Ms. eslevè

Mais il faisoit beau veoir leur ordonnance.

Et du sçavoir qui est encloz dedans,

J'en laisse aux folz craindre les accidens;

Car si, sans plus, n'y avoit que musique

Et ses accordz aveques rethorique,

J'aymeroys myeulx le bien d'un tel sçavoir

Que posséder du monde tout l'avoir.

Des livres fiz ung pillier, et sembloit

Que sa grandeur terre et ciel assembloit.

Ce pillier fait, ung aultre j'en bastiz

De livres grans, et moyens et petis,

De médecine, autant que déclarer

Dieu veult en ceulx où il veult esclairer

Par ses reyons les ténèbres obscures,

Pour les effeetz veoir de ses créatures, Fol 297.

Et pour sçavoir dompter bestes, oyseaulx,

Poissons et tous animaulx, laidz ou beaulx,

Arbres, fleurs, fruietz, herbes et pierres dures,

Tout ce qui est caché en leurs natures,

Et leurs vertuz et leurs complections,

Leurs nourritures et leurs corruptions,

Et de quoy l'un peult à l'aultre servir.

Celluy qui veult leur doctrine suyvir

Et parvenir jusqu'au sçavoir parfaict,

Sçaura garder l'homme que Dieu a fait

En la santé en laquelle il est né,

Jusques au jour qu'il est déterminé.

Si l'homme est né subject à maladie,

Ceste science voire est bien si hardie

Qu'elle prétend faire mutation

190 DERMKHES POESIES DE MARGUERITE DK NAVARRE

Du mal en bien, et la complexion

Du tout changer par purger et nourrir,

En le saulvant du tout, fors de mourir.

Celluy a bien le poinct caché trouvé,

Par qui l'homme est guery et conservé

Par ung seul simple et sans coust ny despense,

Fors le labeur qui ne veult recompense

Que le plaisir d'estre au poinct parvenu,

Qu'il recongnoist de Dieu tout seul venu.

Ces livres sont couvertz de quatre sortes :

D'or tout semé de feu et flambes fortes,

D'asur remply de diflerentz oyscaulx.

D'argent tout plain de poisson [s], de butennlx,

De vert paré de tous arbres et bestes,

Bien faictz au vif des piedz jusques aux testes, Fol. 297 v

Et les fermans de gommes et racines

Painctes dehors, comme les médecines

Par le dedans l'on pevoit veoir escriptes.

Les médecins qui ne sont hypocrites

Et ne font point de sçavoir le semblant,

Mais le parfaict par labeur vont emblant,

Et quant ilz ont emblé la vérité,

En usent bien en vrayc charité.

Lors ont escriptz en si très bonne lettre

Que tout à part d'aultres les vouluz mettre,

Et ung pillier en fiz bien autentique,

Mys au milieu de la matematique

Et de celluy de la philozophie,

Bien leur séant je le vous certilfie ;

Le médecin est de très bonne estolfe,

Quant d'un costé il est grand philosophe,

De l'autre aussy matcmuticien :

A tel on doit donner honneur et bien.

D'autre costé, prins plaisir d'amasser,

Où bien souvent vouluz mon temps passer,

Livres de bons et vrays hystoriens,

Où je voyoys les faietz des anciens,

Par quel moyen parvenu/ ilz estoient

Et quels labeurs pour parvenir mettoient,

Les laitz aussy de fortune diverse,

Prospère aux uns et aux autres adverse.

Les faietz passez à les veoir font entendre

Qu'on ne se doit à la fortune attendre,

Ny son esprit en ce monde arrester,

Mais à vertu recevoir Tapprester ; Fol. 298.

Que l'on ne doit en la prospérité

Se resjouyr, ny en l'adversité

Désespérer, prenant exemple à ceulx

Qui aux vertuz n'ont esté paresseux,

A ceulx aussy que l'on a veu tumber

Pour se laisser aux vices succumber.

Les faietz passez sont maistres des presens,

Desquelz nous font ces beaulx livres presens ;

« Qui par autruy se chastye il est saige » :

Ce proverbe est bien en commun usaige.

Ces livres sont à ouvrir bien faciles,

Mais à suyvir les vertuz difficiles;

Hz sont couvertz d'or et dessus taillez

Force chappeaux tous de vert csmaillcz ;

Les autres sont de poignantes espines

Pour les meschantz, et honneurs pour les dignes.

