LES PUISONS DK I.A III'.IM. DE KAVARRR
Et pur leur bruyt oreilles cstomiaules : i ,,i. 27» verso.
« C'est paradis iey, nie dis je alors,
« Se le dedans est pareil an dehors;
« Je n'oys riens que chant/, melodieulx,
« Orgues sonnant pour resjouir les dieulx;
« Je n'y entend/ sinon parolles sainctes,
« Prestres devotz, prédications mainctes,
« Pour consoler tous les devotz esprits
« Et ramener à bon port les péril*. »
Les sacrcmens j'y viz administrer
Et les petis en evesques mistrer1.
Bref, je viz tout ce que font les prelatz
Officiant, dont souvent ilz sont las;
En les voyant j'y prias dévotion,
Car par avant jamais affection
Ny avois eu. Ma prison m'estoit temple
Pour moy assez riche, beau, large et ample;
Vous seulle estiés mon autel, mon ymaige,
Le but et fin de mon pèlerinage;
Mais, n'ayant plus devant moy telle ydole.
Il fault qu'ailleurs mon esprit se consolle.
Parquoy bientost dedans ma fantasie
Se vint loger madame Hypocrisie,
Me remonstrant que j'aquerroys honneur
Si a l'église estoys dévot donneur;
Et la croyant, pensay d'édifier
I. Le sens de ce vers est obscur. Peut-être faut-il y voir une allusion aux fêtes bizarres en usage dans certaines églises, et auxquelles présidaient des enfants revêtus des insignes épÎMOpaux.
154 DERNIÈRES POÉSIES DE MAROiUERITE DE NAVARRE
Temples et chantz, où me vouloys fier,
Pour délaisser auxpierres ma memoyre
Et aquerir par les pierres la gloyre
De vray salut, estimant par telz chantz
Povoir purger mes péchez trop meschantz, Fol. 280.
Voire et d'avoir permission d'en faire,
Puysque j'avoys de quoy les satisfaire.
Car, pour six blancz faisant dire une messe,
Quicte j'estois de rompre ma promesse,
Voire et absoubz de ce qu'en mariage
Povoys faillir, en donnant quelque ouvrage,
Ou de l'argent, ou quelque reliquaire
Que Charlemaigne apporta du grant Quaire.
Ainsy resvant, sailliz hors et entray '
Dans ung chasteau, auquel je rencontray2
Allans, venans, riches, povres, chetifs3,
Saiges, prudentz, audacieux, craintifz;
L'un va le pas, l'autre par ardeur court;
Lors j'entendiz ung qui dist : « C'est la court. »
J'ouvriz mes yeulx pour myeulx veoir qui c'estoit :
Mais d'un costé je viz que l'on mettoit
En tiïumphant estât plusieurs chasteaux,
D'autre costé l'on proumenoit chevaulx ;
Et peu après viz commancer tournoys,
Renverser gens et rompre de groz boys,
Et, à la fin, au myeulx faisant4 donner
Ung riche pris pour bien le guerdonner.
1. M», entré. — 2. Ms. rencontre. — \\. Ms. povre et chetifs. — 4. Au plus habile.
i.i:s PRISONS DR LA lii-.IM. Dl. KATAR RI I •">.">
J'ouys cryer heraulx, sonner trompettes
Pour hault louer les faietz dos geni bonnettes.
Las! par avant je navoys point apris
Qu'il se fallust armer pour gaigner pris,
Le pris estiez, pour qui travail et peync
M'estoit repoz et joye souveraine;
Lance et harnoys ne m'y firent besoin?,
Parfaicte amour lut ma force et mon soing; Fol. 280 v.
Puvsque tel pris j'avoys par bien aymer,
Nul autre pris ne povoys estimer.
Je ne l'ay plus, parquoy désir d'aquei re
Ung plus parfaict me fait les armes (jucrre,
Aymer chevaulx, priser l'art militaire,
Dont ne se doit cueur vertueux retraire,
Car par vertu la noblesse est venue
Et la vertu par les armes a creue.
Quant du tournoy chacun eut son butin,
J'entray au lieu où ung très grand festin
L'on prépara, si plain de friandises
Qu'il incittoit gourmandz à gourmandises,
Et le bon vin, tant délicat et souel,
Se faisoit boire a tel qui n'avoit soif.
Et puys je viz sortir de l'habundanee
Les enyvrez et commancer la danse :
Masques, mommons, farces et comédies
Entrèrent lors, dont furent estourdies.
Tant des haulxboys que du bruyt, mes aureillcs
D'ouyr ainsi musiques non pareilles;
Mais le plus beau qui fust en ce teatre,
C'estoit de veoir mon ymaige de piastre
Et 1 des dames vives la compagnye.
De grans beaultez et de vertus garnye.
Dancer les viz et chanter en doulx son,
Dont il me print au cueur une frisson,
Car des lyens il me vint souvenir.
Qui en prison longtemps m'ont fait tenir.
Et tout ainsy qu'un grant coup adressé
Dessus ung bras, ung peu devant blessé, Fol. 281.
Fait double mal et donne peur et craincte,
Aussy mon cueur, où vous fustes empraincte,
Se print par peur si fort à tressaillir
Que je pensoys qu'il deust de moy saillir,
Craignant tumber par grâce et par beaulté
En la prison plaine de cruaulté ;
Qui me fist' tost destourner mon regard,
De ces beaultez, le jectant autre part,
Car jamais plus ne vouloys asservir
Mon cueur d'aymer une anltre ou la servir,
Pensant que myeulx vault des femmes user
Qu'idolastrer d'elles ou abuser,
User ainsy comme fait une beste,
Sans passion. De cest amour honneste
Vous seulle, Amye, ayméc avez esté
De moy, par vraye amour d'honnesteté,
Qui me faisoit voz vertuz honorer
Et voz beaultez et grâces adorer,
Sans y penser villennye ou malice.
Mais myeulx aymant mourir que veoir ung vice
