Mb. espargnè

Que m'eust la vie en desespoir osté,

Si apperceu n'eusse d'autre costé

Tant de vertu, tant de vie et honneur,

Que je reprins ma force et ma vigueur. f<>i. 2S»2.

Et me tournay pour veoir cest home saige,

Et mercier dont par son bon langaige1

A voit tourné d'un tel chemin mes pas ;

Mais alentour de moy ne le viz pas.

Si j'en euz dueil, croyre povez que ouy,

Car de sa veue avoys trop peu jouy,

Trop tard l'avoys congneu, trop tost laissé.

Parquoy, le chef à la terre abbessé,

Fiz mes regretz comme du bien perdu,

Par qui mon bien perdu m'estoit rendu.

Lors n'y voyant remède près ny loing,

Et qu'il m'avoit laissé pour mon besoing

Livres remplis de son saige parler,

En les lisant me prias à consoller;

Et dès ce jour hors de prison sortiz

Et le donlx aer de liberté sentis.

Et moy, qui fuz semblable à cerf ou veau,

Me retrouvay ung homme tout nouveau,

Doulx, passient, sobre, chaste et joyeulx,

Prudent, piteulx, miséricordieux,

Et libéral, fidelle, ferme et fort,

Ne me troublant pour vie ne pour mort.

Parquoy mon cueur, qui serf fut détenu,

Estoit contant et libre devenu,