Livre plaisant de ceste poésie
Dont mon ame est plus que jamais saisie;
Car si en eulx le mensonge m'a pieu
Las! mainctenant qu'au descouvert j'ay veu
La vérité, Celluy qui Est sans double.
Et la doulceur dedans l'amer je gouste,
Lessant l'escorce et prenant la moueile,
Phis que jamais voy la poésie belle.
Ne m'arrestant au parler ny au chant,
Mais plus avant dedans je voys marchant;
Car le dehors, ainsy qu'il souloit faire,
Ne me tient plus lyé par trop me plaire.
En regardant ce pillier poétique,
218 DERNIERES POESIES DE MARGUERITE DE NAVARnE
Par terre viz celhiy de rethorique,
Je viz soudain par ce feu abattant,
Et tant s'en fault qu'il allast rien gastant,
Que sa clarté, qui tout illuminoit,
Double beaulté à tous livres donnoit,
Où l'escripture et l'art estoit gardé ;
Mais clairement y estoit regardé
Celuy qui est de l'orateur la grâce,
Lequel jamais d'ouyr on ne se lasse :
Celluy qui Est de l'orateur est langue,
Celluy qui Est forge en luy la harangue,
Celluy qui Est est son sens, sa raison, Fol. 311.
Et inventeur de toute l'oraison ;
Celluy qui Est est la vraye éloquence,
Sa grande audace et sa bonne audience,
Puysque sans luy l'homme ne peult rien faire,
Ny communier, moyenner ny parfaire,
Et que de tout est l'estre et le facteur.
Celluy qui Est est le seul orateur :
Si l'orateur par son orgueil s'avance
Et ce don là de luy seul venir pense,
Il est larron desrobant à son maistre
Son sens, sa force, et sa vie et son estre.
Donques voyant Celluy qui Est partout
Es oraisons plus que jamais prent goust,
Voyant Celluy dont la parolle vient,
Qui le bon droict de l'iiiocent soustient
Ou le fait perdre, exerçant passience
En ses esleuz qui ont en luy fiance.
Plus n'admiray la beaulté de langage,
L'invention, l'art, la reigle et l'usaige
Que je trouvoys difficile à suyvir,
Car Celluy seul auquel tout doit servir
Ne se voulut dans ces livres celler,
Mais par ce feu clairement reveller,
Comme l'esprit de tout entendement,
Parolle et voix et vie et mouvement.
En ce penser n'estoys fa se h e ny las,
Quand le pillier plus près viz cheoir à bas
Des livres vieulz, des antiques histoires,
Trèstous ouvers, mais leurs lettres très noires,
Que j'avoys veu par vieillesse effacées, Fol. 311 verso.
Remémorant mainctes choses passées,
Renouveler leur vie par ce feu cler,
Trop plus soudain et beau que nul escler,
Qui les monstra claires et reluysantes,
Et les me fist trouver trop plus plaisantes
Que ne souloys, ce seul Ung retrouvant
En chacun livre où le feu est ouvrant.
Tout empereur ou roy, duquel l'histoire
Je regardoys, me donnoit la memoyre
De ce grand roy, plain d'admiration,
Constitué sur le mont de Syon ;
Celluy qui seul conduict la monarchie,
La fait asseoir sur toute hiérarchie.
Donné luy a les gentz pour heritaige,
La terre aussy jusqu'au dernier rivaige;
Sceptre puyssant luy a voulu donner
Pour chastier les siens et gouverner :
Bien heureux est qui le peult appaiser
220 BEHMÈHES POÉSIES DE MARGUEMITK DK NAVARRE
Par ung très humble et amoureux baiser.
Ainsy lisant d'empereurs, roys et princes,
Qui ont conquis royaulmes et provinces,
De leurs bons duqs et chefz et capitaines,
Qui ont l'honneur achapté de leurs peines,
Le seul qui Est dedans leur hardiesse
Vovovs à clair, car il est la noblesse
Qui hors du cueur dédiasse villennie
Et qui Tentrée à vice et à peur nye.
