Il s'agit de la maio

Duquel j'avoys toute aultre amour hors mys, Pour vous laisser le logeis seullement ; Gaigné aviez le lieu entièrement Que jamais nul n'avoit peu acquérir.

Adieu amy, puisque votre cœur ment, Désirant mal, faignant le bien quérir.

Adieu l'honneur sur quoy j'avoys fondé L'esbatement que je pensoys durable, Mais quand je l'ay esprouvé et fondé, Pour moy, sans plus, je le tiens dommageable : C'est un honneur quant1 aux hommes louable, Dont estes plein soit en guerre ou en paix. Adieu l'honneur, couverture du dyable, Qui pour honneur de douleur me repaiz.

Adieu bonté, adieu devocion,

Qui le premier propoz m'y feistes prendre,

Un jour parlant de la confession,

Alors qu'amour debvoir bien estre en cendre.

Vous faisiez tant semblant de bien m'entendre,

Que je me mis de propos en propos

A vous hanter, espérant bon vous rendre,

Mais j'ai failly, dont je perdz le repoz.

Or, adieu tout ce qu'en vous j'ay aymé, En y cuidant trouver perfection ; Assés serez d'un chascun estimé, Qui ne veoirront cœur ny affection,