COMEDIES

Comédie sur le trespas du Roy a quatre personnages, cest assavoir Amarissime , Securus, Agapy, berger, et Paraclesis1.

amarissime commance.

Mais est-il vray, est-ce chose assurée"

Que Pan nous est osté de ces bas lieux?

O la douleur voyre desmesurée!

Mais est-il vray, est il ravy aux cieulx?

C'est vérité. O mes aveuglez yeulx,

Sans plus vouloir en ce monde rien veoir,

Montrez deceu le tourment envieulx,

Et à pleurer faictes vostre debvoir.

Or, est de nous, bergères et bergers,

Soubstraict du tout le bien et le plaisir,

Qui nous gardoit de tous maulx et dangers,

Voire et du loup qui ne sçeut onc saisir

Nulle brebis, car il n'avoit désir

Que de garder son parc et son troupeau,

1. F° 24. Pour ce qui concerne [les timbres des chansons insérées dans cette composition dramatique, nous renvoyons à Y Appendice qui leur est consacré à la fin du volume.

Et bien souvent a mieulx aymé choisir1

Que [de] leur veoir [h]azarder chair et peau.

Puisque ce tant et tant aimable Dieu

Ne puis plus veoir, pour mon grand dueil parfaire

Choisir me fault ung solitaire lieu,

Où ma douleur, sans ung seul mot en taire,

Puisse chanter et du tout me distraire

De tout plaisir, de toutte charge et soing,

Car perdant tout je n'ay de rien affaire,

Et n'a mon deuil que de larmes besoing.

Ce lieu désert j'ay choisy pour mes pleurs>

En délaissant pastourelle et pasteurs.

Je hay les bois, les verdures et fleurs,

Prezet ruisseaulx, pallais, villes et tours.

Puisque la mort faict de sy cruelz to[u]rs

De n'espargner le chef de bergerie,

Le noir prendray, au lieu de beaulx atours,.

Non pas sy noir, comme je suis marrie.

N'espère pas de me reconforter

Nul rossignol, linotte, ny calandre ;

Je veuil2 mon deuil sans reconfort porter,

Tant que mon corps soit tout reduict en cendre.

O clers ruisseaulx, ne faictes plus entendre

Vostre doulx bruict, advanceant mon dormir,

Car nul repos sy plaisant ne puis prendre

Qu'à raconter mon malheur et gemyr.

O foible voix, loin de toutte musique,

1. Choisir est très nettement écrit, mais le sens du mot n'est pas clair. D'autre part les exigences de la rime rendent difficile le choix d'un autre mot. — 2. M s. Je vueil.

Seulle criez mes douleurs haultement :

Deuil et amour soi[en]t vostre retoricque. Chantez des vers de douleur seullement, Qui composez sont sans entendement Par ung esprit troublé jusque à la mort. Faictes sentir a tout le firmament Qu'à luy et vous la mort a faict grand tort.

Elle chante* sur le chant « Jouyssance vous donneray »

*Las! tant malheureuse je suis, Que mon malheur dire ne puis Sinon qu'il est sans espérance :

Desespoir est déjà à l'huys Pour me jetter2au fondz du puits3 Où n'a d'en saillir apparence.

SBCURUS.

O Pan, o Pan, mon maistrc et mon amy, Puisque tu es de nos yeulx arraché, Et que ton corps en terre est endormy, Et avec toy tout nostre bien caché, Que fera plus mon c[u]eur triste et fâché Fors de pleurer, délaissant toutte joye? Parquoy mon lut j'ay au saulle attaché Sans que jamais son [hjarmonie j'oye.

1. Marguerite a reproduit ici une chanson qui fait partie des Chansons spirituelles publiées dans les Marguerites de la Marguerite des Princesses (éd. Frank, t. III, p. 90). J'ai adopté, pour cette pièce, l'orthographe de ce recueil, en donnant en note les variantes que présente le manuscrit. Les dix strophes empruntées à cette chanson sont signalées par un astérisque. — 2. Ms. getter. — 3. Ms.' puis.

amarissime chante :

*Tant de larmes jettent mes yeulx Qu'ilz ne voyent terre ne cieulx, Telle est de leur pleur l'abondance1.

Ma bouche se plainct en tous lieux, De mon cucur ne peult saillir mieux Que souspirs2 sans nulle allégeance3.

SECURUS.

Mais n'ay-je pas ouy la foible voix De la dolente et triste Amarissime, Devers laquelle à grand haste m'en vois? Car à l'oyr presque morte l'estime, Plaine de deuil du pié jusqu'à la cime. De desespoir j'ay son chant entendu :

Elle a raison, soit en prose ou en rime, De lamenter, car elle a tout perdu.

amarissime chante :

* Tristesse par ses grans efforts A rendu si foible mon corps, Qu'il n'ha ny vertu ny puissance.

Il est semblable à l'un des morts, Tant que le voyant par dehors L'on perd de luy la congnoissance.