Ayant eu les yeux trop longtemps fermés par cet amour

Qui plus qu'à Dieu à elles se consentent *,

Car l'homme heureux sur les astres domine

Quand Sapience et la Foy l'ilumine.

En regardant, je voyoys les nuées

Couvrir le ciel, et puys soudain muées

De lieu en lieu par ventz, aspres effors

Que le Puyssant produict de ses trésors,

Qui souvent sont par la pluye deffaictes 2,

Puys par vapeurs incontinant reffaictes

Aucunes foys, et par neige et par grelle;

Et quand le chault avec le froid se nielle.

Crevé et prent fin ceste nuée obscure Fol. 277.

Par tonnerre et par fouldre laide et dure.

Car le Seigneur de tout cest exercice

Pour nostre mveulx bien souvent s'excercitc

Mander ça bas ses messagers qu'il fait

De feu ardant : c'est ung œuvre parfaict.

Je ne sçavoys pourquoy Dieu fist la teste

De l'homme en hault différente à la beste,

Mais mainctenant je puis bien advouer

Que ce ne fut sinon pour le louer.

En regardant ce beau trosne luysant

Du Salomon, qui tout est conduysant,

Je ne povoys mon œil en bas besser,

Ny ce regard si très plaisant laisser ;

1. Cette déclaration est bien conforme aux idées qui régnaient alors en matière d'astrologie. Elle est tout à fait exceptionnelle dans l'œuvre de Marguerite. Bien qu'elle ne soit exprimée que d'une manière incidente et sous une forme assez générale, elle n'en est pas moins digne d'attention. — 2. Il s'agit toujours des nuées.

Mais ma foiblesse enfin par forte guerre

Le contraignit de regarder la terre,

Là où je viz tout le plaisir que l'œil

Peult regarder, qui souvent fine en dueil.

Je viz les champs, les prez herbuz et verdz,

Arbres portans fueilles, fleurs, fruictz divers.

J'advisay lors ces profondes foretz,

Ces grans estangs, fontaines et marez,

Pour abruver cerf[z], sanglier[s], loups et daims,

Chevreulx, connilz et lièvres bien soudains.

O qu'il fait beau vcoir courir et trotter

Cerfz, et aux boys leurs grands testes frotter,

Pour myeulx povoir des princes se deflendre,

Qui nul travail ne prennent pour les prendre !

Moy qui avoys desprisé ce plaisir,

En les voyant en sentiz le désir.

Mais quoy! partout où mon regard se jette,

Beste ne voy qui ne soit très subjecte, Fol. 277 verso.

Quelque fureur, puyssance ou cruaulté

Qui soit en eulx, dessoubz la royaulté

De l'homme seul et dessoubz son empire;

Et si l'honneur qu'il en reçoit l'empire,

En l'ignorant, il sera fait semblable

A la jument et plus abhominable '.

Donques je viz mainctes bestes passans

1. ^'interprétation de ce passage présente quelque difficulté; peutêtre faut-il l'expliquer ainsi : Et si l'honneur que l'homme reçoit de cotte primauté ne fait que le rendre pire, s'il l'ignore, il deviendra semblable à la jument et d'autant moins estimable.

Par boys, par champs, et veneurs les chassans :

Les uns à force, les autres de cordages.

Brief, j'apperceuz les façons, les usaiges,

Dont les veneurs sçavent les bestes prendre :

Ce que n'avoys par devant sceu entendre,

Pour ne penser qu'à la seulle entreprise

De bien garder celle que cuydois prise.

Or, maitictenant commance à pourchasser

Le grant plaisir que Ton prand à chasser.

D'autre costé, je voyoys fauconniers

Portans faucons, esperviers et laniers.

Et tous oyseaulx et de leurre et de poing,

Dont par avant je n'avoys eu nul soing;

Prandre je viz le héron dans la nue,

Millan, perdrix et la pie et la grue,

Dont je trouvay le passetemps nouveau,

Et touteflbys ne me sembla moins beau.

En tournoyant, je regarday rivières

Portant bateaulx de diverses manières,

Par le moyen desquelz pays se hantent.

Et comme amys est rangers se fréquentent ;

Car par la mer où les rivières vont

Navigages increables se font. FM. 278.

Que ceste mer je trouvay admirable!

Que la congnoistre est chose désirable !

Je prins plaisir de veoir ceste balair.e

Qui là dedans se joue et se promainc,

Et semble bien que peu l' homme elle prise

Duquel enfin par les faietz elle est prise.

De ceste mer rochers sont comhattuz

Dont les aucuns je voyoys abattuz *.

Et, dessus tout, je m'esmerveillay fort

Voyant venir les undes sus le bort,

Ronflant, bruyant, et comme une montagne

Haulte, et puys il semble qu'elle se feigne

A l'aprocher, ceste mer : sa puissance

A son facteur rendant obeyssance

Sans riens passer son limitte bornée

Corne s'il eust de verroulx ordonné

Pour la garder de couvrir ceste terre.

