Ms. à — 2. Ms. et non mort. — 3. Job, II
Comédie jouée au Mont de Marsan, le jour de caresme prenant mil cinq cens quarante sept, a quattre personnages , c'est assavoir la Mondainne , la Superstitieuse, la Sage et la Raine de l'amour * de Dieu,
BERGERE
la mondainne commance2.
J'ayme mon corps, demandez moy pourquoy :
Pour ce que beau et plaisant je le voy;
Quant à mon ame qui est dedans cachée,
Je ne la puis toucher d'œil ny de doy,
Ce m'est tout ung, poinct n'en suis empeschée.
Ame soit ame à qui Ta bien cherchée,
Mon corps est corps, je le sens vivement.
S'il a du mal, j'en suis toutte fâchée,
S'il a du bien, j'en ay contantement.
Je le pare et dore,
Acoustre et décore
De tous ornemens.
Je le painctz et farde,
Remire et regarde
Voire à tous momens ;
De le tenir sain,
C'est tout mon desain,
Car je veulx qu'il vive.
1. Le lus. porte labour qui est évidemment un lapsus du scribe; du reste, la bergère est appelée plus loin la « reine de l'amour de Dieu ». — 2. Fo 38.
De melencolie
Et de maladie
Pour luv suis craintive.
Je luy cherche joye
Et ne veulx qu'il voie
Rien qui luy desplaise.
Honneurs pour luy chasse
Et biens luy pourchasse
Pour le tenir aise.
Et tout le plaisir
Que l'œil peult choisir,
Au c[u]eur je le donne,
Tant qu'il en peult prandre :
A ce veulx entendre
Sans aymer personne.
Bref, tout mon penser
C'est de l'advencer
En plaisir parfaict ;
Par penne non grande,
De ce qu'il demande
Le rendz satisfaict.
LA SUPERSTITIEUSE chante l
•Je m'en vois faire ung voiage, De bon cœur et bon couraigc :
C'est un sainct pelerinaige De Marie et son enfant, Qui de mal et toute rage •Le vray pellerin'deffend.
Puis elle dict :
Le chemin long m'a agravé[e] aux piedz, Dont ma personne est sy très fort grevée Que j'en sens bien des douleurs non petites ; Mais quant j'ay bien mes pennes csprouvées, Doulces en moy doibvent estre trouvées, Veu que j'acquiers par elles gros mérites. Tant aise suis quant ay mes heures dictes Et mon saultier de1 cent cinquante Avez. Cestuy [rosaire] est du Mont des Hermittes2, Dont plusieurs sont en le disant sauvez.
Des oraisons m'ayde
De [la] saincte Bregide,
Qui révélation
Eut de tout le torment,
Que souffrit justement
Christ en sa passion.
De tous sainctz, oraisons
J'ay pour toutes saisons,
Pour garder et guérir
De tous dangiers et maulx,
D'ennuis et de travaulx,
Que3 je puis encourir.
Puis voici ma neufvaine,
Qui n'est pas chose vainne.
Voiez ces neuf chandelles :
1. Et serait peut-être préférable. — 2. Ms. Cestuy est delmoy des Hermittes. Il s'agit probablement soit du mont Carmel, soit d'Einsiedeln (N.-D. des Ermites). — 3. Ms. ou.
S'elles sont allumées Et que d roi et les fumées Voy monter au ciel d'elles, Je sçay que ma prière N'est pas mise en erriere, Mais est receue aux cieulx.
De ces trois qui sont blanches, Je les garde au dimanche Dont j'espère bien mieulx.
Bref, pour sauver mon ame, Par eau, par feu et fia me, Espargner je ne veulx.
Le corps d'une ame saincte, Quant la vie est estainte, On luy porte des veulx*.
LA MONDAINNE chatlte .*
Il est jour, dict l'alouette :
Sur bout, allons jouer sur l'herbette 2.
Puis elle dict :
Or sus; puisque je suis coiffée, Je croy que ma journée est faicte.
En est il de mieulx estoffée, Ny en beauté aussy parfaicte ?
Puisque je me sens satisfaicte
1. Quand une personne meurt en odeur de sainteté, on l'honore, on lui porte des vœux ; elle devient l'objet d'un culte : c'est là une perspective qui, aux yeux de la Superstitieuse, justifie toutes les austérités. — 2. Y. l'Appendice A au sujet de cette chanson.
De moy, en parle qui vouldra ; Leur bouche en demou[r]ra infecte, Et qui pis est ne m'en chauldra.
LA SUPERSTITIEUSE
Glorieuse Vierge Marie,
Et que le c[u]eur au corps me bat!
Celle qui deust estre mar[r]ie,
Et contre elle prendre combat1,
Prent son plaisir et son ébat,
Comme le porceau dans la fange,
A faire en péché son sabat
Par sa paresse ; ô cas estrange !
LA MONDAINNE.
Mais où va ceste pèlerine,
Qui me semble si foible et lasse ?
LA SUPERSTITIEUSE
Au chemin par où je chemine, La mondanité point n'y passe.
LA MONDAINNE.
Vous tenez bien la teste basse :
Je croy que vous jurez sans faulte.
LA SUPERSTITIEUSE
Mais à vous, mocqueresse agasse, Set2 mal de la tenir sy haulte.
1. Celle qui devrait être plongée dans l'affliction et n'avoir d'autre souci que de se combattre elle-même. — 2. Sied.
LA MONDAINNB.
Je levé ma teste,
Et mon corps honneste
A chascun je montre ;
Il est beau et doux.
Et tenu de tous
Pour bonne rencontre.
LA SUPERSTITIEUSE
Vostre corps de chair
Estimez trop cher :
Ce n'est que charongne.
Il te fault mourir :
Qui qu'en parle groigne.
