Ms. avoit. — 2. Ms. Ne
« Que le parler et le regard des yeulx,
« Amour de plus avoir ne vous tenta,
« De soy, sans plus, vostre cueur contanta.
« Aussi le vray amour * a tel povoir
« Que qui le peult parfaictement avoir
« Et en remplir son cueur entièrement,
« De nul désir nv crainte n'a tourment ;
« Qui a désir de myeulx et de pis craincte
« N'a jamais eu d'amour la vive attaincte;
« Mais cest amour se peult dire ydolatre,
« Ung mal si grand, qu'il n'y a nulle emplastre
« Par qui jamais sceust bien estre guery,
« Ny le plaisir effacé ou pery.
« Vous le sçavez, marché avez ce pas :
« Confessez donc, et ne le celiez pas,
« Que, sans avoir du soleil la lumière
« Qui vous monstra muable et mensongère
« Celle que tant ten[i]ez loyalle et ferme, Fol. 285 verso,
.« Jamais n'eussiez saillv hors de ce terme.
« Myeulx vous valust prisonnier estre encores,
« Ainsy qu'estiez, que comme vous voy ores;
« Car excuser nature ne vous peult,
« Mais qui pis est de vous elle se deult,
« Veu qu'en vous n'a nulle inclination
« Qui veoir vous face en la tentation
« Où je vous voy Iyé, pris et captif2,
« Plus que devant malheureux et chetif.
1. Ms. Aussi de vray amour. — 2. Vu qu'il n'y a en vous aucune disposition à examiner votre triste situation.
Ce vain honneur où vostre cueur aspire
Est un tirant de tous autres le pire ;
Lyé vous a si fort qu'il vous fait croyre
Que, pour lesser de vous quelque mémoire,
Fault pourchasser de monter le plus hault
Que vous pourrez, sans peur de faire ung sault ;
Le bien vous monstre et le mal il vous cache,
Vous delvant d'un mal il vous attache
A ung plus grand qui est l'ambition,
Concupiscence et vayne affection.
L'honneur est bien digne d'estre estimé,
Mais s'il est vain, il doibt estre blasmé :
L'honneur est vain s'il n'est au cueur planté
Et par vertu engrané et planté,
Mais ung désir de vertueux paroistre !,
Et la vertu ne faire en son cueur croistre
Et demourer au dedans vicieuz,
Fol glorieux et sot ambitieux ;
Cest honneur là deshonneur se peult dire,
Qui peu à peu par désir l'homme tire
Et du possible au premier jeu le tempte, Fol. 286.
De l'impossible à la fin le tourmente,
Car plus son feu fait croistre et augmenter,
Plus fait le cueur bruller et tourmenter;
Vous n'avez pas si peu son feu sentv
Que ne puissiez scavoir si j'ay mentv.
Ambition et avarice aussv,
Kt le vilain plaisir ord et noircy,
1. L'honneur est vain, s'il n'est qu'un désir de paraître vertueux.
« Prennent habitz pour couvrir leur laidure,
« Car qui soudain pourroit veoir leur ordure
« Et ce que c'est, en lieu de les ouyr
« Les chasseroit et feroit loing fouyr;
« Mais si bien ont painct et fardé leurs masques
« Qu'en les voyant, lusse le jour de Pasques,
« Ainsy que Dieu ilz se font recevoir
« Et par les yeulx font les cueurs décevoir.
« Hypocrisie avez par dehors veue,
« Que vous avez par estime receue
« Dessoubz le nom feinct de religion,
« Qui avec soy a une légion
« D'espritz malings si couvert/, que l'esleu
« A peyne fait qu'enfin ne soit deceu l.
a Ambition de si mauvais renom
« Vous embrassez, avant d'honneur le nom,
<( Mais, si elle estoit devant vos yeulx desclose,
« Vous trouveriez que le nom et la chose
« Sont differentz, et l'honneur tant avmable
« Ne seroit pas orgueil deshonnorable,
« Et ne2 diriez avarice, mesnaige,
« Ny pro voyance, ny acte d'homme saige ;
« Mais vous jugez, comme le monde fait. Fol. 286 verso..
« Riche usurier homme de bien parfaict.
« Pareillement, le plaisir de la chair
« Se fait si bien soubz beau masque cacher,
« Que recevez ce mortel adversaire
1. D'esprits malins si dissimulés, que l'élu lui-même réussit avecpeine à ne pas s'y laisser tromper. — 2. Ms. me.
« Comme un g plaisir utile et nécessaire,
« Disant qu'il fault, pour mainctenir nature,
« Boire et manger, et force nourriture,
« De jour, de nuict, sans reigle et compas prendre.
<( Mais tel plaisir fait de luy compte rendre
« Avec celluy de la chair dissolue,
« Qui l'ame rend comme le corps polue,
« Car sans amour ny nulle élection,
« Puys ça, puys là, suyvant la passion,
« L'aveugle fol, qui telle vie meyne,
« Dit la plus layde estre la belle Hélène.
