XLVI1I

Si j'ay failly aymant ce que ne doy, Fol. 127 verso.

L'on ne me peult de peu d'amour reprendre ;

Si j'ay failly croyant ce que ne veoy,

Au Dieu qui est aveugle il s'en fault prendre,

Qui m'a tousjours donné faulx à entendre,

Et je l'ay creu plus que la vérité.

Si l'on m'accuse, il me doit doncq deffendre,

Car je l'ay creu et servy sans mesprendre :

Peult l'on faillir suivant la deité?

Hors de propos s'ayda d'un coulteau Fol. 128.

Celle qui eust plus d'orgueil que d'honneur, En désirant monstrer par cas nouveau Plus de vertuz qu'elle n'avoit au cœur.

Mais si l'honneur eust causé sa douleur, D'un tel moyen se fust très bien passée, Car du regret qui eust esté vainequeur Fut seullement, sans Cousteau, trespassée.