbouillé tout vif et meslant ses plainctes à ces grans sospirs d'amour de cheval.

— Oh! la iument, s’escria la bonne gouge du curé.

Quoy ? feit le bon prebstre estonné...

— Mais oui! Vous aultres ne feriez point tant seulement crever une prune.

— En dà! respartit le curé, vous me reprouchez à tort !

Le bon mary la gecta de cholère sur le lict; et, de son poinçon, l’estampa si rude qu'elle s’esclatta sur le coup, toute escharbottée; puis mourut, sans que ni chirurgians ni physicians ayent eu cognoissance de la fasson dont se feirent les solutions de continuité, tant feurent violemment desioinctes les charnières et cloisons médianes. Comptez que c’estoyt ung fier homme, ung beau curé, comme ha esté dessus dict.

Les honnestes gens du pays, voire les femmes, convindrent qu'il n’avoyt point eu tort et qu'il estoyt dans son droict. De là, peut-estre, est venu le proverbe tant dict en ce temps: Que l’aze le saille! Lequel proverbe est encores plus deshonneste de mots que ie ne le dis par révérence des dames. Mais ce grant et noble curé n’estoyt pas fort que de là, et, paravant ce malheur, il feit ung coup tel, que nuls voleurs n’osoyent plus iamais luy demander s’il avoyt des anges dans sa pochette, encores qu’ils eussent esté vingt et quelques pour l’assaillir. Ung soir,

il y avoyt tousiours sa bonne femme, après souper, qu’il avoyt bien festoyé l’oie, la gouge, le vin et tout, et restoyt en sa chaire à deviser où il feroyt construire une grange neufve pour les dixmes, vécy venir ung messaige du seigneur de Sacché qui rendoyt l’ame et vouloyt se réconcilier à Dieu, le recepvoir et faire toutes les quérémonies que vous sçavez. « C’est ung bon homme et loyal seigneur, l'y vais! » dit-il. Làa-dessus, passe à son ecclise, prend la boëte d'argent où sont les pains sacrez, sonne luy-mesme sa clochette pour ne point esveigler son clerc, et va, de pied légier, trez-dispos, par les chemins. louxte le Gué-droit, qui est ung rut qui se gecte dans l'Indre à travers la prairie, mon bon curé aperceut ung malandrin. Et qu'est ung malandrin ? C’est ung clerc de sainct Nicholas. Et quoy encores cecy ? Eh bien! c’est un qui veoit clair en pleine nuict, s’instruit en compulsant et retournant les bourses, et prend ses degrez sur les routes. Y estesvous ? Doncques, ce malandrin attendoyt la boëte qu'il sçavoyt estre de bien grand prix.

— Oh! oh! feit le prebstre en desposant le cyboire iuz la pierre du pont, toy, reste là sans bougier.

Puis il marche au voleur, luy donne ung croc-eniambe, luy arrache son baston ferré, et alors que ce maulvais gars se releve pour lucter avecques luy, il vous l’estrippe d’ung coup bien adressé dans les es coutilles du ventre.

Puis il reprind le viaticque en luy disant bravement : « Hein! siie m'estoys fié à ta providence, nous estions fondus !... » Mais proférer ceste impiété sur le grand chemin de Sacché, c’estoyt ferrer des cigales, veu qu'il la disoyt, non pas à Dieu, mais bien à l’archevesque de Tours, lequel l’avoyt durement tance, menassé d’interdict et admonesté au Chapitre, pour avoir dict en chaire à gens lasches que les moissons ne venoyent point par la graace de Dieu, ains par bons labours et grant poine: ce qui sentoyt le fagot. Et, de faict, il avoyt tort, pour ce que les fruicts de la terre ont besoing de l’ung et de l’aultre ; mais il mourut dans ceste hérésie, car il ne voulut iamais comprendre que moissons pussent venir sans la pioche, s’il plaisoyt à Dieu; doctrine que les savans ont prouvée estre vraye, en démonstrant que iadis le bled estoyt bien poulsé sans les hommes. Point ne lairray ce beau modèle de pasteur, sans enclore icy l'ung des traicts de sa vie,