« Las ! mon enfant, si tu sçavoys la fin
« Où l'Ennemy tant vieulx, tant (aulx, tant fin,
« Te veult mener, et quelz tourmentz on treuve
« Quant du plaisir Ton a fait longue preuve,
<c Tu quitteroys soudain et de bonne heure
« Ce dont il fault que pour jamais Ton pleure,
« De ce jamais dont nul chrestien ne doubte,
« Où le plaisir sans raison l'ame boutte.
« J'en laisseray à voz prédicateurs
« Dire le vray, mais fuyez les menteurs;
« Parler n'entendz ny de plus n'ay envie,
a Fors du malheur qui durant cestc vie
« De ces troys vient, et qui les a servis
m Jusques au bout sera de mon advis.
« Duquel feu est, Amy, le cueur espris, Fol. 287
« Qui est des troys tyrans captif et pris :
« Celluy au vray en a la congnoissance
« Qui en a fait la dure expérience.
« Au commancer, l'honneur et la richesse
« Font à leurs serfz très plaisante promesse;
u La volupté de la chair les asseure
« De leur donner plaisir oultre mesure,
« Tant que le cueur a ce beau plaisir court,
« Ou a l'honneur ou aux biens de la court,
« Disant en soy : « Quoyqu'il puysse coustcr,
<( De mon désir il fault le f'ruict gouster ».
« Et semble bien à ce désir brullant
« Que le plaisir à venir est trop lent,
« Et que de peu il seroit très contant.
« A il ce peu, soudain en vient autant,
« Et puys d'autant il vient à redoubler
« Mille pour ung, jusques a faire troubler
« Esprit et corps, qui à concupiscence
« Contre raison portent obeyssance.
« Venons au myeulx qui peult au cueur venir :
« C'est au plaisir qu'il prétend parvenir,
« Où nul ne peult avoir si bonne part,
« Qu'il n'ayt souvent myse en très grand hazart
« Avec les biens sa vie et sa personne.
« Mais des travaulx passez mot je ne sonne :
« Prenons le cas qu'il soit venu au but,
<( Le plus heureux que jamais home fut;
(( Fortune est tant inconstante et muable
« Que nul estât ne peult estre durable,
« Et ne peult on Testât heureux changer Fol. 287 verso.
« Qu'au malheureux ne se faille renger,
« Voire et le riz joyeulx du plus huppé
« Par triste pleur est souvent occupé.
« Le hault estât, quant il en fault descendre,
170 DEHMÈRES POESIES DE MAHC.UEIUTK DE NAVAItUR
« Par desespoir luit noyer l'home ou pendre;
« Les biens aquis en peynes et labeurs,
« Quant on les perd, causent tant de douleurs,
« Que le riche homme estant en povreté
u Vouldroit n'avoir jamais si riche esté :
« A peyne peult soustenir l'indigence
« Qui a vescu toujours en habundance.
« Quand à la chair, l'homme ebettë et fol,
« Qui en a prins tant et plus que son soûl,
a Enfin dira, s'il ne veult bien mentir,
« De court plaisir venir long repentir.
« Le trop qu'il a prins en manger et boire
« Perdre luy fait la force et la memoyre ;
(c Venus au corps luy donne tremblement
« Pour le meilleur et plus doulx traitement,
« Amoindrissant l'esprit, les dentz, la veue ;
« Mais qui l'aura longtemps entretenue,
« En grant sueur se pourra tant chauffer
« Qu'il sentira quelque peyne d'enfer;
« Et s'il ne veut suer en telle chambre,
« Il périra perdant membre après membre.
« Voilà la fin là où conduict le vice
« L'aveugle fol qui luy a fait service,
« Qui bien pensoit, veu le commancement,
» De bien en myeulx finer heureusement,
« En lieu d'avoir si dure recompense, Fol. 288.
« Mais moult remainct de ce que le fol pense.
ï Si mon parler est difficile à croyrc,
(( Lijez au long une chacune histoire
« Des empereurs, des papes et des roys,
« Qui sont subjectz aussi bien aux desroix
(( De tous malheurs et d'adverse fortune
ce Que de plaisir, d'ambition pecune;
« Serfz se sont faictz, parquoy, selon le maistre
« Qu'ilz ont servy, payez ils doivent estre.
<' Hz ont servy le péché a grant tort,
« Duquel le fruict est repentance et mort.
a O que cruelz sont ces troys exacteurs,
« Ces troys tyrans, importuns tourmenteurs,
« Qui en monstrant ung plaisir incertain,
(( Ou la richesse, ou l'honneur, qui est vain,
« Font par désir perdre boire et manger,
« Dormir, repoz jusqu'à mettre en danger
<( Vie et santé! Pensant la (in attaindre
(( De ce désir, sans se douloir ny plaindre
(( De froit ny chauld, de mal ny de blesseure,
« Cuydant trouver la félicité seure
« Et le repoz et le contantement,
« Qu'ilz ont forgé en leur entendement,
« Les ignora ns suyvant ces troys seigneurs
ce Ont en leur cueur forgé que les honneurs,
« Plaisirs et biens sont la félicité,
« Qu'à désirer chacun est incitté ;
« Et de ces troys seigneurs ont faict ydole,
« En excusant leur intention folle
« Ou sur le temps ou sur l'occasion, Fol. 288 verso.
