J'aime mieux perdre la vie
<( Veult mettre à rien et tout anéantir. »
Jamais mon eueur n'eust voulu consentir
A donner foy à chose si cstrange ;
Et n'y avoit homme, ny saint, ny ange,
S'il fust venu d'un tel cas m'advertir,
Que j'eusse crainct soudain le desmentir.
Si fut ce vous, ce ne fut autre main,
Qui, soubz mainctien gracieux et humain,
Soubz ung parler digne de m'asseurer,
Soubz ung regard pour me faire endurer
Dix mille mortz, m'avez en trahyson
Par les petis demoly ma maison.
Mais, en pensant de moy tout le contraire.
Je ne cessoys moy mesmes la reflaire.
Dont prisonnier de moy mesmes j'estoys.
Non plus de vous, et si ne m'en doubtoys
Jusques au temps que le soleil, plus chault
Qu'il ne souloit, enflainba ung lieu hault.
Où de bruller chacun ne se feignoit,
Fust il de glace, au moins on s'en pleignoit1. Fol. 270, ▼•.
En ce temps là, je veillay une nuict,
Disant tout seul : Qui est ce qui me nuict ?
A qui desplaist le repoz où je suys ?
Qui veult avoir le bien que je poursiivs ?
Qui sent le lieu où je suys ne la place ?
Qui entreprend m'en chasser par audace?
1. La signification de ces deux vers ne peut être fixée avec certitude. Le sens le plus acceptable nous parait être celui-ci : Le feu était si vif, que chacun y était exposé, fut-il de glace, ou du moins se plaignait d'en ressentir les effets.
Qui que ce soit, il perdra et sa force
Et son labeur, car mon cueur plus s'efforce
De demeurer en ce lieu fermement,
Plus il reçoit d'ennuv et de tourment.
Ainsy, passant la nuict à ce beau jeu,
Je me trouvay environné du feu,
Non de celluy qui es toit avec moy,
Mais d'autre estrange. O l'incroyable esmoy,
Qui me faisoit, en voyant ma ruyne
Inévitable, invention et fine1 !
Ce feu brulla et pierre et brique et boys,
Et moy j'estoys ung sanglier aux boys :
Car, d'une part, la mort me menassoit.
De l'autre, Amour, qui sans craincte passoit,
Me commandant plustost ferme mourir
Qu'à nul moyen pour eschapper courir.
Desjà estoit brullé mon vestement.
Quand je vous viz jecter joyeusement,
Par la fenestre où vous estiez, brandons
Dessus ma teste. O quelz piteux guerdons !
En vous voyant fusse devenu cendre,
Car contre vous ne me vouloys deffendre ;
Mais aussy tost que vous euz apperceue,
Cuydant parler, je vous perdis de veue. Fol. 271.
Lors, congnoissant vostrc extresme finesse,
Vostre cueur faulx qui dissimulant blesse,
Par tous les lieux de ma prison rompue
1 . La lecture de ces mots ne fait aucun cloute dans le manuscrit, mais il est évident que le scribe a commis ici quelque lapsus.
Gravay au Heu où je vous avovs veue,
Par là saultay en hazardant mon corps :
Le feu estrange et vous m'en myrent hors.
De ce malheur j'euz ung bien non pareil,
Car, en laissant ténèbres, le soleil,
Que tant et tant, tant j'avoys refuzé,
Me vint monstrer que j'estoys abusé.
Premièrement, me fist veoir clairement
Vous seulle, Amye, ay niant trop doublement,
Qui en passant par une galerie
Aviez façon d'une femme marrie.
Moy, tout soudain, je ne le puys nyer,
Tenant encor ung peu du prisonnier,
Couruz à vous pour scavoir que c'estoit ;
Mais le soleil, qui ma lumière estoit,
Dist : « Non, tais tov, car son ennuv ne vient
« Sinon du bien qu'elle voit qu'il t'avient
« De liberté, où maînctenant tu entres ;
« Elle vouldroit te tenir dans le ventre
« De sa prison jusques au jugement,
« Pour le plaisir qu'elle a de ton tourment ;
« Voire et pour tov ne vouldroit porter peyne
« Sinon autant que son plaisir la meyne ;
« Mais en voyant que plus ne te tourmente,
« C'est le seul poinct qui la rend mal contante.
« Si de mon dire as doubte ou delliance,
« Je t'en donray plus grande expérience, Fol. 271, verso
« Car je m'en voys retyrer ma clarté
« Et ma chaleur; or1, comme homme eshonté,
