Ms. me faut de

Ton seul regard peult le monde abismer,

Et l'orgueilleux dira qu'il se soustient,

Lequel ton feu soudain peult consommer;

Ainsi de moy, seigneur, ainsi m'advient.

Je sens très bien ta main en ceste perte,

Las ! c'est ta main forte qui me maintient, Fol. 11.

Dont ma douleur par toy j'ay découverte,

Montrant ta force en ma grande foiblesse,

Qui aviver ne peult ta pauvre verte.

Au val de pleur j'adore ta haultesse,

Et en mon mal je te confesse bon * :

C'est le plaisir que j'ay en ma détresse.

Si trop aimer est pécher, las! pardon

Je te requiers, car en ce j'ay péché 2,

Mais ma tristesse est de l'amour gardon.

Que dis-je ! trop ay je ce mot lâché :

J'ay trop aimé celuy-là, qui plus vault

Que mon amour... Ce mot là m'a fâché !

Mais requérir plustost pardon me fault

De n'avoir tant aimé comme je doy,

Le tout seul Bon qui habite là hault,

De ne l'avoir aimé dedans mon roy,

Dedans luy craint, honoré et servy :

C'est mon péché, aultre n'en sens ny croy.

[O quel tourment j'ay pour ce desservy !]

Mais puisqu'ainsy, helas ! m'est advenu

Que toy vivant je n'ay peu satisfaire,

Le temps de deul après joye est venu,