LES ADIEUX

l'homme.

0 Seigneur, doux, piteux et débonnaire, Tu fais ce qu'il te plaist en tous de faire.

DIEU

Si de moy faisant tout as la science, Tu vivras en repos de conscience.

l'homme.

En ce propos, Seigneur, en ceste joye, Te loueray jusques à ce que je te voye. 0 tous chrestiens, saillez de la racine, Chantons, louons d'accord, sans prendre cesse, Dieu qui Riens atire à sa haultesse.

XXXVIII» Fol. ,02.

Adieu l'object qui feist premièrement Tourner sur luy la force de mes yeulx, Le doulx maintien, l'honneste acoustrement, Armé, vestu en tous jeux et tous lieux, Tant que nul œil ne se peult loger mieulx Qu'a faict le mien. Adieu la bonne audace :

1. Ici commencent, pour se poursuivre jusqu'à la pièce LXXIV, les extraits du ms. 5112 de la bibliothèque de l'Arsenal dont les fos sont indiqués en marge. Ces poésies complètent celles que Le Roux de Lincy a publiées dans son édition de YHeptaméron (I, p. CCXL- CCL).

Si vous n'estiez si couvert vicieux, Je ne vey oncq une meilleure grâce.

Adieu vous dy, le regard si très doulx Qu'onques ne fut cœur qui n'en fut attaint, D'un œil tant beau et gratieux sur tous Que de l'aymer le myen y fut contrainct. Helas ! j'ay veu trop tost son ray estainct Et obscurcy par fureur sans raison.

Adieu doncq l'œil que je ne pensois fainct, Qui trop couvrist soubz le miel le poyson.

Adieu aussi le parler gratieux,

Bien à propoz prudent et fort et saige,

A voz amys humble, et audacieux

Où il falloit monstrer aultrc visaige.

Adieu l'accent, la voix et le langaige,

Qui m'a vaincu, entendement et sens ;

Or avez vous parlé vostre ramaige,

Doncq pis que mort par grand regret je sens.

Adieu la main laquelle j'ay touchée, Comme la plus parfaicte en vraye foy, Dedens laquelle ay la mienne couchée Sans offenser d'honnesteté la loy.

Or, maintenant, estes contraire à mov, Convertissant amour en cruaulté.

Adieu la main, puisque dedens n'y veoy L'estigmate * d'honneur ny loyaulté.