Allusion à la parole de l'Evangile

Que ne suis paillarde ou meurtrière1 ;

J'en loue le Dieu de bonté,

Pour lequel mon corps j'ay dompté

Tant qu'il ne se peult soubstenir.

Je le bas, je le fais jeusner

Et en voiage cheminer,

Et de tous plaisirs abstenir.

LA SAGE

N'espérez pour ce rien gaigner,

Pour vostre corps en sang baigner, ]

Ou faire sur le feu rostir ;

Car, si vostre cueur n'est joieulx

Et charitable et amoureux,

À Dieu ne faictes que mentir.

Dieu regarde du cueur le fons. ,

Voz peines, voiaiges et dons

Faictz sans charité il desprise.

Car luy qui est d'amour vray Dieu

Veult le cueur brusler de son feu,

Ainsi qu'[h]umilité le brise ;

Car, s'il n'est bien humilié

Et par amour à luy lié,

Rien ne sert vostre barboutter ;

t si en Dieu ne vous trouvez Et sa présence n'esprouvez, Vous avez beau partout trotter.

Et voiez vous ceste mondaine