LA RAINE DE DIEU BERGERE
Elle chante :
Helas ! je languys d'amour, Helas ! je meurs tous les jours.
Puis elle dict :
Qui vit d'amour a bien le cueur joieulx, Qui tient amour ne peult désirer mieux, Qui scet amour [n']ignore nul sçavoir, Qui voit amour a tousjours rians yeulx, Qui baise amour il passe dans les ci eux, Qui vainc amour il a parfait pouvoir, Qui ayme amour acomply son debvoir, Qui est porté d'amour n'a nul[le] peine, Qui peult amour embrasser prandre et veoir, Il est remply de grâce souveraine.
1. Ms. J'ay vous lire pour vous complaire. — 2. Cf. Les Marguerites, t. III, 152.
LA MONDAINNE.
Oyez quel chant.
LA SUPERSTITIEUSE
Mais oyez sa parolle.
LA SAGE
Ha ! n'est ce pas langage d'une folle ?
LA BERGERE chante l
La, la, la, la, la, la, la, la, Quelle bonne chère est là, Quant son amy près d'elle elle a :
Berger pour la bergère !
LA SAIGE
A sa voix et à sa manière,
Elle ayme, poinct n'en fault doubter.
LA MONDAINNE.
Arrestons nous pour l'escouter.
la bergère chante :
Amour m'a faict de desplaisir mainte heure, Mais le parfaict, qui dans mon cueur demeure,. M'a satisfaict et gardé que ne meure ; Dont pour luy chante et pleure.
LA SAGE
C'est pure amour qui si fort la tourmente.
LA SUPERSTITIEUSE
Aussi d'amour seullement elle chante.
LA MONOAINNE.
Saluons la pour la faire parler.
LA SAGB.
Il ne fault pas souldain à elle aller : Approchons [nous] nostre beau petit pas.
la bergère chante :
Jamais d'aymer mon cueur ne sera las.
Car Dieu l'a faict d'une telle nature Que vray amour lui sert de no[u]riture : Amour luy est pour tout plaisir soûlas.
LA MONOAINNE.
Saluons là.
LA SAGB.
C'est bien dict.
LA SUPERSTITIEUSE
Dieu vous gard.
LA BERGERE
Et vous aussi.
LA SUPERSTITIEUSE
Nous venons ceste part Vous visiter, sçavoir qu'icy vous faictes.
la bergère c hante :
Je garde mes brebiettes.
LA MONDAINNE.
Quoy! n'avez vous autre exercice?
LA SAGE
Oysiveté engendre vice.
LA BERGERE C hante \
Je fille quant Dieu me donne de quoy. Je fille ma quenouille, ouoy.
LA SUPERSTITIEUSE
Mais d'amour est tout vostre chant.
LA MONDAINNE.
Helas ! c'est ung Dieu trop meschant.
LA SAGE
Certes, il faict d'estranges tours.
LA BERGERE chantC '.
O bergère, m'a mie, Je [ne] vy que d'amour.
LA SUPERSTITIEUSE
Amour est dangereux pour vray.
la bergère chante :
Je vy d'amourette [et] vivray.
LA SAGE
L'on vous en doibt moins estimer.
la bergère chante :
Ces fâcheux sots qui mesdisent d'aymer, Et n'en eurent en leur vie cognoissance : Je vous jure Dieu et ma conscience Qu'ilz ont grand tort d'un tel plaisir blasmer.
LA MONDAlNNi:.
Amour est un fin ennemv.
LA BERGERE chatltC l
J'ayme bien mon amy De bonne amour certaine, Car je sçay bien qu'il m'ayme Et aussi fay je luy1.
LA SAGE
La femme, s'elle est raisonnable, Doibt penser amour dommageable.
LA BERGERE vhaillC '.
Amour, nulle saison, N'est amv de raison.
LA SUPERSTITIEUSE
Puisqu'amour mect raison dehors, De son salut n'a nul remors.