C'est luy qui est le cueur de tous les cueurs
Et la victoire aussi de tous vainqueurs,
C'est luy qui est prudence militaire, Fol. 312.
Qui fait tirer la flesche au sagitairc,
Qui fait la lance et l'espée offenser
Quelque orgueilleux qui se cuyde offenser ;
Luy seul qui Est est Dieu de la bataille
Sans qui ne fait l'homme chose qui vaille.
Celluy qui Est je trouvoys en Cartaige,
Qui ont apris, fuyant guerre ou dommaige.
Pour appaiser du Dieu tout puyssant l'ire.
Sacrifier à mort ou à martire
Quelqu'un d'entre eulx, et lors me souvenoit
De Celluy seul qui pour tous mort prenoit.
Celluy qui est en celluy se monstra
Qui toute armé dedans le gouflfre entra,
Lequel sembla si contant d'un seul chef
Qu'il se ferma sans [s']ouvrir derechef :
Le povoys veoir enfer pour nous fermé
Quand le puyssant y entra tout armé.
Pour n'alonger propoz, je ne povoys
Histoire veoir sans luy que je trouvons
Par tous costez, mesmes jusques aux fables :
Tant fut caché soubz propoz agréables
Le grand povoir de Dieu et sa main forte.
Lisant des roys et d'empereurs la sorte,
Je contemplovs qui vainquent et combatent,
Et les palais et les hommes abattent,
Edifient et lèvent d'autre part
Qui de leur grâce ont aquis quelque part;
En ceulx qu'à tort ilz ont à mort offert,
Qui leurs tourmentz doulcement ont souffert,
Du corps de Christ l'ymaige j'en remembre,
Qui a souffert et sou Or e en chascun membre Fol. 312 verso.
Depuys le temps de l'inocent Abel,
Et souffrira jusqu'au dernier mortel
Juste ou esleu ; mais quand au divin corps
Seront uniz tous les membres, alors
Royaulme, empire et papal cessera,
Car Dieu seul [roy] et grand prestre sera.
Déjà l'est il, mais il est incongneu,
Et le sera jusqu'à ce que venu
Soit sur son arc triomphant et céleste ;
Celuv qui est sera lors manifeste,
Bons et mauvais triumpher le verront,
Les uns crvront et les autres riront ;
Et qui aura çà bas l'homme adoré
Et Dieu en luy, estre tout ignoré,
Se trouvera de son labeur confuz,
En recevant du repoz le refuz ;
Mais l'œil qui est par la foy inspiré
Et qui au blanc a visé et a tiré,
Ne regardant qu'ung seul en toute chose,
Aura repoz et desjà se repose.
Ce propoz là je pensoys, et aloys
Tout regardant, quant le pillier des loix
Yiz à mes piedz aveques les canons
Et les decretz, que si cher nous tenons.
Le feu brulla des loix l'obscurité
Et me monstra du sens la pureté,
Non pour débattre et vouloir contester
Qu'il seroit bon de plusieurs loix oster,
Ou modérer, accorder, exposer,
Ou rabiller et si bien disposer Fol. 313.
Qu'il n'y eust loy qui fust desrogative
De ceste loy naturelle et naifve,
Que Dieu planta au cueur du premier homme,
Depuys qu'il eut transgressé par la pomme :
C'est ceste loy dont les justes vesquirent.
Qui Dieu partout en toutes choses virent ;
Ce n'est aussy pour dire que la loy
Escripte soit de si très bon aloy
Qu'elle suffit quant à la punitive
Justice, aussy à la distributive,
Ny dire aussi que ceste loy de grâce
La lov humaine abolit ou efface.
Ma fin n'est pas de reprendre ou de mordre,
De rabiller ou de confondre l'ordre,
Mais ouy bien comme ce feu entendre
Me fist la loy, et comme on la doit prendre :
Ceste clarté, ce véritable feu
LES PRISONS DK LA HPJNR DK NAVAKRR 223
Me fist Celluy qui Est veoir au milieu
De toutes loix, tant que les plus rebelles.
