LA MONDA1NNE
Ha ! mes beaulz yeux vers
Norriture à vers
Ne deviendront poinct.
LA SUPERSTITIEUSE
Vous ferez ce sault ; Mourir il vous fault, C'est le plus seur poinct.
LA MONDAINNE.
Ccste mort rebelle Sy june et sy belle Ne m'oseroit prendre
LA SUPERSTITIEUSE
Nul de sa main forte, Quelque arme qu'il porte, Ne se peult deffendre.
Poinct n'y veulx penser.
Mais mon temps passer Sans ce dur remort, Durant ma junesse ; Puis après, vieillesse Finira par mort.
LA SUPERSTITIEUSE
La mort n'a nulle heure, Ny ne faict demeure Pour force ou junesse ; Soudain vous prendra.
Donc ne vous fauldra Fier en vieillesse.
LA MONDAINNE.
Puisque ainsy est que demain je mou[r]ray, A belle bride abattue je cou[r]ray A tout plaisir, dourmir, manger et boire ; Et passeray mon temps si plaisamment, Que j'auray eu parfaict contentement Avant le jour de la dame tant noire.
LA SUPERSTITIEUSE
Non, non, ma seur, mieulx vault faire cecy
Pour vain plaisir prenez peine et soucy,
En obliant pour l'âme vostre corps.
Quant est du mien tous les jo[u]rs [je] le tue,
Car pour gaigner paradis m'esvertue,
À tout le moings j'y faictz tous mes eflbrtz.
la sage commance.
Dieu a bien faict ung très beau don à l'homme
De luy donner raison, savez-vous comme?
Comme à ung ange. Est-ce pas don honneste?
Par la raison il assemble et assomme,
Aymé et congnoist les vertus et les nomme.
Par la raison il diffère à la beste ;
Dieu luy a mis en hault regard et teste
Pour contempler ce qui est par sur luy * ;
La beste en bas à la terre s'areste,
Et l'homme en hault, dont vient tout son appuy.
L'homme raisonnable
Est faict agréable
A Dieu et au monde ;
Dieu croit, ayme, adore,
Loiie, prie honore2;
Là son esprit fonde.
Quant à son prochain,
Le bon c[u]eur, la main,
1. C'est la traduction des vers célèbres : Os homini sublime dédit, etc. • 2. Ms. et honore.
Mect à le servir.
Ce qu'il doibt il paie, Et a tousjours joye A vertus suivir.
LA SUPERSTITIEUSE
Ma mie, voilà un propos Qui est a[u] vostre différant.
Elle vit en ung grand repos :
Oions qu'elle va référant.
LA MONDAINNE.
Mais allons à elle en courant, Et luy declairons toutte chose.
A la veoir il est apparent Qu'elle entend la rime et la prose.
LA SAGE
Voilà deux dames bien contraires A leurs avis, venans icy ; Entendre fault de leurs affaires.
LA SUPERSTITIEUSE
Madame, la Bonté sans si1 Vous doint bon jour.
LA SAGE
Hé, grand mercy, A vous deux j'en désire aultant2.
