Ms. Veoir
Mais l'a me au corps joincte et unie.
C'est l'homme : en ceste compaignie
De parfaicte confection
Ceste union apporte vie ;
Mais si l'ame est du corps ravie,
C'est mort leur séparation.
LA MONDA1NNB.
Ce que vous dictes bon me semble,
Que l'homme soit les deux ensemble.
Parquoy je veux plus que jamais
Garder l'ame du corps saillir,
Et de le nourir ne faillir
En tout plaisir : je le promectz.
LA SAGE
Plus ne te fault estre amoureuse Du corps, mais estre désireuse De l'entretenir sobrement ; Mais tu doibz estre socieuse De veoir ton ame vertueuse, Ce doibt estre ton pensement ; Car l'ame plaine de malice Au corps exercera son vice, En se damnant avecque luy.
[Mais] l'ame de vertu remplie Fera au corps euvre accomplie, Car il n'est d'elle que l'estuy.
Bien ou mal qu'ensemble feroit,
Bien ou mal ensemble en auroit1, Pour jamais'2 en bas ou en hault.
LA MONDAINNE.
Je crainctz ceste pugnition ; Pensant telle damnation, A tout jamais le cueur me fault.
Helas ! je suis si [très] mondaine, Si très subtile et si [très] vaine Qu'a peu que ne me désespère.
LA SAGE
Désespérer, c'est bien le pire.
Il fault que vostre cueur désire La grâce de son Dieu et père.
LA MONDAINNE.
Moy qui n'ay aymé que ma chair N'oserois de luy approcher, Car en moy ne sens que péché.
LA SAGE
C'est l'heure que au grand vaincueur3 Fault déclarer le mal du cueur Qui par péché est tout taché ; Sur péché aura la victoire, Et n'en demande que la gloire, Vous en donnant tout le profit.
i. Ms. ensemble sentiroit. — 2. Ms. Pour tout jamais. — 3. Dieu.
LA MONDAINNE.
Las ! puis je croyre, moy villaine,
Que ceste bonté souveraine
Si grant honneur et bien me feist ?
LA SAGE
Il te fault croire fermement, Puis suyvre son commandement, En le servant de cueur et d'euvre,
Je ne sçay pas où commencer :
Je craindz seullement de penser Au mal qu'il fault que je descouvre.
LA SAGE
Pour vous mectre toute à délivre, Je vous faictz présent de ce livre :
C'est la loy et vielle et nouvelle.
En luy verrez ce qu'il faut faire Et qui pour vous peult satisfaire, Pour vous mectre en vie éternelle.
LA MONDAINNE.
Puisqu'il vous plaist de le me dire, Incessamment je le veux lire, Pour y chercher mon sauvement.
LA SAGE
Ignorance, des folz marrastre, A sapience pour emplastre, Bon sens, raison, entendement.
LA SUPERSTITIEUSE
Dieu soit loué de veoir reduicte Ceste pouvre folle seduicte.
Vous avez faict ung [grand] meritte :
Elle alloit à bridde avallée Jusques au fondz de la vallée De perdition très mauldite.
LA SAGE
Vous qui jugez sa vie infecte, Cuydez vous estre plus parfaicte Qu'elle et mener meilleure vie?
Meilleure : je ne le dis pas, Mais j'aurois bien perdu mes pas, Si sur son euvre avois envye.
Je ne joue ny [je] ne dance, Ny [ne] despens en habondance, Comme elle faict et jour et nuict.
LA SAGE
N'y a il péché que dancer?
Examinez vostre penser
Qui trop plus que le dancer nuict.
LA SUPERSTITIEUSE
Ma pensée est de faire bien En faict et dict et en maintien, Profitant à moy et au monde.
Je dictz les sept heures du jour Et de travailler n'ay séjour ; Pour me sauver là je me fonde.
LA SAGE
Mais vous la jugez toutesfois *.
LA SUPERSTITIEUSE
Sans faulte, Madame, le2 fais; Je parle par compassion.
LA SAGE
Si vous voy[i]ez vostre péché, Vostre œil ne seroit empe[s]ché De juger sa condiction.
Vous mè faictes bien enrager ; Tenue suis de corriger Mon prochain, voiant son default ; Mais si son mal faict ne regarde 3,
1. Mais tous jugez toutefois sa vie blâmable. — 2. Le ms. porte non, mais le sens appelle le. — 3. Mais si mon prochain n'a pas luimême conscience de ses fautes, je n'ai garde de le corriger.
De le corriger je n'ay garde.
Qu'est ce donc que faire me (ault ?
LA SAGE
Aux magistrats est bien l'office De juger et faire justice ; Par eulx Dieu gouverne la terre.
Mais si sans péché vous sentez, Contre elle vostre main mectez Et jectez la première pierre1.
LA SUPERSTITIEUSE
Sans péché ne me sens je pas ; Si ay je retiré mes pas, Tant que j'ay peu, de toute ordure ; J'ai délaissé accoustremens, Festins, amours et instrumens, Prenant une vie aspre et dure.
LA SAGE
Puisque peché[s] encore faictes, Las ! juge competant vous n'estes.
Or, jugez vous donc la première.
LA SUPERSTITIEUSE
Je me juge bien pécheresse Et que je failly, mais si est ce
