AUTRE SUR LE CHANT : « AVEZ POINCT VEU LA PERONNELLE
Avés poinct veu la malheureuse, Fol. 72.
Que tous ennuis1 viennent chercher, Qui de nul bien n'est désireuse, Et ne veult de joye approcher?
Ne la cherchez poinct en la plaine2 De propre délectation ; Elle s'en va sur3 la montaigne De toutte tribulation ;
Où n'a ny homme, ny femme, Qui veulle ce lieu habiter; Mais elle fuit tout ce qu'elle ayme, Pour en ce lieu sainct hériter.
Le rossignol, ny la callandre, L'estourneau, la pie et le jay Ne font poinct là leur chant entendre, Ne aussy le doux papegay.
Le cha[t] huan, oyseau nocturne, L'orfraye 4 et aussy le corbeau Prédisent5 la malle fortune A tout passant viel et nouveau.
1. Ms. ennemis. — 2. Ms. penne. — 3. Ms. en. — 4. Ms. La freyaye. — 5. Ms. prédisant.
CHANSONS Sl'lllll UIM.I.KS 315
El en lion (le doulce musique
Sont reynes et chauves souris, Et ii son pleur mélancolique Prent plus de plaisir ([n'en son ris
En ceste montaignc ne va vache Beuf, brebis, chèvre, ne mouton, Mais l'animal qui l'homme fâche Repare aumônier, ce dict on.
La serpente et verte lesarde, B scorpions et gros crapaulx, De ceste montaignc ont la garde Pour faire aux passans mille inaulx.
Arbre n'y a, herbe ou verdure,
Ni belle Heur, ny nul bon fruict,
L'iver sans controuver y dure,
Le printemps du chault est prescript.
Il n'y croit ni poire ny pomme, Ny chose qu'on puisse manger, Sinon tout ce qui nuict à l'homme, Dont elle n'a peur ne danger.
Car ne trouvant ça bas pasture, En voyant que tout luy default.
Joieusement elle l'endure.
Espérant la manne d'en hault ;
Ainsy que bonne pellerine, En croiant ce qui est promis,
D'Egipte n'emporte farine, Ny sac où nul vivre soit mis.
Le plaisir du fol et du saige, C'est de trouver à qui parler :
Mais il1 n'a en ce lieu sauvaige, A qui se puisse déclarer.
Il n'y a arbre ny racine, Pour faire table ny eschetz ; Et cy sont la roche et l'espine Trop tortes pour faire jonchetz.
Des ouvraiges qui donnent joye, On n'en trouveroit2 tout un seul ; Il n'y croit ny fil d'or3, ny soye, Ny couton pour faire ung linceul.
Il n'y a temple ny esglise, Paincture vive ny tableau, Ny riens qui l'œil charnel ravis[s]e De contempler le bon et beau.
Elle n'espargne pas ses plantes De marcher sur rocs4 eslevez, Sur chardons et roses piquantes, Car ce sont tous tappis vellus.
Là ne croist papier, encre ou plume, Pour escripre ce qu'elle veult,
1. Ms. qui. — 2. Ms. trouva. — 'S. Ms. fidor. — 4. Ms. rocher.
( IIANSONS Sl'lllllll tLLBf 317
Ny livre, livret ny volume ; Tuulcsfois «'lit' ntî s'en deult.
Tout le passetemps et la joye Que le monde a sccu inventer, Elle n'en voyt rien en sa voye, Car nul ne s'y veult présenter.
Chose ne void en eeste terre, Qui plaise à son eul ny son c[u]eur, Mais perdre veult en ceste guerre, Pour rendre autruy contant vaine[u]eur.
Elle ne parle, ny n'escoutte, Car ne se tay1 qui parle peu, Et pour ce qu'elle ne void goutte, S'esjouit là où pleurer deust.
Ainsy de roc en roc s'arappe, Prenant repos à travailler, Et ne luy chault qui tue ou frappe; , Rien ne la faict esmarveiller.
Sa pensée2 seulle demeure Avec elle en tout labeur, Souvent en l'entreprenant pleure, Et puis rid, aymant sa douleur :
Mais sy Dieu tout bon la dellaisse En ce rocher plus dur que fer, Tristesse, qui son cueur abaisse, Le mènera jusqu'en enfer.
