I.A DISTINCTION 1)1! VIIAY A MOI II

Or maintenant j'entens bien vostre tesmr, Et que m'amour vouliez et demandez, J'entens l'amour de recouvrer moy mesme : C'est le vray bruict à quoy vous prétendez. Et lors Amour que tant recommandez Vivra en moy, quant je ne vivray plus. Par quoy m'amour me fouit, je le consens, Afin qu'Amour, non plus moy, en moy vive. Je m'y consens et quicte le surplus D'amour charnel pour l'amitié naïfve.

Amour vous a bien longtemps pourchassée

Et enfin prise, son honneur et [sa] gloire.

Moy qui cuidois vous avoir bien chassée,

Vous ay perdue, et sy ne le puis croire,

Mais c'est Amour qui eust de vous victoire.

Pour vous, en luy mesmes à soy me tire,

Donc son désir, non plus le mien, désire.

Vaincu je suis de luy et m'y consens,

Car heureux suis, veu que je puis [vous] dire,

Qu'en nous deux rien, fors luy, je n'ayme et sens.

:ui

DIXAIX

Qui à l'eul doux, ne le peult avoir rudde;

Quel n'est pas sain1, plus qu'il ne veult, souspire ;

Qui parle bien par naturelle estude

Ne peult tenir sa langue de bien dire.

Mais cestuy là auquel nature est pire,

Qui ne dict mot et ne scet regarder,

Bailler luy fault les femmes à garder :

Ce dictes vous, mais je dis le contraire ;

Car au premier l'on se peult hazarder,

Mais du second est bon de se retraire.