En le voyant parmy, je trouvay belles.
Ce clair esprit les yculx illumina
De Socrates, quand il détermina
D'endurer mort pour obeyr aux loix
De son pays, combien qu'il eust le choix
Pour ce coup là d'endurer le danger
Et se saulver en pays estranger.
Je ne craindz point de dire sa response
Estre de Dieu, par son esprit, semonce :
« Les loix, dist-il, en terres différentes
« Des loix d'en hault sont seurs et parentes, Fol. 313 verso.
« Que tout arrcst des seurs au ciel donné
« Est par les seurs de la terre ordonné.
« Je m'enfuvs de celles de ma terre,
« Je n'auray moins aux estrangeres guerre.
« Si j'ay de mort par le ciel ma sentence,
« Avoir ne puys de la terre dispense,
a Car tous pays luy sont obeyssans ;
« Parquoy plustost à mourir me consens
« En ce pays, par ses loix, dont le soing
« J'ay tousjours eu, que de mourir plus loing,
« Sachant très bien que si le ciel à mort
« Ne m'a livré, nul ne peult tenir tort
« A son povoir ny à mon innocence ;
« Donq à ses loys feray l'obeyssance. »
Ce philozophe, en si saige oraison,
A surmonté toute humaine raison.
O chrestiens, qui la foy catholique
Pensez avoir, regardez ceste ctnique,
Au moins tel est de l'Eglise tenu,
Voyez à quel sçavoir il est venu :
De Celluy seul qui Est a eu science,
Car autrement n'auroit eu passience.
Nous, ignorans, craignons les loix civiles,
Papes et roys, et parlemens de villes,
Tourmentz, gibetz et chaynes et prisons,
Tant que par peur souvent le vray taisons ;
Regardons hault à nostre élection,
Nous ne craindrons la condamnation
Que contre nous l'homme peult decretter;
Mort ne tourment ne vouldrons rejecter, Fol. 314.
Sachant qu'ung Dieu — [c'Jest Celluy seul qui Est —
A contre nous de mort donné l'arrest,
Lequel devons aussy doulcement prendre
Que si sa voix vive povions entendre,
Croyant qu'il est des hommes le povoir
Et que rien n'est fait que par son vouloir.
Donques, voyant le povoir évident
De ce grand roy et premier président,
La loy que tant j'avoys tenue obscure
M'estoit très claire, et doulce la plus dure,
Veu qu'il n'y a qu'ung seul législateur
Qui de justice est le vray zélateur,
Qui fait escrirc aux empereurs et roys,
Jurisconsultes et papes, tous leurs droictz :
Qui les regarde, il périt soubz leur faix.
Mais qui void Dieu en eulx, il vit en paix.
Ces livres là des loix je regardoys
Et à ce seul que j'y vis j'entendoys,
Mais contrainct fuz de regarder derrière,
Car de ce feu la puyssance et lumière
Avoit jette par terre le pillier
Que j'avoys sceu plus fort édifier,
Voire et ouvrir par milles et par cens
Les livres cloz en me monstrant leur sens :
Théologie alors viz sans obstacle
Que je trouvoys difficile miracle,
Car leurs ergotz et leurs distinctions,
Assavoir mon et contradictions,
N'ont résisté qu'à travers leur escorce
Celluy qui Est ne se monstre en sa force ; Fol. 3t4 verso.
Luy qui le ciel jusqu'à la terre abesse,
Qui fist parler myeulx que l'homme l'ancsse.
Fait parler ceulx qui n'ont langue ne bouche.
Et des parleurs si fort la gorge housche
Que seulement la voix n'en peult sortir.
C'est Celluy seul qui sçait bien assortir
Les instrumens pour sa volunté faire,
C'est luy qui scait à luy mesmes complaire :
Par luy aussy à luy nous complaisons,
Par luv en nous tout son vouloir faisons.
