Et le remercier de ce que par son bon langage

Ne prenant plus plaisir sinon de lire

Cas vertueux, et les faire et les dire ;

Qui me povoit1 trop plus satisfait rendre

Que les plaisirs que le corps sçauroit prendre ;

Car il n'y a au monde chose seure,

Fors que tourment, maladie et presseure, Fol. 292 verso.

Et qui de l'oeil intérieur verroit

Que c'est de luy, sans regret le lerroit.

Tout tel qu'il est dans les livres le viz :

Plain de péchez, Iesquelz j'avois suyvis,

Plain de tourmentz soubz le plaisir cachez,

Et soubz beaultez cueurs vilains et tachez,

Plain de poison soubz viande délicate,

Qui sans eschec le meilleur joueur matte,

Plain d'un espoir joyeux fuyant par pleurs,

D'espines plain couvertes soubz les fleurs,

Plain de chailloux dessoubz peu de trésor,

Qui en bureau convertit le drap d'or,

Plain de tous maulx dessoubz peu de santé,

Désespérant qui plus fut contante,

Plain de refuz après ung long espoir,

Et plain de rien soubz cuyder tout avoir,

Plain de malheur soubz ung heur apparent,

Et plain de mort cuydant vivre en mourant,

Plain d'un enfer monstrant ung paradis,

D'un dyable en lieu de Dieu, et plus n'en dis.

Mais je reviens, Amye, à vous prier

De vous garder de jamais vous fier,