Le fleuve Léthé. — 2. Ms. pour oblier
La Royne a Madame la princesse *
"Cuydant au soir en repoz sommeiller,
Amour me vient tout soudain esveiller
Disant : « Escriptz et prens la plume en main,
Sans t'excuser ny attendre à demain.
Prendre ne peult ta fille en passience
•Geste trop longue et fâcheuse sillence. »
Je luy respondz quasi tout en dormant :
« J'ay tant escript que je n'ay argument
Pour bien escrire. » Il me respond : « Ne cesse
Jusques à ce que la pauvre princesse
Soit jointe au bien que tant elle désire;
Alors ta main reposera d'escripre.
Mais jusques là ta fille n'abandonne2,
Et par escript quelques escriptz nous donne. »
Je me levay estant par luy pressée3,
Du papier pris et ma plume ay dressée,
Et en l'allée auprès de ma fenestre
Me promenay4, pour plus à mon ayse estre.
Puis je m'assis et me prins à penser
Par quel endroit je pourrais commencer.
J'attendis peu, lorsque5 j'ouys ung bruict
D'un vent sortant et de feuille et de fruict,
Qui doulcement portoit à mon oreille
1. F" 64 v°, et ms. fr. 883, f° 35. — 2. Ms. abhandonnes. — 3. Ms £stant près de luy pressée. — 4. Ms. promené. — 5. Ms. quant.
EPISTKE DR LA ItOYNE A MADAME 27
Ung son piteux qui me donna merveille.
Je me tournay1 et deçà et délit
Pour mieulx seavoir le lieu d'où vient cela.
Mais je ne vis arbre, branche ny feuille,
Qui doulcement d'un accord ne se dueille.
Et à leur son les petites fontaines
Ont respondu comme esgalles [en] peines,
Avecques eulx la voix de la rivière,
Qui s'eslevoit2 par si doulce manière,
Que j'ouys bien son amoureuse3 voix;
Mais ung seul mot entendre ne sçavois.
Mon couvre-chef je prins à destacher
Et mon oreille ouvrir et approcher.
Là j'entendis ung mot piteux et bas
De toutes ces voix redisant : « Helas !
Helas! Helas! or, l'avons nous perdue?
Las! dessus nous ne torne plus sa veue
Ceste beaulté qui nous embellissoit,
Ceste vertu qui nous resjotiyssoit,
Ceste doulceur adoulcissant nos fruictz ;
Or, sommes nous sans elle tous dcstruietz4. »
Si je senty de toute créature
Un tel helas, croyez que ma nature
Ne peust souffrir d'oyr le demourant.
Mais m'en revins en ma chambre courant,
Avecques eulx criant : « Helas ! mon Dieu
Ramené tost en ce désolé lieu
Celle que tant ciel et terre regrette,
Et que revoir incessamment souhaitte. »
1. Ms. trouvay. — 2. Ms. qui estoit. — 3. Ms. l'amoureuse. — 4. Ce vers ne se trouve que dans le ms. 883.
Epistre de la Royne de Navarre a Madame l'abbesse de Fontevrault1
Le seul Amour qui n'a bandeau ny arc, Le vray pasteur de vostre petit parc, En gouvernant ces blanches brebiettes2 Sçet bien tirer ses dorées sajectes, Les regardant seulement, il les garde.
Cest amour là duquel estes aymée, Qui d'un chacun vous faict estre estimée, En remplissant vostre cueur et vostre ame De sa divine amour et vive flame, Contrainct chacun d'estre vray amateur De la brebis d'un si parfaict pasteur, Voiant qu'avez cueur et corps revestuz Du viel habit de ses grandes vertuz , Tant qu'on le void en vous vivre et reluyre.
1. F° 62 v°. Cette lettre est adressée, selon toute évidence à Louise de Bourbon, fille de François de Bourbon et de Marie de Luxembourg, et par conséquent tante d'Antoine de Bourbon, époux de Jeanne d'Albret. Elle prit le voile en 1510 à Fontevrault, fut élue abbesse en 1533 et gouverna le célèbre monastère jusqu'en 1575. C'était une femme remarquable, d'une grande élévation de sentiments. — 2. Ms. berbiettes.