Docteur n'y a qui sur papier sçeust mettre
Ung tout seul mot ny escrire une lettre,
Si la vertu de Dieu ne luy permet,
Qui plume et encre et force en sa main met ;
Mais s'il advient que ce docteur abuze,
Cuydant sçavoir sans ceste grâce infuse,
Et qu'il se vueille à escrire ingérer
226 DKRXIKKRS PORS1KS DR MAIMÏURHITR OR NAVARRR
Sans que l'Esprit luy vienne suggérer
Des sainctz escriptz la vraye intelligence.
Il ne scauroit, par nulle diligence
De son sçavoir aquis fresle et humain,
Faire ung bon traict de sa mortelle main ;
Mais ceulx qui sont du Sainct Esprit conduictz
Ne sont jamais séducteurs ne seduictz.
Celuy qui Est se voit en ces deux sortes :
Car, en lisant des uns les œuvres mortes,
L'on void Dieu seul aveuglissant les yeulx
De ceulx qui sont plains de leur Adam vieulx,
De leur cuyder et de leur vaine gloire,
Lesquelz auront horrible purgatoire, Fol. 315.
Changeant le mal en bien, le bien en mal,
Voire et en lieu de monter tout aval
Vont mener ceulx en une basse fosse
Qui les ont creuz ; ainsy l'aveugle pousse
L'aveugle au lieu où l'on brulle et l'on tremble,
Pour cheminer d'une doctrine ensemble.
La vérité a dit : « Laissez-les là » :
Laissons les donc, mais voyons par cela
Que Dieu n'est moins eu eulx très glorieux,
Les aveuglant, que bon et gracieux
Se monstre en ceulx qui n'ont d'eulx nulle estime,
Qui prennent Dieu pour la force et la lyme
De leur scavoir et leur simple parler,
Dont humblement se so nt voulu meller,
Ne s 'estimant, je dy le plus scavant,
Fors que la plume au léger escrivant,
Du Sainct Esprit l'instrument imparfaict,
Sans lequel n'est ung seul bon livre fait.
0 que celluy qui a l'expérience
Du Saint Esprit voit bien la différence
Des escrivans, car en ung purement
Trouve Celluy qui Est tant clairement,
Qu'il peult juger l'esprit evangelique
Parler dedans ce docteur autantique ;
En l'autre non, mais ung cuyder haultain
De trop sçavoir conduysant plume et main.
Mais pour juger des mauvais et des bons
Ce qui en est, fault que nous regardons
Qui le plus près de l'Escripture touche,
Car l'Evangile est la pierre de touche Fol. 315 verso.
Où du bon or se congnoist la valeur
Et du plus bas la foiblesse et pâleur.
Tout bon docteur en ses espritz cherchant
De descouvrir le cueur lasche et mcschant
Du vieil Adam et sa condition,
Plain de péché et de damnation,
En le mettant à riens et mort et cendre,
Qui, d'autre part, s'efforce à faire entendre
Que Dieu est tout estre, bonté, sçavoir,
Vérité, vie et puyssance et povoir,
Auquel nous tous vivons, mouvons et sommes,
Qui a porté de noz péchez les sommes,
Et sur la croix par dure passion
En a pour nous fait satisfaction,
Et qu'à luy seul et en luy devons croire,
En luy rendant louange, honneur et gloire,
En révérant et craingnant sa puyssance,
Et s'asseurer en ceste congnoissance
Du seul vray Dieu, créateur et bon père,
Et de Jésus, que pour nous estre frère
Et rédempteur a ça bas envoyé,
Nous rachaptant du monde desvoyé,
N'ayant desdaing de nostre chair mortelle :
En ces deux poinctz gist la vie éternelle.
Ce docteur là, qui telle vérité
Par escript mect, a très bien meritté
D'estre estimé scavant et véritable.