O quel povoir a ceste main qui serre

Ung si grand corps en un g limitlé lieu !

Autre elle n'a sinon celluy de Dieu.

Voyant cecy, je pensay aux voyaiges

Qu'ont fait les preuz, rempliz de haulx courages,

Et desiray de faire ainsy comme eulx

Pour aquerir le bruyt des vertueux.

Je lessay3 là la mer et ses bateaux

Pour aller veoir et villes et chasteaux,

Palais, jardins, paradis de délices,

Dont les beaultez font ignorer les vices.

Jamais n'avoys congneu l'architecture,

Ne prins plaisir en dorure ou paincture. Fol. 278 verso.

Car ma prison, bien qu'elle fust mal faicte,

Trouvée avoys si belle et si parlaicte,

Que je n'avoys œil ny entendement

1. Les rochers sont battus par I» mer, qui parvient en certains -endroits à les renverser. — 2. Il semble que la mer hésite à approcher du rivage, voulant rendre hommage à son créateur, en ne dépassant pas la limite que celui-ci lui a assignée. — 3. Ms. lesse.

Jamais tourné sur autre bastiment.

Mais, délivré de ma prison antique,

Ambition, dont le feu brulle et pique,

Me vint saisir par désir de bastir

Mille maisons et de les assortir,

Et d'aquerir possessions et terres,

Dont souvent sort procès, debatz et guerres.

Puys, j'advisay marchans et marchandises

Qui ont du gaing senty les friandises,

Gens de justice, officiers, commissaires,

Qui souvent sont plus griefz que nécessaires.

Là viz le gain multiplier soudain

Par les estatz dont j'avoys eu desdaing,

Estimant plus Testât de serviteur

Que j'euz de vous, que d'estre conducteur

D'un grant empire, ou d'estre connestable,

Ou chancellier, ou le plus prouffi table

Estât qui soit; mais perdant ma maistresse

Pers mon estât, parquoy toute richesse

Qui me faschoit, mainctenant me plaist fort1.

Dont je concluz de faire mon effort

De ces grans biens par estatz aquerir

Et les trésors amasser et quérir,

Estimant bien d'en faire mon devoir,

Mais mon soucy n'estoit que [d'en] avoir.

L'ambition je trouvoys raisonnable

1. En perdant sa maîtresse, le poète se trouve placé dans d'autres conditions de vie ; les richesses, qui n'avaient jusque là aucun attrait pour lui, commencent à lui paraître séduisantes.

Qui me haulsoit à Testât honorable, Fol. 279.

Cuydant vertu ce désir de haultessc

Qui veult monstrer en tous lieux sa noblesse.

D'autre costé me poussoit avarice,

Qui si très bien sçavoit couvrir son vice,

Qu'en souhaittant biens en diversité

De tous pensoys avoir nécessité :

Une heure après, ung estât honorable,

Une heure après, ung riche et prouffitable.

Couvrant mon cueur, mon désir, mon penser.

Soit pour gaigner ou bien pour m'advanser,

Je m'en allay ung petit plus avant,

Prenant chemin droict au soleil levant :

Eglises viz belles, riches, anticques,

Clochers, portaulx triumphans, autanticques.

Entrant dedans, j'y viz divers ouvraiges,

Tables d'autelz fort couvertes d'ymaiges

D'or et d'argent, monstrant n'estre pas chiches

Ceulx qui les ont donnez si beaulx et riches,

Et qui plus est grandes fondations,

Sans espargner terres, possessions ;

Tant qu'il sembloit que de ces fondateurs

Tous les prians fussent les rédempteurs,

En rachaptant leurs péchez par prières,

Dont j'en oys en diverses manières :

L'on en disoit les unes en chantant,

Les autres bas seulement, en contant.

Je prins plaisir d'ouyr ces chantz nouveaulx,

De veoir ardans cierges et (lambeaux,

D'ouyr le son des cloches hault sonnantes

LES PRISONS DR LA RBlNE DB NAVARRR 153

Et par leur bruyt oreilles eston liantes : Fol. 279 verso.

« C'est paradis icy, me dis je alors,

« Se le dedans est pareil au dehors;

« Je n'oys riens que chantz melodieulx,

« Orgues sonnant pour resjouir les dieulx;

a Je n'y entendz sinon parolles sainctes,

« Prestres devotz, prédications mainctes,

« Pour consoler tous les devotz espritz

ce Et ramener à bon port les perilz. »

Les sacremens j'y viz administrer

Et lespetis en evesques mistrer1.

Bref, je viz tout ce que font les prelatz

Officiant, dont souvent ilz sont las;

En les voyant j'y prins dévotion,

Car par avant jamais affection

Ny avois eu. Ma prison m'estoit temple

Pour moy assez riche, beau, large et ample;

Vous seulle estiés mon autel, mon ymaige,

Le but et fin de mon pèlerinage*

Mais, n'ayant plus devant moy telle ydolc,

II fault qu'ailleurs mon esprit se consolle.