Ung pillier fiz de livres beaulx et grans,

Lesquelz je sceuz bien loger en leurs rengs.

Ung autre après je mys de bons aucteurs,

Par lesquels mainctz se sont faictz orateurs ;

J'en recueilliz de tous pays et langues,

Plains d'oraisons et de belles harangues,

Par qui le droict peult estre conservé

Et Tinocent de la mort préservé,

Par qui le cueur des Roys est amoly,

Tant le langaige est plaisant et poly ;

Par qui doulceur en colère est tournée

Et la colère en doulceur retournée ;

Par quy bon droit au besoing trouve ayde,

Et mauvais droit bien souvent bon remède. Fol. 298 verso.

Car l'orateur par son prudent parler

Fait comme il veult le droict au tort aller,

Et doit Ton bien l'horateur honorer,

Quant nul propoz il ne peult ignorer;

Et double honneur il a bien meritté,

Quant il soustient le droit et vérité.

Ces livres sont couvertz de satin blanc,

Semez dessus de parolles par rang,

Toutes sortans d'une vermeille bouche,

Où la parole en saillant point ne touche,

Mais par chesnons d'argent fin à merveilles

Sont doulcement portées aux oreilles,

Qui fout Je bort des livres à l'entour,

Tirant les cueurs par plaisir et amour;

Car bien parler si très fort l'homme attire

LES PRISONS DE LA REINE DE NAVARRE ti)3

Qu'il veult souffrir joyeusement martyre.

Ainsi posay ce beau pillier antique

De ceste tant aymée rethorique,

Auprès duquel mys la théologie.

Où je gastay mainct flambeau de bougye,

Lisant de nuict docteurs irréfragables,

Docteurs subtilz, serafiques, amables,

Les anciens, les moyens, les modernes,

Que Ton congnoist par leurs œuvres externes.

Leurs bons espritz aux livres on voit myeulx

Qu'onques leurs corps Ton ne congneult aux yeulx ;

Et qui les a bien leuz et bien sondez,

Il pourra veoir qu'ils sont très bien fundez

De declairer l'Escripture très saincte

Selon leur sens, et n'ont usé de faincte, f„i. .«jj.

Bien que les uns l'ont au vray entendue,

Les autres non, mais obscure rendue.

Les uns n'ont fait que des translations

Pour les montrer à toutes nations ;

Autres ont prins labeur à l'exposer,

A la notter ou bien à la gloser,

Paraphraser ou aditionner ;

Autres luy ont bien sçeu le nez tourner,

La voulant rendre à leurs heures subjecte :

Ce sont ceulx là que Moyse rejecte,

Qui font raison contre la foy jouster,

Quant ont voulu oster ou adjouster

Quoyque ce soit à la saincte parolle,

En aprenant au Saint Esprit son roolle.

Mais cet esprit, qui n'est de nul contrainct,

Monstre l'esprit, auquel il a emprainct

Son feu très cler qui ne se peult celler,

Mais par escript il se fait révéler :

Celluy auquel habitte tel esprit

L'on voit aussy en lisant son escript.

A retourner ces livres m'arrestay,

Mais les lisant bien peu me contentay,

Vovant en eulx si forte différence

Que par les uns me croissoit l'espérance,

Et desespoir par les autres venoit ;

Leur différent en herreur me tenoit,

Ung jour joyeulx, ravy jusques aux cyeulx,

L'autre damné, fascheux et soucieux.

Mais, pour le bien que j'y povoys cueillir,

Je ne craignoys tous livres accueillir, Fol. 29<j verso.

Dont fiz pillier plaisant et agréable.

Et tout en hault mys la Bible admirable

Comme le but où tous les autres tendent,

Dont les plus près sont ceulx qui myeux l'entendent,

Car ceulx du temps des apostres premiers,

Qui de les suyvre estoient coustumiers

En leur vertu, doctrine et saincte vie,

Mys au plus hault, car j'avovs bien envie

De leur garder reng selon les espritz1

Que je sentoys en leurs divins escriptz.

Plus bas, je mys les livres qui plus bas

Ont leur esprit et dont faiz moins de cas,

Bien qu'il n'y a nul si plain d'ignorance