LA MORT D'AMOUR

Mais, pour la foy tant ferme en vous assise,

Deliberay, attendant le retour,

De conserver en patience amour.

Vous revenu, je vous esleuz pour juge,

Et n'eust qu'à vous ma foy son seul refuge.

Je vous comptay toutes mes passions,

Leurs fondemens et leurs intentions ;

Je vous dis tout, sans parler d'un cœur fin,

En vous priant d'y vouloir mectre fin

Et ne laisser mon esperit en trouble,

Ny envers moy user d'un amour double.

Je ne vous puis dire ce que me distes,

Ne les sermens à l'heure que [vous] feistes;

Mais je sçay bien que j'y ay adjousté

Si très grand foy, quoy qu'il m'ait cher co[u]sté,

Que, pour du tout croire vostre party,

Mon souspeçon, comme s'il eust menty,

Chassay dehors, avecques jalousie

Et deffience, qui en ma fantasie

N'eurent plus lieu ; du temps je ne feis conte,

Et me deffeis de tous à leur grand honte,

Croyant trop mieulx une seulle parolle

De vous que d'eulx trop plus d'un an de roolle.

Vostre parler je tins pour véritable,

Estimant tant nostre amour honnorable

Que de mes maulx n'avois plus sentement ;

Et quand j'ay pris ce ferme fondement

De croire en vous plus qu'en mes ennemys,

Àdonc il[z] ont leur double force mys

De se venger du tour, pour eulx infâme,

Que leur avoit faict la foy d'une femme.

0 quel malheur! à vous sont allés droit,

Et là ils ont trouvé le foible endroit.

Et que diray-je ? En un seul jour de paine,

Rendue il[s] ont variable, incertaine,

I/oppinion que de moy avez eue.

Las! vous avez leur parole receue

Comme évangile, en moins de temps qu'un jour;

Et moy, en qui deux ans ont faict séjour,

Parlant de vous les avant escoutés,

Sans estre creuz les av bien reboutes.

0 prompt à croire et tardif à sçavoir1

Le vray, qui tant clairement se peult veoir,

A vostre cœur receu telle pensée

Qu'à tousjamais j'en demeure offencée.

Est il entré dans vostre entendement

Que dans mon cœur y ait un aultre amant?

llelas! mon Dieu, avez vous bien peu croire

Qu'aultre que vous puisse estre en ma mémoire?

Est il possible ? A mensonge crédit

En vostre endroict, ainsi que l'avez dit?

Pouvez vous bien le croire et le celer,

Sans m'en vouloir ne m'en ouyr parler?

Mais voulez vous, avant ouyr, juger

Innocent cœur très facile à purger?

Estimes vous le cœur meschant et lasche

1. Le Roux do Lincy a fait commencer à ce vers l'extrait qu'il donne de cette pièce (loc. cit., p. CCXLIV). En dehors de ces 54 vers, le groupe de poésies que j'emprunte au manuscrit 5112 de la bibliothèque de l'Arsenal, est complètement inédit.

LA MO HT d'a.MOUK 363

Qui envers vous n'en eust oncq nulle tache? Vous le croyez ainsi : croyés le doncques, Croyez de moy le mal qui n'y fust oncques, Crovez de mov contre la vérité Tout le rebours de ce qu'ay mérité ; Jà n'en sera mon visaige confuz, Car je sçay bien quelle je suis et fus En vostre endroit, et vver, et esté, Et quel1 aussi m'estes et avez esté.

J'av le cœur nect et la teste levée : Pleine d'amour très ferme et esprouvée, Je puis aller, mais sus tout je refuse De mon bon droit faire jamais excuse.

Pensez de moy ce qu'il vous plaist penser : Je ne vous veulx courroulcer ne offencer. Puisque voulez nostre amictié parfaicte Estre soubdain par souppeçon deffaicte, C'est doncques vous, de cruelle nature, Qui, sans propos, en faictes la rompture2. Vous le voulez : garder ne vous en puis. Bien que du tout en l'estremité suis De desespoir, voyant mon innocence, Ma vraye amour, avoir pour recompence Un tel adieu, par lequel m'accusez Du meschant cas dont assés vous usez : C'est d'en aymer un aultre avecques vous. Il n'est pas vray, je le dis devant tous, Et Dieu, qui veoid le profond de mon cœur,