Ms. et très agréable
Entendz la voix qui te veult destorner D'un périlleux estât en ung très seur.
Je ne te1 puis jamais habandonner :
Ainsi le veult le Dieu de charité, Qui en noz cueurs voulut amour donner.
Laisse mensonge et ensuis vérité, Quicte ton corps, et lors spirituelle Pourras savoir plus que n'as mérité.
Et tout ainsi que le désireux zèle Faict que l'oiseau, pour ses petits reveoir, Haulce de terre au ciel sa légère aile, Mon ame iit à l'heure son debvoir D'habandonner sa terrestre mémoire Pour s'adonner à ce divin scavoir. »
— « Es tu celluy par qui l'eau trouble et noire, Sans nul espoir, il y a quatre moys, Parfaicte amour de larmes m'a faict boire ?
Es tu celluy qu'honore plus que moy2 ? »
— « Las ! malheureux est celluy qui séjourne En ce désert d'un amour faulx et fainct,
Qui du parfaict l'œil et le cueur destourne :
Heureux celuy que charité enceint
Et tient lié de sa très doulce corde,
En le faisant brusler de son feu sainct.
Souvienne toy, ma seur, et te recorde
Que maintefoys ces propos t'ay tenu,
Qui frères font vivre en paix et concorde. »
— « Las! maintefoys il m'en est souvenu,
1. Ms. la. — 2. Ms. que plus que moy j'honore. Notre correction rétablit la rime, sans pouvoir toutefois la rendre correcte.
Luy respondis, mais j'ay perdu ce bien
Que plus tu n'es de moy entretenu1.
Las ! j'ay perdu le plus saige entretien,
Qui oncques fut, et le plus profitable,
Plaisant sur tous : cela je ne soubstiens.
O la présence à tous yeulx agréable,
Et plus parfaicte ! ô la meilleure grâce Fol. 2,
Qui fut jamais et la plus amyable !
Mort trop soudain a éclipsé la force
De mon soleil, me laissant sans lumière
Aux ténèbres de ceste terre basse,
Moy qui de toy venue estois première
Au monde bas2, debvois première au ciel
Aller, mais quoy, après luy je demeure !
Ma vie estoit pleine de sucre et miel,
Quant de la sienne elle estoit sou b s te nue ;
Mais maintenant ce n'est qu'absence et fiel.
L'heureuse seur de tous estois tenue,
Non seullement pour estre seur d'un Roy,
Mais du meilleur qui fust dessoubz la nue,
Roy très crestien vivant de terme foy
Envers son Dieu, sans une seulle doubte ;
Roy qui n'avoit que charité en soy,
Qui n'eust jamais de vengeance une goutte,
Qui pardonnoit d'un cueur doux et humain :
Fault il que mort d'avec toy me deboutte !
Roy qui tousjours avoit prompte la main
1. Depuis que tu n'es plus là pour m'entretenir. — 2. Marguerite était l'aînée de son frère d'environ deux ans et demi.
A secourir les pauvres douloreux.
Qui ne cachoit en soy nulle ignorance,
Tant il estoit d'apprandre désireux ;
Roy [si] remply d'une seure espérance
Que maladie et bien longue prison
Ne luy firent qu'augmenter l'asseurance,
Subject du tout au conseil de raison,
D'esprit subtil, bon et saige cerveau,
Lequel vaincu nul n'a que la prison ;
Le mieulx formé, le plus grand, le plus beau,
Que de son temps ayt monstre le soleil.
Or a laissé l'esprit sa belle peau, Fol. 2 verso.
Or a laissé le corps le non pareil
En sa fleur d'âge, en sa force et beauté,
En son triumphe et royal appareil ;
Et ceste grande et belle roiaulté
N'a eu pouvoir de le nous retenir ;
Et [l'Jaymeray et ayme si très fort
Qu'Amour enfans nous lya d'un [accord] * ;
Et ses liens prindrent tousjours renfort,
Tant que la corde fut en chesne fort,
Tousjours croissant [et] plus fort que la mort.
Es tu celuy en qui joye par faicte
Trouvé[e] avois, si remply de vertu
Que mort debvoit différer la deffaicte ?
Helas ! trop tost pour nous t'a abattu,
Trop tost, trop tost t'a osté de mes yeulx,
1. Ms. d'un en mois. Le texte de ce vers a été altéré. Il devrait se terminer par un mot rimant avec retenir.
Et si n'a[s] pas contre elle combatu.
Es tu celuy où je trouvois mon mieulx? »
Ainsy luy dis d'une esplorée voix ;
Il respondit d'une venant des cieulx :
« Ton frère suis, lequel plus tu ne vois,
Ny ne verras, que par l'estroicte porte
Ne viennes à moy : c'est là que passer doibtz. »
— « Helas, [j']entendz ta voix qui me conforte. O Monseigneur, que ceste heure me tarde D'aller à toy : pleust à Dieu fusse morte !
— « Ma seur, d'autre œil il fault que tu regardes ; Destourne toy de ceste vaine chair,
Et de l'aymer ainsi qu'as [faict] te garde. »
Lors il me dict : « Ceste amour, ceste chair
Est si petite et nulle est sa valleur
Que tu n'en doibtz plus ton cueur aprocher. Fol. 3.
Amour qui prand d'amour nom et coulleur,
Qui à la chair par vain plaisir s'attache,
Amené au cueur regret, peine et doulleur;
L'amour parfaict, je veulx que tu le saches,
Donne plaisir qui est continuel,
Où d'amertume il n'v a nulle tache.
Parfaict amour, c'est le -Dieu éternel,
Qui dans les cueurs sa charité respand,
Rendant du tout l'homme spirituel ;
Qui ayme Dieu et de luy seul deppend,
Qui son voulloir au sien veult conformer,
Beaucoup y gaigne et bien peu y despend ;
Amour le veult défaire et defibrmer,
Et en l'Amy aymant parfaictement
Perdre du tout et en luv transformer.
ml
Qui sent d'amour l'anéantissement, Il s'esjouyt, perdant ce qui n'est rien Pour recepvoir son tout entièrement; Mais faux amour, qui le mal nomme bien, Et le bien mal, vainct1 l'ame et [puis] la serre Par un cruel et aveugle lien, Dont l'ame aymant la chair sans cesser erre, Car en la chair n'y a jamais repoz, Veu que l'esprit tousjours lui faict la guerre. L'ame, qui a laissé le vray espoux Pour s'arrester et joindre à son contraire, Se trouble et fasche en tous lieux sans propoz ; Car son espoux à soy la veult retraire, Et vain plaisir par la chair l'en destourne Pour en péché loin de Dieu la distraire, Qui tient son cueur à la terre lié, Tant qu'il ne peult regarder haultement. » Mon œil baissay *, d'un cueur humilié, Disant : « Helas! comment se peult il faire Fol. 3 verso. Que mon cueur soit du tien tant deslié? Je croy que riens de ça bas n'as affaire, Tant tu es bien ; mais moy, qui sans toy vis, Ne puis garder regret de me défaire.
Quant tu vivois, j'oyois ton sainct devis, Ton bon propos, tant vertueulx et saige, Qui paradis estoit à mon advis Mais je n'oys plus en terre tel langaige,