lequel prouve avecques quelle ferveur il imitoyt les saincts dans le partaige de leurs biens et manteaux, qu'ils donnoyent jadis à paouvres et passans. Ung iour, il revenoyt de Tours tirer sa révérence à l’official, et gagnoyt Azay, monté sur sa mule. Chemin faisant, à ung pas de Pallan, il rencontre une belle fille qui alloyt à pied, et feut marry de veoir ceste femme voyageant comme les chiens, d’autant qu'elle estoyt visiblement fatiguée et levoyt son arrière-train à contre-cueur. Alors il la huchia doulcement, et belle fille de soy retourner et arrester. Le bon prebstre, qui s’entendoyt à ne point effarouchier les fauvettes, surtout les coëffées, la requit si gentement de se mettre en croupe sur la mule, et de si bonne manière, que la garse monta, non sans faire quelques réserves et cingeries, comme elles en font toutes, quand on les convie à mangier ou à prendre ce qu'elles veulent. L’ouaille appareillée avecques le pasteur, la mule va son train de mule; et la garse de glisser de cy, de là, vétillant si mal, que le curé lui remonstra, au sortir de Ballan, que ce seroyt mieulx de setenir à luy; et aussitost la belle fille de croiser ses bras potelez sur le pectoral de son cavalier, tout en n’osant,

— Là! ballottez-vous encores ? Estes-vous bien? dit le curé.

— En dà! oui, ie suis bien. Et vous ?

— Moy, feit le prebstre, ie suis mieulx.

Et, de faict, il estoyt à l’aise, et feut bientost gracieusement chauffé dans le dos par deux tangentes qui le froissoyent et finèrent par vouloir s’empreindre dans ses omoplates, ce qui eust esté dommaige, veu que ce n’estoyt point le lieu de ceste bonne et blanche marchandise. Peu à peu le mouvement de la mule mit en coniunction la chaleur interne de ces deux bons cavaliers, et feit mouvoir leur sang plus vite, veu qu'il avoyt le bransle de la mule avecques le sien; et, par ainsy, la bonne garse et le curé finèrent par cognoistre leurs pensées, mais non celles de la mule. Puis, quand ung chascun se feut acclimaté, le voisin chez la voisine, et voisine au voisin, ils sentirent ung remue-mesnaige qui se résolut en secrets dezirs. — Hein ! feit le curé qui se retourna devers sa compaigne, vécy une belle ra chée de bois qui ha poulsé bien espaisse….,

— Elle est trop près de la route, reprint la fille. Les maulvais gars couperont les branches, ou les vaches mangeront les ieunes poulses,.

is.

28h CONTES DROLATIQUES

— Et n’estes-vous point mariée? demanda le curé reprenant le trot.

— Non, feit-elle.

— Pas du tout ?

— Mafy! non!

— Et c'est honteux à vostre aage.

— En dà, oui! monsieur; mais, voyez-vous, une paouvre fille qui ha faict ung enfant est ung bien maulvais bestail.

Lors, le bon curé, ayant pitié de ceste ignorance, et saichant que les canons disoyent, entre aultres chouses, que les pasteurs debvoyent endoctriner leurs ouailles et leurs remonstrer leurs debvoirs et charges en ceste vie, crut bien faire son office en apprenant a celle-cy le faix que elle auroyt ung iour à porter. Alors il la pria doulcement qu’elle ne feust point paoureuse, et que, si elle vouloyt se fier en sa loyaulté, iamais ne seroyt sceu de personne l’essay du chausse-pied de mariaige qu'il luy proposoyt de faire incontinent; et comme, depuis Ballan, à ce pensoyt la fille; que son envie avoyt esté soigneusement entretenue et accreue par le chauld mouvement de la beste, elle respondit durement au curé: — $i vous parlez ainsy, ie vais descendre.

