Ms. longueur. — 2. Ms. te

Plaisirs et biens et son propre vouloir,

C'est celuy là qui gaigne icy le jeu.

Icy ne vault qui a cuydé valoir,

Et qui là bas ne s'est rien estimé

De Paradis et du Père est faict l'hoir ;

Qui est hay, icy mieulx est aymé ;

Qui a pour Dieu sa chair mise en oubly,

Dedans la chair ne gist point abismé.

L'humble vilain est icy annobly,

L'orgueilleux Roy est villain approuvé,

Le foible fort, et le fort aflbibly ;

Le grand pécheur icy juste est trouvé,

Le juste en soy icy se void pécheur ;

Icy dict on que le sage a resvé,

Et l'idiot en Dieu est faict prescheur;

Et qui plus a en la mer travaillé

N'est pas trouvé icy meilleur pescheur.

Mais qui par foy l'œil a eu esveillé,

En regardant d'amour son Dieu et père,

Sçait comme Dieu pour son bien a veillé.

Icy void l'on comme Dieu seul opère

Et ses esleuz suivent sa * volunté,

Comme partout il commande et impere,

Comme luy seul s'est pieu et contenté

En son enfant, lequel pour sauver l'homme

Jusqu'à l'enfer comme homme l'a tenté.

Icy se void la bonté dont la somme Fol. 8.

Tous les esprits n'ont pouvoir de comprandre ,