Ms. habundance. — 2. Ms. soupirs. — 3. Ms. allegence

SBCURUS.

Cesse ce chant et ces pleurs lamentables, Qui n'est1 à corps ny esprit proffitable, Ma très parfaicte et tant aymée amye.

AMARISSIMB.

O Securus, tant vray et charitable,

Tant extrême est mon deuil et importable

Que consoller je ne [le] s[ç]aurois mye.

SECURUS.

Helas! je sçay que tu as bien raison.

Si ay-je aussy2 en tout lieu et saison

De regretter une perte sy grande,

Tous deux avons beu la triste poizon ;

Par quoy viens t'en à ma pauvre maison

Ou de noz plainctz ferons aux dieux ofrande.

AMARISSIME.

Àmy, délaisse icy la délaissée, Que la mort a jusqu'à mort abaissée, Luy ostant Pan où estoit tout son bien. Car d'ennuy suis si très fort opressee, Que ta maison sera très mal dressée Par moi, n'ayant plus nul soucy de rien