Lors le bon curé continua ses doulces requestes, si bien qu'ils atteignirent les bois d’Azay, et que la fille voulut descendre; et, de faict, le prebstre la . descendit, car il estoyt besoing d’estre à cheval aultrement pour achever ce desbat. Alors la vertueuse fille se saulva dedans le plus espais du bois pour fuir le curé, criant : — Oh! meschant, vous ne sçaurez point où le suis.

La mule arrivée en une clairière où la pelouze estoyt belle, la fille tresbuchia à l'encontre d’une herbe, et rougit. Le curé vint à elle; puis, là, comme il avoyt sonné la messe, il la dit; et tous deux prindrent un gros à-compte sur les ioyes du paradiz. Le bon prebstre eut à cueur de la bien instruire, et treuva sa catéchumène bien docile, aussi doulce d'ame que de peau, vray bïou. Aussy feut-1l bien contrit d’avoir si fort abrégié la lecon en la donnant si près d'Azay, veu qu'il seroyt bien peu aisé de la recommencer, comme font tous les docteurs, qui disent souvent la mesme chouse à leurs élèves.

— Ah! mignonne, s’escria le bonhomme, pour quoy doncques as-tu tant fretinfretaillé, que nous nous soyons accordez seulement iouxte Azay ?

— Ah! feit-elle, ie suis de Ballän,

Pour le faire de brief, ie vous diray que, lorsque ce bon homme mourut en sa cure, il y eut ung grant nombre de gens, enfans et aultres, qui vindrent désolez, affligez, plourant, chagrins, et tous dirent : « Ah ! nous avons perdu nostre père. » Et les garses, les veufves, les mariées, les garsettes s’entreresguardoyent, en le regrettant mieulx qu'ung amy, toutes disoyent : — Ce estoyt bien plus qu’un presbtre, c’estoyt ung homme! De ces curés, la grayne en est au vent, et ne se reproduira plus, maulgré les séminaires.

Voire mesmes les paouvres, à qui son espargne feut laissée, treuvèrent qu'ils perdoyent encores. Et ung vieulx estropié dont il avoyt soing beugloyt dans la court, criant: « le ne mourray point, moy!» cuydant dire: « Pourquoy la mort ne m’ha-t-elle pas prins en sa place ! » Ce qui faisoyt rire aulcuns, ce dont l’umbre du bon curé ne deut point estre faschée.

L'APOSTROPIE

La belle buandière de Portillon-lez-Tours, dont ung mot drolaticque ha desià esté consigné dans ce livre, estoyt une fille dotée de tant de malice, qu’elle avoyt volé celle de six prebstres ou de trois femmes au moins. Aussy, les mignons ne luy manquoyent point, et tant en avoyt, qu'eussiez dict, en les voyant autour d'elle, des mousches voulant rentrer le soir dans leur rusche. Ung vieulx taincturier de soyeries qui demouroyt en la rue Montfumier et y possédoyt ung logiz scandaleux de richesse, venant de son clos de la Grenadière, situé sur le joly costeau de Sainct-Cyr, passoyt à cheval devant Portil-

lon pour gaigner le pont de Tours. Lors, par la chaulde soirée qu’il faisoyt, il feut allumé par un dezir fou, en voyant la belle buandière assise sur le pas de sa porte. Ores, comme depuis long-temps il resvoyt de ceste ioyeuse fille, sa résolution feut prinse d'en faire sa fçmme, et bientost de lavandière elle devint taincturière, bonne bourgeoyse de Tours, ayant des dentelles, du beau linge, des meubles à foison, et feut heureuse, nonobstant le taincturier, veu qu’elle s’entendit trez-bien à le pellauder. Le bon taincturier avoyt pour compère ung fabricateur de méchanicques à soyeries, lequel estoyt petit de taille, bossu pour toute sa vie et plein de meschanterie. Aussy, le iour des nopces, il disoyt au taincturier : « Tu as bien faict de te marier, mon compère, nous aurons une iolle femme... » Puis mille gaudrioles matoises comme il est coustume d’en dire aux mariez.

