Ma. sortir. — 2. Ce second vers manque

DIEU

Puisque Riens te congnois et Tout m'advoues, Par moy qui suys en toy, moy seul je loue.

l'homme.

Loué sois tu, Seigneur, de toute bouche, Dont le profond du cueur ton esprit touche.

DIEU

De mon esprit [sont] remplis homme et ange, Dont par moy en reçois1 toute louange.

l'homme.

De toy qui est Tout vient penser et faire, Pouvoir de commander et de parfaire.

DIEU

Commancement et fin je suis sans clou h te : Heureux est qui s'oblie et qui me gouste.

l'homme.

Seigneur Dieu, forme moy fluste approuvée, En qui ta vive voix soit approuvée.

DIEU

La prière, que fais en toy, j'accorde : Recongnois donc que c'est miséricorde