M s. à meilleu

DIXAIXS ET ÉPIGRAMMES 369

Bien que je sens mon affection vifve, La vostre y est si grande et si naïfve Que le sentir, qui conferme ma foy, Me fait avoir l'eslection craintifve Si ceste amour est à vous ou à moy.

Je tiens heureux l'œil qui peult regarder

Incessamment^ mon soleil désirable,

Mais mon malheur m'en veult tousjours garder,

Voyant le bien qui m'est trop agréable.

Las ! si sçavoit combien m'est importable

La grand doulceur de son ray gratieux,

Il ne sçauroit de moy se venger mieulx

Que me souffrir le regarder bien fort ;

Car, si longtemps estoit devant mes yeulx,

L'estreme feu qui brusle terre et cieulx

Ne se pourroit de moy sentir sans mort.

Si tost que j'euz dit : « Le temps n'a pouvoir De nous changer affection ny cœur », Il nous ouyst, et se print à plouvoir, Venter, tonner, en monstrant sa douleur, Car il n'a peu d'amour estre vaincqueur.

Or qu'a-il faict pour le cas empirer?

Tous ses moyens a voulu retirer, Qu'il nous avoit si doulcement prestez, Mais nous deust il cent foys plus martyrer, L'honneste amour et l'heureux désirer Nous rend trop plus de souffrir apprestez.