De faict, ce dict bossu courtoisa la taincturière, qui, de sa nature, aimant peu les gens mal bastis, se mit à rire des requestes du méchanicien, et le plaisanta trez-bien sur ses ressorts, engins et aultres bobines dont il avoyt sa bouticque trop pleine. Enfin, ceste grant amour dudict bossu ne se rebuta de

rien, et devint si fort poisanfe à la taincturière, qu'elle se résolut de la guarrir.par mille maulvais tours. Ung soir, après de sempiternelles poursuites, elle dit à son amoureux de venir à la petite porte du logiz, et que, vers minuict, elle luy ouvriroyt tous les pertuys. Ores c’estoyt, notez, par une belle nuict d'hyver ; la rue Montfumier aboutit à la Loire, et, dans ce pertuys citadin, s’engouffrent, mesmes en été, des vents picquants comme ung cent d’esguilles. Le bon bossu, bien empapilloté dans son manteau, ne faillit point à venir, et se pourmena pour se tenir chauld en attendant l'heure. Vers minuict, il estoyt à moitié gelé, tempestoyt comme trente-deux diables prins dans une estole, et alloyt renoncer à son bonheur, quand une foible lumière courut par les fentes des croisées et descendit iusqu'à la petite porte.

— Ah! c’est elle! feit-il.

Et cet espoir le reschauffa. Lors, il se colla sur la porte et entendit une petite voix.

— Estes-vous là ? lui dit la taincturière.

— Oui! | |

— Toussez, que ie voye..

Le bossu se mit à tousser.

— Ce n’est pas vous.

Alors le bossu dit à haulte voix :

— Comment! ce n’est pas moy! Ne recognoissezvous point ma voix ? Ouvrez!

— Qui est là? demanda le taincturier en levant sa croisée.

— Las! vous avez resveiglé mon mary qui est revenu d’Amboise, ce soir, à l’improviste… “

Là-dessus, voilà le taincturier qui, voyant au clair de la lune ung homme en sa porte, luy gecte une bonne potée d’eau froide et crie : « Au voleur! » en sorte que force feut au bossu de s'enfuir; mais, dans sa paour, il saulta fort mal par-dessus la chaisne tendue au bout de la rue, et tomba dans le trou punais, que lors les eschevins n’avoyent point faict encores remplacer par une vanne à deschargier les boues en Loire. De ce bain pensa crever le méchanicien, qui mauldit la belle Tascherette, veu que, son mary se nommant Taschereau, les gens de Tours avoyent ainsy désigné sa gentille femme, par mignonnerie.

Carandas, c’estoyt le facteur d’engins à tisser, filer, bobiner et enrouler les soyes, n’estoyt point assez entreprins pour croire à l'innocence de ia

taincturière, et luy iura une haine de diable. Maïs, quelques iours après, quand il feut remis de sa trempette dans l’esgout des taincturiers, il vint souper chez son compère. Alors, la taincturière l’arraisonna si bien, luy mit tant de miel dans quelques paroles et l’entortilla de si belles promesses, qu'il n'eut plus de soupçons. Il demanda une nouvelle assignation, et la belle Tascherette, avecques le visaige d’une femme occupée de ces chouses-là, luy dit : — Venez demain soir. Mon mary restera trois iours à Chenonceaux. La Royne veult faire taindre de vieilles estoffes et délibérera des couleurs avecques luy ; cela sera long.

Carandas se chaussa de ses plus belles nippes, ne feit point deffault, comparut à l'heure dicte, et treuva ung brave souper: la lamproye, le vin de Vouvray, nappes bien blanches, car il ne falloyt point en remonstrer à la taincturière sur le tainct des buées; et tout estoyt si bien appresté que il y avoyt plaisir à veoir les plats d’estain bien nets, à sentir la bonne odeur des metz, et mille iouissances sans nom à mirer, au mitan de la chambre, la Tascherette lesie, pimpante et appetissante comme une

pomme par ung iour de grant chaleur, Ores, le mé-

chanicien, oultre-chauffé par ces ardentes perspectives, voulut, de prime sault, assaillir lataincturière, lorsque maistre Taschereau frappa de grens coups à la porte de la rue.

