EPISTRE AU ROY. DE FRANCE

Ceulx de son temps, il voit reluire en vous : Vous, Monseigneur, en estes l'héritier.

En vous je voy mon frère tout entier Et sy en luy avoit rien d'imparfaict Il est par mort au sépulcre deflaict ; Mais le parfaict est en vous demeuré, Dont l'un et l'autre en demeure honoré. Parquoy chacun va faisant partout bruict Que du bon arbre nous avons le bon fruict. O fruict heureux qui a prins ta substance De l'arbre sainct qui a son assistance Devant son Dieu ! et très heureux est l'arbre Qui sert au feu divin de candellabre, Qui est au ciel remply de toutte grâce, De veoir son fruict ça bas tenir sa place, Yray possesseur de sa possession, Auquel donna sa bénédiction.

O roy benist du père, au nom de Dieu Duquel tenez coronne, s[c]eptre et lieu, Puisqu'il vous plaict par charité naifve Qu'encor ung peu pour vous servir je vive, Vivre je veulx encontre mon vouloir, Car le vostre a dessus le mien pouvoir, Et le mien est pour obeyr au vostre, Sans retarder ny sans passer plus oultre. Et tout ainsy qu'en vous seul je rctreuve Ce qu'ay perdu, une espérance neufve Je voy saillir de celle qui fut morte ; Dont espérance, en desespoir plus forte, Contre espérance estaignant sa mémoire,

A eu par vous la palme1 et la victoire;

Me promectant qu'en vous j'ay recouvert

Ce que pensois que la terre eust couvert :

Mon bien parfaict que je tenois perdu ;

Espoir me dict qu'en vous il m'est randu,

Et qu'en vous seul, père, enfans et nepveux,

J'ay recouvert : ce que croire je veulx,

En vous aymant comme mère son filz.

De vostre amour oncques doubte ne fis ;

Aymé vous ay depuis que fustes nez,

Et cest amour je n'ay abandonné

Ny ne feray, jusque à ce que la crainte

Rompant tel fil ait ma lumière estainte.

Vous suppliant, ô monseigneur et Roy,

Auquel mon frère resucité je voy,

Pour mes brief[z] jours daignez me vouloir estre

Père, nepveu, enfant, mary et maistre ;

Et comme à père à jamais tou[t] honneur

Vous porteray, et comme a mon seigneur

Je vous seray très humble, obéissante,

Voire subjecte et loialle servante ;

Et vous osant frère et enfant nommer,

Je vous promectz à jamais vous aymer,

Ne demandant pour mon dernier séjour

Que votre grâce et désirable amour.

Là gist mon bien, ma vie et mon repos.

Mais en craignant que mon trop long propos

1. Ms. plamne. Ce passage est assez obscur. Il rappelle, par sa subtilité , les développements mystiques de la correspondance de la reine de Navarre avec Briçonnet, l'évêque de Meaux.