El je lui rends la pareille
LA SAGE
Son estât va de mal en pis.
la bergère chante :
Laissez parler, laissez dire, Laissez parler qui vouldra.
Mesdise qui veult mesdire ; J'aymeray qui m'aymera.
LA MONDAINNE.
Elle n'a ni crainte ni honte.
LA SAIGE
Rien que d'amour ne faict son compte.
Elle ne sent melencolye.
LA BERGERE chante '.
Petite fleurette jollic,
Je sais bien que vous m'entendez,
Que vous m'aymez et attendez :
En vous me fie,
Je vous alfie.
LA MONDAINNE.
Mais qu'est ce [ce donc] qui la contente ?
LA BERGERE vluintC '.
Une amour seure, gratieuse et plaisante.
LA SUPERSTITIEUSE
Qui l'entretient en ceste amour avmée?
la bergère c ha rite :
Doulce mémoire en plaisir consommée.
LA SAGE
Voicy une nouvelle loy :
Comment venez vous si contente ?
la bergère chante :
Seure et loial[e] en foy, Jusqu'à la mort amante.
N'avez vous d'autre vie envie ?
LA BERGERE chante l
Chanter, rire est ma vie,
Quant mon amy est près de moy.
LA SUPERSTITIEUSE
J'oy d'elle ce que croire n'oze.
LA BERGERE ckaïlte l
Helas! il n'est si doulce chose.
LA SAIGE
En sa fasson ny chant je n'entend[z] rien.
la bergers chante :
Que ne m'entendz! assez je m'entend[z] bien.
LA SUPERSTITIEUSE
Vous estes folle, par ma foy.
LA MONDAINNE.
Pour telle la doibt on tenir.
la bergère chante :
Amourettes, sauvez moy , Que pourray je devenir?
LA SAGE
Je tiens malheureuse la femme, Dont le cueur est d'amour martir.
la bergère chante :
Heureuse tiens ma flamme, Sans poinct m'en repentir.
LA MONDAINNE.
Mieulx vault vostre cueur [nousn ouvrir Et vostre secret descouvrir.
LA SAGE
La peine amoindrit en parlant Et croist quant Ton la va cellant.
LA BERGERE chante l
Oh ! combien est heureuse La peine de celler Une flam[m]e amoureuse Qui fayct un c[u]eur brusler.
LA SUPERSTITIEUSE
Vous perdez à dissimuler :
Or, parlez à nous franchement,
LA SAGE
Quand vous ne voiez vostre amant, Chantez vous pas esjou yssance ?
la bergère chante :
Las! on peult juger clairement Par le désir de la présence, Quelle douleur et quel tourment Peult venir du mal de l'absence.
LA MONOAINNE.
Maintenant qu'il n'est pas icy, Vous debvez avoir grand soucy, Car vous faillez de patience1.
la bergère chante :
Vous qui estes ignorantes
Que c'est que [la] ferme foy :
O combien seriez contantes
Sy vous le s[ç]av[i]ez comme moy !
la sage.
Comment vostre c[u]eur tousjours sent Cest amour présent ou absant :
Je ne sçay plus que j'en diray.