— Ha! feit la Portillonne, qu'est-il advenu ?.… Mettez-vous dans le bahut! car l’ay esté vitupérée à vostre endroict; et, si mon mary vous treuvoyt, il pourroyt vous deffaire, tant violent il est dans ses maulvaisetez.

Et tost elle boute le bossu dedans le bahut, en prend la clef et va vite à son bon mary, qu’elle SÇavoyt debvoir revenir de Chenonceaux pour souper. Lors le taincturier feut baisé chauldement sur les deux yeux, sur les deux aureilles; et, luy de mesmes, accolla sa bonne femme par de gros baisers de nourrice qui claquoyent tant et plus. Puis, les deux espoux se mirent à table, iocquetèrent, finèrent par se couchier, et le méchanicien entendit tout, : ccntrainct d’estre debout, de ne point faire de tousserie ni mouvement aulcun. Il estoyt parmy des lingt5, serré comme une sardine dans ung poinçon, et n'avoyt de l'aèr que comme les barbeaulx ont du soleil au fund de l’eaue; mais il eut, pour soy divertir,

les musicques de l’amour, les sospirs du taincturier

L'APOSTROPHE , 293 et les iolis proupos de la Tascherette. Enfin, quand il crut son compère endormy, le bossu feit mine de crocheter le bahut.

— Qui est à? dit le taincturier.

— Qu'as-tu, mon mignon? reprint sa femme en levant le nez au-dessus de la courte-poincte.

— l'entends gratter, dit le bonhomme.

— Nous aurons de l’eaue demain, c’est la chatte, respondit la femme. |

Le bon mary de remettre sa teste sur la plume, après avoir esté papelardé légierement par la taincturière.

— Là! mon fils, vous avez le somme bien légier. Ab! il ne faudroyt point s’adviser de vouloir faire de . vous ung mary de haulte futaye. Là, tiens-toy saige. Oh ! oh! mor papa, ton bonnet est de travers. Allons ! recoëffe-toy, mon petit bouchon, car il faut estre beau, mesmes en dormant. Là! es-tu bien ?

— Oui.

— Dors-tu? feit-elle en le baïisant,

— Oui.

Au matin, la belle taincturière vint, de pied coy,

294 CONTES DROLATIQUES ouvrir au méchanicien, qui estoyt plus pasle qu’ung trespassé.

— Oh! de l’aér, de l’aër! feit-il.

Et il se saulva, guarry de son amour, emportant autant de haine en son cueur qu’une poche peut contenir de bled noir. Le dict bossu laissa Tours et s’en alla-dans la ville de Bruges, où aulcuns merchans l'avoyent convié de venir arrangier des méchaniques à faire des haubergeons. Pendant sa longue absence, Carandas, qui avoyt du sang maure dansles veines, veu qu’il descendoyt d’ung ancien Sarrasin quitté quasy-mort dans le grant combat quise donna entre les Moricauds et les Françoys en la commune de Ballan (dont est question au Conte précédent), auquel lieu sont les landes dictes de Charlemaigne, où il ne poulse rien, pour ce que des mauldicts, des mescréans y sont ensevelis, et que l'herbe y damne mesmes les vaches; doncques, ce Carandas ne se levoyt ni ne se couchioyt en pays estrange, sans songier comment il donneroyt pasture à ses dezirs de vengeance, et il y resvoyt tousiours et ne vouloyt guères moins que le trespas de la bonne buandière de Portillon, et souventes foÿes se disoyt : Ie mangeroys de sa chair. Da! ie feroys cuire lung de ses tettins

et le crocqueroys, mesmes sans saulce. » C’estoyt une haine cramoisie, de bon tainct, une haine cardinale, une haïne de guespe ou de vieille fille; mais c'estoyent toutes les haïnes cogneues, fondues en une seule haine, laquelle rebouilloyt, se concoctionnoyt et se resolvoyt en ung élixir de fiel, de sentimens maulvais etdiabolicques, chauffé au feu des plus flambans tisons de l'enfer; enfin, c’estoyt une maistresse haine.

