M8. mais. — 2. Ce qui me fît

En vostre cueur, ne de veoir tache noyre

En vostre blanc, car mon plaisir, ma gloire

Et mon honneur fundoys sur Fa mou r pure

Dont vous aymois, non comme créature,

Mais comme ung Dieu dont le seul regarder

De tous ennuys me povoit engarder.

Tant que l'amour dura, chaste je fuz,

De tous plaisirs vilains faisant refuz,

Pour ressembler à ung qui comme ung ange

Nette tenoys de la mortelle fange. Fol. 281 verso.

Las ! ceste amour tant pure estoit durable

Si vostre cueur n'eust esté variable !

Variable est, parquoy je varieray,

Mais toutesfoys je ne me marieray

Ny ne seray jamais lyé de femme,

Soit pour espouse, ou 'pour maistresse ou dame,

Mais j'useray de toutes à loysir,

Sans nul travail pour y prendre plaisir.

Je m'essayray de farder mon visaige

Et d'acoustrer et pollir mon langaigc,

De deviser nouveaulx habillemens,

De bien danser, de jouer d'instrumens,

De manier chevaulx et porter armes,

De feindre avoir souvent aux yeulx les larmes,

De les tourner doulcement contremont,

Monstrant le blanc comme amantz transiz font,

Et de couvrir ma pensée vilaine,

Faignant souffrir jusqu'à perdre Talayne.

Bientost partiz de ce lieu, dangereux

A qui n'a sceu que c'est d'estre amoureux,

Mais qui d'aymer a le tourment apris,

Sçaura bien prendre et n'estre jamais pris.

Je regarday des Empereurs et Roys

Les magestez et triumphans arroys,

Le grant povoir qu'ilz ont de commander

Voire et de prandre au lieu de demander,

Comment ilz sont serviz et obevs

Souvent de ceulx dont ilz sont bien havs,

Car, tant que Dieu les mainctient en puyssance,

De leurs subjectz ilz ont obeyssance. Fol. 282.

Devant leurs yculx je viz genoulz fleschir

Et par leurs dons povres viz enrichir,

Et gens de peu en haulx estatz monter.

Et les plus haulx à force desmonter.

Quant leur fureur s'esmeut comme tempeste,

Lors, il n'y a sur corps si belle teste

Qu'ilz ne facent des espaulles voiler,

Ny nul si fort qu'ilz ne facent branler

En ung gibet, par ung mot seulement :

Telle puyssance a leur commandement!

Je m'estonnav de veoir oster la vie,

Et la donner ainsy qu'ilz ont envie

A leurs subjectz, et dis : « Ceulx-cy sont dieux.

Car Dieu ne peult, ce me semble, avoir myeulx :

Ilz ont plaisirs tant qu'ilz en veullent prendre,

Ils ont honneurs s'ilz y veulent prétendre,

Ilz ont des biens plus qu'il ne leur en fault.

S'ilz ont santé, rien plus ne leur de (Fault,

Et si plus fort de bien veulent aquerre,

Gens et argent ilz ont pour faire guerre,

Et s'ilz ayment leur repoz et leur ayse,

En leurs maisons n'ont rien qui ne leur plaise. »

Et pour venir au degré de l'empire

Où tout grant cueur ambicicux aspire,

Je viz chacun qui d'estatz en estatz

Montoit, gravoit jusques aux potestatz.

Les uns par force et armes aqueroient

Ces grans estatz, les autres les queroient

Par leurs amys et support et avoir,

Autres et peu par vertu et sçavoir,

Et bien grand part par finesse et cautelle : Fol. 282 verso-

C'est le chemin de la plus courte eschelle.

Car, qui à Dieu tourne I'espaulle, on dit

Que tout soudain aura biens et crédit,

Et que long temps ung vray homme de bien

En grant travail et peyne acquiert du bien.

Lors m'advisay et le chemin cherchay

Duquel pensoys avoir meilleur marché.

Et me trouvay à ce commancement

Bien recueilly de tous humainement,

Dont me voyant, par faveur commançay *,

De mon povoir et force m'advançay2,

Perdant souvent le boire et le manger

Pour le plus près du prince me renger ;

Et peu à peu et degré à degré

Montay tousjours, tant que j'euz vent à gré.

J'aquiz honneur par travail et fuz riche

Soudainement, à force d'estre chiche ;