LIVRE SECOND

Amour, qui n'est subject à la fortune,

Qui ne congnoist ne mouvement de lune,

Ne de soleil, ne changement de temps,

Ne1 veult, pour l'heur que posséder pretendz,

Me retarder de mes vers adresser,

Amye, si vous que je ne veulx laisser.

J'entendz laisser portant de vous le soing

Qui au salut de l'amy fait besoing ;

Mais j'ay désir, après ma passion

Et les lvens de mon affection,

De vous monstrer le bien de ma franchise,

Pour essayer partout, en toute guyse,

Que je pourroys vous faire désirer

Ung tel plaisir ou vous y attirer.

Or donc, Amye, à ce commancement,

Le beau soleil me monstra clairement

L'ouvrage grand de ceste pomme ronde,

Le ciel, la terre et leur2 grandeur profonde,

Dont l'œuvre en est tant excellente et grande