Ores, ung beau iour, ledict Carandas revint en Touraine avecques force deniers qu'il rapporta des pays de Flandres, où il avoyt trafficqué de ses secrets méchanicques. Il achepta ung beau logiz dans la rue Montfumier, lequel se veoit encores et faict l’estonnement des passans, pour ce que il ha des rondesbosses bien plaisantes practicquées sur les pierres des murs. Carandas le haineux treuva de bien notables changemens chez son compère le taincturier, veu que le bonhomme avoyt deux iolis enfans, lesquels, par cas fortuit, ne présentoyent aulcune ressemblance ni avecques la mère, ni avecques le père; mais, comme besoing est que les enfans ayent une ressemblance quelconque, il y en ha de rusés qui vont chercher les traicts de leurs ayeulx, quand ils sont

beaulx, les petits flatteurs ! Doncques, en revanche, il estoyt treuvé par le bon mary que ses deux gars ressembloyent à ung sien oncle, iadis prebstre à Nostre-Dame de l’Esgrinolles; mais, pour aulcuns diseurs de gogues, ces deux marmots estoyent les pourtraictures vivantes d’'ung gentil tonsuré, desservant de Nostre-Dame-la-Riche, célèbre paroësse située entre Tours et le Plessis. Ores, croyez une chouse et inculquez-la dans vostre esprit; et quand, en cettuy livre, vous n’auriez broutté, tiré à vous, extraict, puisé que ce principe de toute vérité, resguardezvous comme bien heureux : à sçavoir, que iamais ung homme ne pourra se passer d’ung nez, id est, que tousiours l’homme sera morveux, c’est-à-dire qu'il demourera homme, et, par ainsy, continuera dans tous les siècles futurs à rire et boire, à se treuver en sa chemise sans y estre meilleur, ni pire, et aura mesmes occupations; mais ces idées préparatoires sont pour vous mieux ficher en l’entendement que ceste ame à deux pattes croira tousiours pour vraies les chouses qui chatouillent ses passions, caressent ses haïnes et servent ses amours : de là, la logique! Par ainsy, du premier iour que le dessus dict Carandas veit les enfans de son compère, veit le gentil

prebstre, veit la belle taincturière, veit le Taschereau, tous assis à table, et veit, à son détriment, le meilleur transon de la lamproye donné d’ung certain air par la Tascherette à son amy prebstre, le méchanicien se dit : — Mon compère est cocqu, sa femme couche avecques le petit confesseur, les enfans ont esté faits avecques son eaue benoiste, et ie leur demonstreray que les bossus ont quelque chouse de plus que les aultres hommes.

Et cela estoyt vray, comme il est vray que Tours ha esté et sera tousiours les pieds dedans la Loire, comme une iolie fille qui se baigne et ioue avecques l’eaue, faisant flicq flacq en fouettant les ondes avecques ses mains blanches : car ceste ville est rieuse, . rigoleuse, amoureuse, fresche, fleurie, perfumée, mieulx que toutes les aultres villes du monde, qui ne sont pas tant seulement dignes de luy paigner ses cheveux, ni de luy nouer sa ceincture. Et comptez, si vous y allez, que vous luy treuverez, au milieu d’elle, une iolie raye, quiest une rue délicieuse où le monde se pourmène, où tousiours il y ha du vent, de l’umbre et du soleil, de la pluye et de lamour. Ha! ha! riez doncques, allez-y doncques! C'est une rue tousiours neufve, tousiours royale,

