RPISTRB AU ROY DB FRANCE

Et moins avois de [la] fortune crainte

Que de l'aveugle en la muraille painte.

Dont elle fut si très fort irritée

Encontre moy qui Pavois despitée,

Qu'elle chang[e]a sa1 trop prompte inconstance

En fermeté, me faisant résistance,

Et de la mort, par aliance faicte,

Print le secours, cause de ma2 defecte,

Changeant sa roue en un mortel tranchant3,

Avec lequel en sa fureur marchant,

Pour ruiner mon espérance toutte,

Dedans le c[u]eur de mon frère le boutte,

Et d'un seul coup de dar[d] tout plain d'outrance

Tua4 mon frère avec mon espérance :

Saichant qu'après une ruine telle

M'estoit la vie autant que mort mortelle.

Ne5 pouvant porter ses dures alarmes,

Quant preste fuz de luy randre les armes,

La suppliant pour faire nostre accord

De m'honorer du beau coup6 de la mor[t] :

Le m'acorda7, fors son bras estandit

Pour me frapper, et mon cueur se randit

Devant le coup, preste a le recepvoir,

En l'estimant le mieulx qu'il peust avoir.

En cest instant, vostre divine lettre

Entre le dard et le c[u]eur se vint mettre

Et empescha pour ceste heure le coup

1. Ma. sy. — 2. Ma. sy. — 3. Ms. au mortel destranchant. — 4. M8. tuas. — 5. Ma. Mais ne. — 6. Ms. coupt. — 7. Elle me l'accorda.

Du dard mortel, qui me fâcha beaucoup,

En me voiant par la lettre arrestée

Du coup très brief où m'estois aprestée.

Et toutesfois je recongnuz la main

Et l'heureux nom du bon roy tant humain,.

Qui me monstroit non seullement pitié

Avoir de moy, mais par vraye amitié

Vouloit qu'en vous ma consolation

Resucitast. 0 ! quelle affection

Et quel amour avez en vostre Tante,

De la vouloir randre vive [et] contante !

Las! monseigneur je n'avois mérité

Une si grande et vive charité.

Dont me sembla, voiant vostre escripture>

Que je saillis hors de la sépulture,

Voiant mon frère et sa vertu louable

N'abiter plus en sépulcre plorable,

Mais en vous seul où je le vis vivant,

Voire et parfaict plus que n'estoit devant.

Car je sçay bien qu'en luy n'avoit vertu

Dont votre c[u]eur ne soit tout revestu.

En vous rcluict sa grande humanité

Et sa doulceur, bonté, humilité,

Sa foy en Dieu qu'il a ferme tenue,

Jusques au poinct que son heure est venue,

Son beau parler, son bon sens, sa s[c]ience>

Son esprouvée et longue passience,

Sa vérité, pre[u]dhomie et largesse,

Et sa très claire et congnue hardiesse.

Bref, la vertu dont il ex[c]edoit tous