DIALOGUE DE DIEU ET DE L'HOMME

l'hommr commence : Fol. 81 Yeno.

Seigneur, qui es Tout, mon Dieu et mon Maistre, Comment pourra mon Rien avec toy estre ?

DIEU

Si de ton pouvre Riens as congnoissance, De congnoistre mon Tout auras puissance.

l'homme.

Par quel moyen, mon Dieu, puis je congnoistre Mon Riens par qui mon Tout [peult] apparoistre ?

DIEU

En ma lumière peulx voir la lumière, Qui cause de tous biens est la première,

l'homme.

Qui me la don[ne]ra que je la voye,

Pour veoir sans nulle erreur quelle est ma voye?

DIEU

Nul ne la peult donner que pure grâce : Gaigner tu ne la peulx, quoy que tu face[s].

l'homme.

Qui me donra la voix si forte et grande Que grâce puisse avoir que je demande ?

DIEU

Qui n'est de là hault, jamays ny santé ! Ny grâce n'en prendra qui est si haulte.

l'homme.

L'eau ne peult remonter pour nulle peine, Sinon à la haulteur de sa fontaine.

DIEU

Qui est venu de Tout à Tout retourne, Mais Rien tant seullement à Tout se tourne.

1. Ms. saulté. Ce vers a été évidemment altéré, probablement enraison du caractère tout a fait protestant des déclarations dont il forme l'un des passages les plus caractéristiques.

l'homme.

0 Seigneur, fais moy riens, riens, le plus moindre Qui soit, afin qu'à Tout je puisse attaindre.

DIEU

Confesse que Tout suis, donne la gloire Au Tout, et pers de toy toute mémoire.

l'homme.

Je le veulx et le dov confesser, Sire, Mais le sentir * au vif fort je désire.

DIEU

Mon esprit te donra intelligence

De moy, te faisant veoir ton indigence

l'homme.

Donne moy cest esprit : que cueur allume, Et que cuider en moy du tout consume.

DIEU

J'ay promis mon esprit, qui me revelle, A l'esprit suppliant du vray fidelle.

l'homme.

O Seigneur, pour l'amour de ta promesse.