tousiours impériale, une rue patrioticque, une rue à deux trottoirs, une rue ouverte des deux bouts, bien percée, une rue si large que iamais nul n’y ha crié: Gare ! une rue qui ne s’use pas, une rue qui mêne à l'abbaye de Grant-Mont et à une trenchée qui s'emmanche trez-bien avecques le pont, et au bout de laquelle est ung beau champ de foire ; une rue bien pavée, bien bastie, bien lavée, propre comme ung mirouer, populeuse, silencieuse à ses heures, cocquette, bien coëffée de nuict par ses iolis toicts bleus; brief, c'est une re où ie suis né, c’est la royne des rues, tousiours entre la terre et le ciel, une rue à fontaine, une rue a laquelle rien ne manque pour estre célébrée parmi les rues ! Et, de faict, c'est la vraie rue, la seule rue de Tours. S’il y en ha d’aultres, elles sont noires, tortueuses, estroiïctes, humides, et viennent toutes respectueuses saluer ceste noble rue, qui les commande. Où en suis-je? car, une foys dans ceste rue, nul n’en veut yssir, tant plaisante elle est. Mais ie debvoys cet hommaige filial, hymne descriptive venue du cueur, à ma rue natale, aux coins de laquelle manquentseulement les braves figures de mon bon maistre Rabelais et du sieur Descartes, incogneus aux naturels

du pays. Doncques, le dessus dict Carandas feut, à son retourner de Flandres, festoyé par son compère et par tous ceulx dont il estoyt aymé pour ses gogues, droleries et facétieuses paroles. Le bon bossu parut deschargié de son ancien amour, feit des amitiés à la Tascherette, au prebstre, embrassa les enfans ; et, quand il feut seul avecques la taincturière, luy ramenteva la nuict du bahut, la nuict de l’esgout, en luy disant: — Hein! comme vous vous estes gaussée de moy!

— Cela vous estoyt deu, respondit-elle en riant. Si vous vous estiez laissé, par grant amour, turlupiner, trupher, goguenarder, encores ung transon de temps, vous m'auriez peut-estre fanfreluchée comme tous les aultres !…

Là-dessus, Carandas se print àarire en enraigeant. Puis, voyant ledict bahut où il avoyt failli crever, sa cholère devint d'autant plus chaulde, pour ce que la belle taincturière s’estoyt encores embellie comme toutes celles qui s’enraieunissent en soy trempant dans les eaues de louvence, lesquelles ne sont aultres que les sources d'amour. Le méchanicien estudia l’alleure du cocquaige chez son compère, affin de soy venger: car, autant sont de logiz, autant

sont de variantes en ce genre; et, quoique tous le: amours se ressemblent de la mesme manière que les hommes ressemblent tous les uns aux aultres, il est prouvé aux.abstracteurs de chouses vraies que, pour le bonheur des femmes, chaque amour ha sa physionomie espéciale, et que, si rien ne ressemble tant à ung homme qu'ung homme, il n’y ha aussy rien qui diffère plus d'ung homme qu’ung homme. Voilà qui confond tout, ou explique les mille phantaisies des femmes, lesquelles querrent le meilleur des hommes avecques mille poines et mille plaisirs, plus de lung que de l’aultre. Mais comment les vitupérer de leurs essays, changemens et visées contradictoires ? Quoy ! la Nature fretille tousiours, vire, tourne, et vous voulez qu’une femme reste en place ! Scavez-vous si la glace est vraiement froide? Non. Eh bien! vous ne scavez pas non plus si le cocquaige n’est pas ung bon hazard, producteur de cervelles bien guarnies et mieulx faictes que toutes aultres. Cherchez doncques mieulx que des ventositez sous le ciel. Cecy fera bien ronfler la réputation philosophicque de ce livre concentricque. Oui, oui, allez; celluy qui crie : Vécy la mort aux rais ! est plus advancé que ceulx occupez à trousser la Na-

ture, veu que c’est une fière pute, bien capricieuse et qui nese laisse veoir qu’à ses heures. Entendezvous ? Aussy, dans toutes les langues, elle appartient au genre féminin, comme chouse essentiellement mobile, féconde et fertile en pipperies.

