EPISTRE DE LA HOYNE A L ABHESSB DE FONTEVRAULT

C'est ce qui peult tout bon esprit induire

A vous aymer en Dieu et Dieu en vous,

Ne voiant qu'un à l'espouse et l'espoux.

Et si chascun, conduict par la puissance

De ceste vraye et vive congnoissance,

Vous ayme et loue et se tient heureux d'estre

Près du chef d'oeuvre de si excellant Maistre,

Moy qui me voy, maulgré mon cueur, bannye

De vostre tant honneste compaignie,

Ne doy-je pas la perte regretter

Et le retour plus qu'autre souhaitter?

L'homme charnel voiant le parentaige

D'entre nous deux dira son vieulx langaigc :

C'est que le sang1 me contrainct désirer

Vostre présence et sans vous souspirer.

Mais ce n'est pas où arrester me veulx,

Car le lien qui est entre nous deux

N'est chair ne sang que trop nous desprisons,

Pour nous lier en si fortes prisons.

Mais si celluy qui a l'esprit de Dieu

En veult parler, je luy donne le lieu ;

Car il faut bien sçavoir de quel lien

Deux cueurs en ung sont au souverain Bien

Parfaictement adjoinctz sans départir.

Qui le dira ainsi ne peult mentir.

Mais pour juger nostre amitié, il fault

Au juge avoir esprouvé qu'amour vault.

Car qui n'est bien de ceste amour atainct,