DIALOGUE : REGULUS ET LUCIA

REGULUS

Luciii, quant n'avions qu'un cueur, Fol. 74 rerso. Dont Amour estoit le vaincueur, En te rendant doulce ennemve, Au Roy n'eusse change mon heur, Ny à son royaulme, ma mye.

LUCIA

Regulus, quant mon cueur fut seur D'estre du tien vray possesseur, Sur toutes me tenois heureuse, Estimant plus mon serviteur Que d'estre Royne glorieuse.

REGULUS

Mirha par sa beaulté a pris Mon cueur, qui estime le pris Si grant d'avoir telle maistresse.

Que mort vouldrois estre surpris Et la pouvoir rendre déesse.

LUCIA

Aussi j'ay Diphus très parfaict, Dont mon désir est satisfaict, Car de mieux avoir n'av envve :

Voluntiers donroit en effect Pour le déifier ma vie.

RECULUS.

Mais si le feu qui ne fut fainct De toy en moy n'estoit estaint, Et pour toy Mirha je laissasse, Courant à tov d'amour contrainct.

Me redonnerois tu ma place ?

LUCIA

L'amour de Diphus m'est tel bien Que je n'y puis adjouster rien, Mais si au vray pouvois entendre Que Regulus fut du tout mien, Vive ou morte à luv m'irois rendre.

REGULUS

Las ! que feroit Mirha sans moy ?

J'aurois grant peur qu'en tel esmoy Mourust de dueil et de tristesse ; Car changer d'amour et de foy Tient ung cueur en grande tristesse,

LUCIA

Que feroit le pauvre Diphus, Quant ne luy serois ce que fus, Veu l'amour que luy ay porté ?

Il inour[r]oit dolent et confus, Et je mour[r]ois desconfortée.

REGULUS

Ton Diphus, dans [bien] peu de temps, Prendroit ailleurs son passetemps.

Jeunesse moins pour plus oblie ; Et verrois au rang1 des comptans De qui la vie as afïbiblie.

LUCIA

Et Myrha, aymée de tous, Mourroit elle, et le pensez-vous?

Croiez que non?, car douleur forte, Où beaulté a les yeulx si doulx, D'amy nouveau se reconforte.

REGULUS

Myrha ne sera sans amy, Car encores qui Ta demye3, La pourra avoir toute entière Lucia, de toy ennemye Seras la première et dernière,

LUCIA

Diphus bientost s'esjouira, Quant de [sa] Plandes joyra ; Car chose nouvelle est plaisante, Dont mon cueur se resjouyra.

Las ! Regulus seul me contente.

1. Ms. rend. — 2. Ms. Croiez que car, — 3. Ms. quelle a demye.

REGULUS

Ainsi toy et moy en repos, Reprovant nos premiers propoz, Vivrons en si parfaicte joye Que nous quiterons le ciel doux, Mais qu'à jamais l'un l'autre voye.

LUCIA

L'ennuy de séparation Croistra tant nostre affection, Qu'ailleurs ne mectrons nostre estude, Que d'aymer à perfection :

Car là gist la béatitude.