Ms. sceu. — 2. Ms. qui vivoit en vivant

Me dict : « Ma seur, plus tu cuydes bien dire,

Plus je te voy encores esgarée ;

Tu pleures quant j'ay ce que je désire, Fol. 4 verso.

Et quant j'estois en la vie mortelle,

Plaine d'ennuy, tu ne faisois que rire J.

Si ton amour estoit parfaicte et telle

Que tu Tas dit, certes tu aurois part

Au grand plaisir de la joye éternelle ;

Mais si charnel encore est ton regard

Que rien que chair en moy tu ne regardes,

A qui je n'ay ny ne veux avoir part.

Dieu m'a tiré de sa terrestre garde,

Dont tout bon cueur, ainsi que prisonnier,

En veult saillir, et l'issue luv tarde

D'un coffre vieulx, cage, estuy ou panier,

D'une prison et fosse très obscure,

Rompue a mainct estant faicte d'hier.

Tu en faictz cas, o pauvre créature ;

Estimes tu ung corps faict pour pourrir,

Suyvant sans plus ton instinct de nature :

N'est faict vivant l'homme pour tost mourir.

Sçais tu pas bien que sa vie est plus brève

Que d'un courier de poste le courir?

Sçais tu pas bien qu'il n'y a jamais trêve

Avec la mort que pour bien peu de temps,

Dont l'attente est trop ennuyeuse et griefve?

Ne sçais tu pas qu'estant des plus contens,

1. Allusion évidente à la gaieté naturelle de Marguerite, avant les adversités qui marquèrent la fin de sa carrière.

LE NAVinE 395

Je souhaittoys de bon cueur cestc yssue?

Tu le sçais bien, mais très mal tu l'entendz;

Oncques de mort ne craignis la massue :

C'est au juif1, infidelle ou payen,

A qui le front contemplant la mort sue ;

Mais moy, que Dieu avoit faict crestien,

Ne desirois sinon ceste union. Fol. 5.

Or, maintenant ceste communion

De tous les sainctz que j'ay creu, je possède,

Dont Jesuchrist a faict reunion.

Tout autre bien, le bien que j'ay, [je] perde,

Dont telle amour est mon contentement

Que toute amour en vray plaisir excède.

O vain et nul ton charnel pensement !

Car si plaisir j'ay eu par cy devant,

En joyssant de ta présence saincte,

Doit pas regret la joye estre suyvant.

O forte amour, qui sa mémoire a paincte

Au plus profond de mon cueur et mon ame,

Ne permect[z] pas que jamais soit estaincte,

Ny que raison amoindrisse la fia me

Dont le feu fut par nature allumé

Et augmenté par vertueuse fia me :

Amour, poursuis ce qu'as accoustumé.

Le regretté plus de regret mérite,

Car il estoit en vertu consummé ;

Qui pleurera François que Margueritte,

Qui fut lié par enfance en son bers ?