Mb. me. — 2. Ms. la

Qu'il fault penser que Celluy qui commande,

Qui la régit, la gouverne et la meult,

Peult ce qu'il veult et qu'il veult ce qu'il peult.

Car qui pourroit tel chef d'œuvre parfaire,

Fors que Celluy qui de rien peult tout faire ?

Je regardoys hault, bas, de tous costez,

Fort esbahy, Amye, n'en doubtez,

Comme celluy qui eut les yeux bendez

De cest amour, que bien vous entendez,

Trop longuement3, ne pensant que Nature Fol. 276 verso.

Eust fait ca bas nulle autre créature

Sinon vous seulle, où ma veue estendue

Fut sans cesser, non ailleurs espandue,

Mais aveuglée en autre lieu estoit,

Car de vous seulle elle se contantoit.

Je regardoys par grande nouveaulté

Le ciel d'asur plain d'extresme beaulté,

Puys mon soleil le jour illuminant,

La lune aussy de nuict clarté donnant,

Estoilles quoy! en tel ordre et tel nombre

Que nul ne peult de ceste mortelle ambre

Clairement veoir leur compagnye entière,

Et moins sçavoir que c'est de leur manière.

Je viz après les notables planettes,

Les unes plus qu'autres claires et nettes,

Desquelles est le cours et la nature

Bien peu congneu à toute créature,

Mais leurs effèctz des corps humains se sentent