Ms. Péché en Dieu ne nest pas

206 DERNIÈRES POÉSIES l)E MARGUERITE DK NAVARRE

Mais, quand tout tel comme il est il appert,

Ceste clarté qui le monstre, le pert.

Ce mot : « Je suys » est de telle efficace,

Vertu, povoir et puyssance et audace,

Qu'aux ennemys donne espouvantement

Et aux amys, au milieu du tourment,

Donne repoz, et les plus agittez

Dans ceste mer sont par ce mot jettez

Hors de péril, et menez au seur port.

Car ce mot là leur est force et support,

Rendant le cueur avec la mer tranquille.

Mot vertueux! O parolle gentille,

Qui par puyssance ennemys faict tumber,

En relevant ceulx que voys succomber ;

D'un mesrne mot les faiz vivre et mourir,

Ung mesme mot peult blesser et guérir;

Ce mot : « Je suys » ung amy ressuscite,

Et l'ennemy à cruelle mort cite.

Quand Joseph dist à ses frères : « Je suvs »,

Ils furent tous en grande craincte induictz,

Car leur péché devant leurs yeulx revint,

Tant que nul d'eux ne sçeut lors qu'il devint,

Fors Benjamin, que1 ce mot consola.

Le plus petit voyant son frère là,

Frère et amy il sentoit Joseph estre,

Mais l'œil des grans le voyoit juge et maistre :

L'un regardoit son frère sans contraincte,

Et de le veoir les autres avoient craincte.