Parquoy bientost dedans ma fantasie

Se vint loger madame Hypocrisie,

Me remonstrant que j'aquerroys honneur

Si à l'église estoys dévot donneur;

Et la croyant, pensay d'édifier

1. Le sens de ce vers est obscur. Peut-être faut-il y voir une allusion aux fêtes bizarres en usage dans certaines églises, et auxquelles présidaient des enfants revêtus des insignes épiscopaux.

Temples et chantz, où me vouloys fier,

Pour délaisser aux pierres ma mcmoyre

Et aquerir par les pierres la gloyre

De vray salut, estimant par telz chantz

Povoir purger mes péchez trop meschantz, p0l. 280.

Voire et d'avoir permission d'en faire,

Puysque j'avoys de quoy les satisfaire.

Car, pour six blancz faisant dire une messe,

Quicte j'estois de rompre ma promesse,

Voire et absoubz de ce qu'en mariage

Povoys faillir, en donnant quelque ouvrage,

Ou de l'argent, ou quelque reliquaire

Que Charlemaigne apporta du grant Quaire.

Ainsy resvant, sailliz hors et entray f

Dans ung chasteau, auquel je rencontray2

Allans, venans, riches, povres, chetifs3,

Saiges, prudentz, audacieux, craintifz;

L'un va le pas, l'autre par ardeur court;

Lors j'entendiz ung qui dist : « C'est la court. »

J'ouvriz mes yeulx pour myeulx veoir qui c'estoit :

Mais d'un costé je viz que l'on mettoit

En triumphant estât plusieurs chasteaux,

D'autre costé l'on proumenoit chevnulx ;

Et peu après viz commancer tournoys,

Renverser gens et rompre de groz boys,

Et, à la (in, au myeulx faisant4 donner

Ung riche pris pour bien le guerdonner.

1. Ms. entré. — 2. Ms. rencontré. — «i. Ms. po\Te et chetifs. — 4. Au plus habile.

J'ouys cryer heraulx, sonner trompettes

Pour hault louer les faictz des gens honnestes.

Las! par avant je n'avoys point apris

Qu'il se fallust armer pour gaigner pris,

Le pris estiez, pour qui travail et peyne

M'estoit repoz et joye souveraine ;

Lance et harnoys ne m'y firent besoing,

Parfaicte amour fut ma force et mon soing; Fol. 280 ▼•.

Puysque tel pris j'avoys par bien aymer,

Nul autre pris ne povoys estimer.

Je ne l'ay plus, parquoy désir d'aquerre

Ung plus parfaict me fait les armes querre,

Aymer chevaulx, priser l'art militaire,

Dont ne se doit cueur vertueux retraire,

Car par vertu la noblesse est venue

Et la vertu par les armes a creue.

Quant du tournoy chacun eut son butin,

J'entray au lieu où ung très grand festin

L'on prépara, si plain de friandises

Qu'il incittoit gourmandz à gourmandises,

Et le bon vin, tant délicat et souef,

Se faisoit boire a tel qui n'avoit soif.

Et puys je viz sortir de l'habutidance

Les enyvrez et commancer la danse :

Masques, mommons, farces et comédies

Entrèrent lors, dont furent estourdies,

Tant des haulxboys que du bruyt, mes aureilles

D'ouyr ainsi musiques non pareilles;

Mais le plus beau qui fust en ce teatre,

C'estoit de veoir mon ymaige de piastre

Et ' des dames vives la compagnye.

De grans beaultez et de vertus garnye.

Dancer les viz et chanter en doulx son,

Dont il me print au cueur une frisson,

Car des lyens il me vint souvenir,

Qui en prison longtemps m'ont fait tenir.

Et tout ainsy qu'un grant coup adressé

Dessus ung bras, ung peu devant blessé, Fol. 281,

Fait double mal et donne peur et craincte,

Aussy mon cueur, où vous fustes empraincte,

Se print par peur si fort à tressaillir

Que je pensoys qu'il deust de moy saillir,

Craignant tumber par grâce et par beaulté

En la prison plaine de cruaulté ;

Qui me fist* tost destourner mon regard,

De ces beaultez, le jectant autre part,

Car jamais plus ne vouloys asservir

Mon cueur d'aymer une aultre ou la servir,

Pensant que myeulx vault des femmes user

Qu'idolastrer d'elles ou abuser,

User ainsy comme l'ait une beste,

Sans passion. De cest amour honneste

Vous seulle, Amye, aymée avez esté

De moy, par vraye amour d'honnesteté,

Qui me faisoit voz vertuz honorer

Et voz beaultez et grâces adorer,

Sans y penser villennye ou malice.

Mais myeulx aymant mourir que venir ung vice