Ce mot compte ici pour deux syllabes

Las ! qui me dict le contraire, m'irrite ;

C'est moy, c'est moy qui de larmes le sers

Et serviray, tant que l'œil en la teste

Me fera veoir le moindre de ses serfs.

En ce disant, j'ouys sa voix honneste,

Mais d'un accent ung peu enflammé d'ire,

Disant : « L'homme est faict semblable à la beste.

Toy qui as tant de Dieu ouy bien dire,

Qui en tes mains tiens sa saincte Escripture *,

Laquelle pculx et doitz sans cesser lire, Fol. 5 verso.

Tu n'y as poinct profitable pasture,

Comme font ceulx qui d'une amour nayfve

Tiennent leur vie en la saincte lecture;

Mais cest honneur que la parolle vive

Donne aux esleuz d'estre faictz filz de Dieu

N'as pas congneu par foy contemplative ;

Parquoy laissant Testât et digne lieu

De filz de Dieu, semblable à l'elefant

Rendre te veux. Las ! c'est un piteux jeu

Non seulement demeurer serf l'enfant,

Mais l'homme beste, l'homme esleu pour ung jour

Avec Dieu estre dans le 2 ciel triumphant.

O [le] misérable et aveugle amour,

Amour de chair, non amour mais fureur,

Aveuglement, lien, prison et tour;

Laissez, laissez ceste apparente erreur,

1 . Il est piquant de voir François Ier recommander à sa sœur l'étude de la Bible et se faire auprès d'elle le défenseur des doctrines protestantes. Marguerite semble se plaire ici à intervertir les rôles. — 2. Ms. au.

Non seullement des crestiens reprouvée

Mais des prudens qui en ont eu horreur.

Margueritte, et pourquoy n'as tu trouve

La margueritte et perle evangelicque,

Que l'Escripture a si fort aprouvée :

Elle guérit le mal du perc anticque,

Rendant la chair à l'esprit tant subjecte

Que de charnelle elle est faicte autenticque.

En Dieu tout seul, ma sœur, ton amour jecte,

Jecte ton cueur à luy, et de ton corps

Pense que c'est chose ville et abjecte ;

Voire tout ce que ton corps voit dehors,

Qui n'est que chair : n'en fais aucune estime, Fol. 6.

Et tu seras en grand repos alors.

Qui vit en chair, il vit en une abisme

De tout péché, demeurant en l'eschelle

Toujours au pied, sans regarder la cime.

Sépare ung peu hors de chair ton ancelle;

Vois que le corps n'est rien qu'une charongne,

Et prens ton vol à la vie éternelle. »

Comme celuy à qui la serche rongne,

Desmange tant qu'il ne se veult guérir,

Mais à gratter par plaisir s'embesongne :

Ainsi je feiz, car en lieu d'acquérir

Par son parler aucun amandement,

Amour me feist ma douleur secourir.

Pourquoy luy dis que l'ame justement

Doibt avoir joye en perdant le moien

De telle amour, plaine de dannement;

Mais si parfaict et vertueux lien

Tient mon voulloir et mon cueur attaché

Que de Poster n'ay raison ne moien,

En mon amour ne se treuve péché.

Dieu qui de chair vii'a faicte naturelle,

Qui les parans, frères, en fans, commende

Servir, aymer, non d'une amour charnelle

Qui faict laisser Dieu et ce qu'il nous mande

Pour obeyr à la chair corrompue !,

Gastée2 du tout, mais ce n'est par la mienne

Dont j'ay esté dès l'enfance repue :

Souvienne toy, monseigneur, de la tienne

Qui à la mienne estoit si fort semblable ;

Mais j'ay grant peur que plus ne t'en souvienne,

Car ma douleur te seroit suportable Fol. 6 verso.

Si tu sentois d'amour l'extresme force,

Qui me contrainct à ce dueil lamentable.

Plus à l'oster raison en moy s'efforce,

Et plus avant au fondz elle me mect.

Helas ! ce mal va bien outre l'escorce ;

Depuis les piedz jusques sus le sommet

En moy ne sens que désolation,

1. Qualrc vers ont été ajoutés ici en marge par le scribe auquel sont dues les corrections, souvent téméraires, dont un certain nombre de vers du Navire ont été l'objet. En voici le texte à titre d'indication :

Mais de l'amour qui sur vertu se fonde, Duquel l'appui n'est que dans charité, Mais de l'amour autre que cil du monde, Qui ne tient rien d'erreur ou vtinité.