LES ADIEUX

Puisque je veoy qu'amour par passion Vous faict laisser conscience et honneur. Adieu du tout ma consolation, Vous n'entrerez jamais dedens mon cœur.

Adieu le front, le nez, [les dentz], la bouche, Jambes, piedz, mains, bras, et barbe et cheveulx ; Adieu le cueur qui va à l'escarmouche, L'amour, l'honneur, les jurementz, les veuz, Adieu la grâce de beaulté, qui les nœuz Pourront nouer d'amour en aultre lieu ; Fouyr vous fault maulgré ce que je veulx, Dont par despit je meurs disant adieu.

Adieu vous dy le penser délectable,

Qui nourrissoit dens mon cœur ceste amour,

Le souvenir, la mémoire semblable,

Qui bien de vous me disoit nuict et jour;

Hz peuvent bien dormir de long séjour,

Sans plus de vous les louanges me dire,

Si ne vouloient ramentevoir le tour

Que m'avez faict accroissant mon martyre.

Adieu lettres, epistres et dixains,

Rondeaux, complectz,. qui m'ont si bien servie,

Dont le revoir et relire je crainctz,

Qui à aymer encores me convie.

Adieu tout ce de quoy j'ay eu envie

D'user, pensant par cela mieulx vous plaire.

Adieu tout l'heur et la fin de ma vie,

Car l'importable ennuy me contrainct taire.

Encore il fault, alongeant mon tourment, Que mes adieux ennuyeux multiplie :

Adieu vous dy le souspir véhément, Partant d'un cœur qu'amour gouverne et plie ;. Souvent couvert ou craincte le subplie De s'estranglcr et oultre ne passer.

Adieu souspir de faintise acomplie Soubz un semblant quasi de trespasser.

Helas ! adieu la lerme qu'amictié, Ce me sembloit, faisoit saillir dehors, Rompant un cœur trop dur par la moytié, Pour le regret monstrer qu'aviez alors.

0 doulx plourer, de quoy j'ay tel rcmordz Que désirer me faict la sépulture.

Adieu, puisque, tant différent du corps, Du cocodril avez cœur et nature.

Adieu la paour, la crainte tant honneste, Que je vous ay veu avoir de mesprendre, Qui bien souvent vous faisoient œil et teste Tourner du lieu ou plaisir vouliez prendre,. Faignant d'ailleurs regarder et entendre, En contraignant l'œil en despit du cœur. Or, puisqu'avez trop voulu entreprendre, Adieu vous dy la tant louable paour.

Adieu froideur, dissimulation, Taire secret et le puissant penser, Qui desmentir faisiez par fiction Ceulx qui vouloient de parler s'advancer..

LKS ADIEUX 355

Adieu penser qui, au lien de dancer, Sans dire rien, fustes si bien ouy D'une qui trop eust pensé offencer, Si cœur à cœur n'eust respondu ouy.

A voz vertuz, à voz conditions Je dis adieu, et si ne le puis dire, Car j'ay veu tant de [voz] perfections Qu'impossible me seroit de l'escripre. Je vous ay creu tel que je vous désire, Mais aux vertuz dont j'ay souvent escript Je dis adieu, non sans que je souspire, Car je vous croy pour moy un antechrist.

Adieu l'adieu que tant de foys me distes,

Quand loing de moy vous en falloit aller,

La loyaulté que garder me promistes,

Les promesses qu'eussiez bien deu celer,

Puisque je vois faintise reveller

Vostre vouloir et peu caché secret.

Adieu l'adieu souvent dit sans parler, Dont la mémoire augmente le regret.

Adieu le cœur, que j'estimoys si bon, Juste, loyal, que nul estoit semblable : D'une chose vous demande pardon, C'est que par trop vous ay creu véritable. Adieu le siège où amour honnorable Devoit régner, mais je veoy qu'amour folle Le conduict tant, qu'il en est trop muable.

Adieu le cœur, pour ta fin de mon rolle, Donnant au mien mort irrémédiable, Par ferme foy et amour perdurable :

Je ne puis plus escripre une parole.

Amictié, quoy ! ô mot signifiant Fol. 106-verao.

Tout Theur et bien dont un cœur peult jouyr,

Car un amy d'un amy se fiant,

Seur et parfaict, se doit bien esjouyr.

Rompre amictié : il ne le sçauroit faire, Et n'est moyen pour en estre deslivre, Fors l'amytié en soy mesme deffaire, En mectant fin à ce malheureux vivre.

Tant plus amour est digne et précieuse, Cent mille foys est plus mal gracieuse, Quant il retient le nom et pert l'efFect. O amictié couverte et decevable, Dont le nom seul plaisoit à ma mémoire, Vous m'estes trop horrible et efTroiable, Puisque j'ay veu ce que ne pouvois croire.

O forte amour, o doulceur décevante, Qui tant sçavez a tous nuyre et grever, Vous avez mis, de cela je me vante, Mon cœur tout prest à mourir et crever.