Ms. sein

CHANSONS SIMIII I Il.l.l I | 313

S'il me veult saulver par s;i dextre, Fault il en mon bras me fier?

S'il est mon saint et mon estre.

Point n'en fault d'aultre édifier.

S'il est mon seur et seul espoir, Fault il avoir autre espérance?

S'il est ma force et mon pouvoir, Fault il prandre ailleurs assurance; Et s'il est ma persévérance, Fault il louer ma fermeté, Et pour une belle apparence, Fault il laisser la sûreté?

Si ma vie est en Jesucrist, La fault il croire en ceste cendre?

S'il m'a donné son saint escript, Fault il d'aultre doctrine prendre?

Si tel maistre me daigne apprendre, Fault il à aultre escolle aller?

S'il me faict son vouloir entendre, Fault il par craincte le celler?

Si Dieu me donne son enfant, Fault il craindre à l'apeller Père?

Si le monde me le défend, Fault il qu'à son mal je tempère ?

Si son esprit en moy opère, Fault il son ouvraige estimer?

Non, mais Dieu, qui partout impere, Fault en tout veoir, craindre et avmer.