Le ms. porte car vous faillez à vous pour tenter

la bergère chante :

Je l'ayme tant, tant, tant,

Tousjours le serviray; Pour vous ny pour vostre langage Ne changeray chant1 ny courage, Mais en sa voix [veulx] advancer.

Plustost mourir que changer mon penser.

LA MONDAINNE.

La mort rompra vostre accoinctànce.

LA SAGE

Quant à moy je la laisseray.

LA BERGERE chante \

Encoi1, quant morte je seray, L'esprit en aura souvenance 2.

LA SUPERSTITIEUSE

Adieu, ma mie, car je pense Que vous estes sur toutte folle.

LA MONDAINNE.

Nous dîrez-vous nulle parole ?

Au moins pour l'amour de 1 amy, Dictes nous ung mot ou demy.

LA BERGERE

Que voulez-vous que je vous die?

Jugé avez ma maladie,

Avant que me toucher le pou[l]x.

1. Mt. Ne change ni chant. — 2. V. l'Appendice A sur cette chanson.

LA SAGE

Or, puisqu'elle est en bon propos.

Devers elle veulx retorner.

Mais dictes nous, sans sejorner, Qui est l'amy que tant aymez.

LA BERGERE

Vous qui si fort l'amour blasmez, De l'amy ne vous fault enquerre, Mais tant en dy que ciel et terre Sa vertu ne peuvent comprandre.

LA MONOAINNE.

Vous Faymez fort?

LA BERGERE

Je me doy randre Coulpable de l'aymer trop peu.

LA SAGE

D'amour ne sentez1 doncques le feu.

Si du mal ne vous contantez.

LA BERGERE

Je ne sçay quel [feu] vous sentez, Mais le plus chault et plus cuisant M'est le plus doux et plus plaisant.

LA MONOAINNE.

Helas! ma mie, comme vous J'ai gousté de ce feu tant doux, Mais je m'en repens de bon cueur.