Aussy, bientost recogneut Carandas que, parmy les cocquaiges, le mieulx entendu, le plus discret estoyt le cocquaige ecclésiasticque. De faict, vécy comme la bonne taincturière avoyt estably ses traisnées. Elle se départoyt tousiours devers sa closerie de la Grenadière-lez-Saint-Cyr, la veille du dimanche, laissant son bon mary parachever ses travaulx, compter, vérifier, payer les laäbeurs d'ouvriers; puis, Taschereau la venoyt reioindre lendemain matin, ettrouvoyt un bon desieuner, sa bonne femme gaye, et tousiours amenoyt le prebstre avecques luy. De faict, le damné prebstre traversoyt la Loire en ung bateau la veille, pour aller tenir chauld à la taincturière et luy calmer ses phantaisies, affin qu'elle dormist. bien pendant la nuict, ouvraige auquel s’entendent bien les ieunes gars. Puis, le beau brideur de phantaisies revenoyt au matin en son logiz, à l'heure où le Taschereau advenoyt le requérir de se divertir à la Grénadière, et tousiours le

cocqu trouvoyt le prebstre en son lict. Le batelierbien payé, nul ne sçavoyt ceste alleure, veu que l'amant ne voyageoyt la veille que de nuict, et le dimanche de grant matin. Lorsque Carandas eut bien vérifié l'accord et la constante praticque de ces dispositions guallantes, il attendit ung iour où les deux amans se reioindroyent bien affamez l’ung de l’eultre, après quelque caresme fortuit. Ceste rencontre eut lieu bientost, et le curieux bossu veit le manége du batelier attendant au bas de la grève, prouche le canal Saincte-Anne, le susdict prebstre, lequel estoyt ung ieune blond, bien gresle, gentil de formes, comme le guallant et couard héros d'amour tant célébré par messire Arioste. Alors le méchanicien vint trouver le vieulx taincturier, qui tousiours aymoyt sa femme et se croyoyt seul à mettre le doigt dans son ioly bénoistier. « Hé ! bonsoir, mon compère! » feit Carandas à Taschereau. Et Taschereau d’oster son bonnet,

Puis, vécy le méchanicien qui raconte les secrettes festes de l'amour, desbagoule des paroles de toutes sortes et picque de tous costez le taincturier.

Enfin, le voyant prest à tuer sa femme et le prebstre, Carandas lui dict ;: — Mon bon voisin, ray

rapporté de Flandre une espée empoisonnée, laquelle occit net quiconque, pourveu qu’elle luy fasse une esgratigneure : ores, dès que vous en aurez tant seulement touchié vostre gouge et son concubin, ils mourront.

— Allons la querir, s’escria le taincturier…

Puis, les deux merchans d’aller grant erre au logiz du bossu, de prendre l’espée et de courir en campaigne.

— Mais les treuverons-nous couchiez! disoyt Taschereau.

— Vous attendrez, feit le bossu se gaussant de son compère.

De faict, le cocqu n’eut pas la griefve poine d’attendre la ioye des deux amans. La iolie taincturière et son bien aymé estoyent occupez à prendre, dans ce ioly lacqs que vous scavez, cet oyseau mignon qui tousiours s’en eschappe ; et rioyent, et tousiours essayoyent, et tousiours rioyent.

— Ah! mon mignon, disoyt la Tascherette en l’estreignant comme pour se l’engraver dessus l’estomach, ie t'ayme tant, queie vouldroys te crocquer!… Non, encores mieulx, t'avoir en ma peau, pour que

tu ne me quittasses jamais,

— le le veulx bien, respondoyt le prebstre; mais ie ne puis y estre tout entier, il faut se contenter de m'avoir en destail.

Ce feut en ce doulx moment que le mary entra l’espée haulte et nue. La belle taincturière, à qui le visaige de son homme estoyt bien cogneu, veit que c'en estoyt faict de son bien aymé le prebstre. Mais, tout à coup, elle s’élança vers le bourgeoys, demynue, les cheveulx espars, belle de honte, plus belle d'amour, et luy dit: — Arrête, malheureux, tu vas tuer le père de tes enfans!

Sur ce, le bon taincturier, tout esblouy par la maiesté paternelle du Cocquaige et peut-estre aussy par la flamme des yeulx de sa femme, laissa tomber l'espée sur le pied du bossu qui le suivoyt, et, par ainsy, le tua.

Ceci nous apprend à n’estre point haineux

Clichy, — 1mpr, M. Loignon, Paul Dupont et Cie, rue du Bac-d’Asnières, 42.