(( Estimant sens leur sotte abusion ;
« Et par travail n'ont cessé d'aquerir
« Le bien qu'on peult en ce monde quérir.
« Si à leur poinct sont venuz à faillir,
(( Hors de leurs sens on les a veu saillir,
« En mauldissant l'heure, le temps, le jour
« Qu'aux trois tyrans ont eu foy et amour;
« Et si au poinct tant désiré adviennent,
« Craintifz, poureux de le perdre ilz deviennent;
« Songneux, jaloux sont de le conserver,
« Comme songneux furent de le trouver;
« Et s'ilz n'ont pas plus tost ung bien receu,
<( Qu'ung tout nouveau désir ne soit conceu
« Ou d'avoir plus ou myeulx ou autrement.
« Ainsy le cueur de tourment en tourment
« Monte, descend, et de tous costez tourne,
» Tant qu'en ung poinct jamais il ne séjourne ;
« Car le désir nouveau qui l'a deceu
« Luy fait trouver fascheux le bien receu,
« Ou s'il est tel qu'à l'heure il s'en contante,
« Crainte l'assault, jalousie le tente,
« Qui sy très fort le viennent martyrer
« Que tout le mal passé du désirer,
« Tout le travail pour aquerir ce bien,
« Estime doulx et quasi moins' que rien,
« Accomparé à celluy qu'il endure
« De ceste peur tant effreyable et dure.
« Le hault monté a peur qu'on le desmonte,
« Que l'on l'esloigne ou qu'on luy face honte,
« Et sans cesser il se tient sur sa garde, Fol. 289.
« Tousjours pensif, de tous costez regarde,
« Car le pécheur honoré tousjours crainct
« Que l'honneur soit ainsy comme lui fa in et.
« Le riche aussy souvent la nuict s'csveille,
(( Pour quelque rat grattant soubz son oreille,
w Et son chevet retourne et puys sa couette,
« Jusqu'à la paille où sa bourse ou bougette
« Il a caché, craignant qu'ung desrobeur
« Prenne le bien qu'aveques grand labeur
« Il a aquis; puys s'endort et tressault
« En s'endormant, et se lieve en soursault,
u Prend son espee et s'en court à la porte
« Tuer celluy qui son trésor emporte ;
« Et quand il est à la porte venu,
« N'y trouve nul, fors que luy fol et nu,
(( Et voyant l'huys branlant dans l'oustevcnt,
« Sçait qu'il n'y a larron, sinon le vent.
« Ainsy la peur le fait la nuict veiller
« Et tout le jour sans repoz travailler;
« Mais si par feu, par larrons ou procès,
ce II pert son bien, il tumbe en ung accez
« Pire à porter que fièvre continue.
« Car comme il a l'avarice tenue
(( Pour son vray bien, duquel dépend sa vie,
» Quand Ton luy a son ydole ravye,
« En la perdant, il se veult perdre aussy,
« N'ayant non plus de sa vie soucy
a Que de son ame avoit, en la perdant
« Au feu qui est plus que nul autre ardant.
« Et le charnel, qui petit à petit Fol. 289 verso.
« Par gourmander pert goust et appétit
« Et le povoir de femmes festyer,
« Dont le sçait bien vieillesse chastier,
« Luy amenant maladie et foiblesse,
« Et le regret qui plus que tout le blesse
« Des grnns plaisirs passez, qui retourner
« Ne pevent plus, quoy qu'on puysse donner :
« Croyez qu'il sent ung cruel purgatoire,
a Quant il n'auroit douleur que la memoyre
« Du temps passé, sans les maulx de présent.
« Dont son péché en fin luy fait présent.
« Ridée il voit sa face et enlaidye,
(( Sa santé sent tournée en maladie,
« Force en foiblesse et plaisir en regret,
«c Et qu'en nul lieu soit public1 ou secret
« Ne peult trouver le plaisir qu'il a pris,
« Qu'il devoit bien avoir mys à depris.
« Mais puysqu'il n'a en sa force et vertu
(( Par la raison son péché abattu,
« Et l'a porté, soustenu, excusé,
« Estant de luv amoureux abusé,
« En la vieillesse où laisser le cuvdoit,
« L'ayme plus fort sans propoz qu'il ne doit;
« Car en perdant le povoir de jouyr,
« Plus il le cherche et moins le veult fouyr,
« Et plus le temps luy oste la puyssance,
« Plus en delict croist la concupiscence.
« Las! mon amy, qui sont ces troys lyens
« De la prison où vous trouvez tous biens?
« L'un qui vous tient le cueur charnel captif : Fol. 200.
« C'est ung lyeu qui est faict d'argent vif,
« Environné de cent mille beaultez
