Ms. Doulce

Mïiis ceste voix se haulce par rigueur,

Disant : « O seur, fault il que tu desprises

Tout mon conseil, mieulx aimant la langueur1.

Venu je suis, te voiant trop surprise

D'un sot ennuy dont tu fâches les anges,

Pour estre mieulx par ma parolle apprise :

Tourne ton plainct en chantz et en louanges,

Crois fermement le plaisir que je sens,

Et ton ennuy [en] mon grand plaisir changes.

Le regreter ung peu je te consens,

En me2 pleurant pour le bien qu'as perdu,

Mais tu en prens jusqu'à perdre ton sens.

Quant tu auras ce beau jour attendu,

Lequel tu crois en doulce patience,

En double bien ton mal sera rendu.

Je gouste icy la haulte sapience,

Je voy icy la puissance infinie

Et la voûte me monstre sa science.

Mon ame icy de lumière est garnie,

Qui en ténèbre estoit vivante en terre,

Estant de veoir son vray soleil bannie.

Je voy icy Tesclair dont le tonnerre

Faict là-bas paour à ung cueur escarté,

Qui sans la foy par chacun chemin erre.

Icy d'amour est la vraye clarté, Fol. 7 verso,

Icy se faict de charité le feu,

Et gaigne icy qui mieulx a escarté ;

Qui plus là bas a perdu peu à peu