Ms. Et quel. — 2. M», roupture

364 DERNIÈRES POÉSIES DE MARGUERITE DE NAVARIlR

Prens a tesmoing, luy priant que vaincqueur Par vérité soit de ceste mensonge, Qui en soy n'a force non plus qu'un songe. Je luy remectz mon droict entre les mains, Luy suppliant qu'à vous, Amy, au moins Avant ma mort face veoir clerement Comme vous seul j'ay aymé fermement.

Il le vous peult dedens le cœur cscripre, Mais mon ennuy ne me permect le dire ; Porter le veulx le mieux que je pourray : Si je ne puis, par regret je mourray.

XLII Fol. 119 T6TBO.

Pourray je bien ma foible main contraindre De s'essayer sur ce papier escripre L'ennuy que tant j'ay désiré de faindre, Dont le souffrir me plaist mieulx que le dire.

Le diray je, le pourray je descripre Par cest escript? Non, car le pensement En est si grand, que la partie moindre Je n'en sçaurois declairer vivement.

Et qui plus est, le cruel sentement De ma douleur navre mon cœur si fort, Que le penser n'approche nullement Du mal qui faict en moy son dur eflort.