L'autre, duquel la doctrine est doubtable,
C'est cestuy là qui l'homme enorgueillit
Et qui l'excuse encores qu'il faillist. Fol. 316.
En luy donnant povoir, sçavoir, bonté.
Et que par luy peult bien estre dumpté
Le péché joinct à nostre chair humaine,
Voire effacé par son labeur et peyne ;
Ainsy le fait confier en son œuvre
Et son enfer en son néant luy cœuvre
D'une si povre et foible couverture
Que, s'arrestant trop à la créature,
Du Créateur la confiance il pert.
Ne le voyant aux livres en appert ;
Mais loing de luy, comme ung juge effroyable,
Est Jésus Christ à demy secourable,
Comme n'ayant entièrement parfaict
Nostre salut ainsy comme il a fait.
En ces deux poinctz gist la damnation
D'attribuer nostre salvation,
Rédemption, aux hommes en partie,
Et de luy seul dont la vie est partie
Ne croyre pas que du tout dépendons,
Aflîn qu'honneur à luy seul nous rendons.
Ces livres là diminuant l'honneur,
Gloire et vertu qu'au souverain seigneur,
En le louant, devons attribuer,
Qui nostre foy en doubte faict muer,
Qui arrester nous fait en mille sortes
Et confier aux créatures mortes :
Ces escriptz là, tant soient ilz devotz,
Bien painctz, bien dictz et rempliz de beaulx motz,
Ils sont suspectz et leurs doctrines aussy.
Mais les premiers, qui suyvent sans nul si Fol. 316 verso.
L'intention de la Bible sacrée,
— Ceste doctrine au cueur doibt estre ancrée
Pour tirer hors nostre nef du naufrage,
Ou rien ne sert aviron ne cordage, —
Mais cest esprit dans la parolle encloz,
Quant il luy plaist, myeulx qu'à fer ou [à] doux
Celluy qui Est en nostre cueur imprime,
Et ce beau mot, qui descend de la cime
Du ciel très hault et du cein paternel,
Engrave en nous, dont le povoir est tel
Que nostre nef, d'espoir desemparée,
A sa venue est du tout reparée,
L'unde abattue et rompu le vent fort,
Tant qu'elle vient à son désiré port :
Ces livres là partout se doivent lire,
Et cestuy là les sçaura bien eslire
Qui a toujours son sens excercité
230 DERNIKUKS PO KSI liS DR MARtil'KIMTK DE NAVARKK
Kn l'Escripture, et qui est excité
De cest esprit divin, qui est aucteur
De Vérité contre l'esprit menteur.
Ces livres donc clairement j'advisoys
Et en mon cueur de chascun [devisoys ;]
Mais entre tous j'en viz ung d'une femme,
Depuys cent ans escript, remply de flamme
De charité, si très ardentement
Que rien qu'amour n'estoit son argument,
Commancement et fin de son parler,
Que l'on sentoit, en le lisant, bruller
Dedans le cueur ung cuyder l'aulx et vain,
[Par] cest amour, qui brulle si soudain
Que du rocher ïl fait saillir l'eau vive !. Fol. 317.
O qu'elle estoit ceste femme ententive
A recevoir cest amour qui brulloit
Son cueur et cculx ausquelz elle parloit !
Bien congnoissoit par cest esprit subtil
Le vray amy qu'elle nommoit Gentil
Et son Loing Près. O que c'est bien nommé
Celluy qui doit par sus tous estre aymé !
Le Gentil n'est subject à servitude,
Mais par amour prend la solicitude
De déclarer sa grande bonté haulte,
1. Il s'agit probablement ici de sainte Catherine de Sienne, dont Marguerite semble avoir étudié les écrits. Xous devons néanmoins reconnaître que de longues recherches faites dans les œuvres de la célèbre mystique et dans les nombreuses biographies dont elle a été l'objet, ne nous ont pas permis de retrouver les expressions particulières rapportées dans ce curieux passage des Prisons.
LES PUISONS DE LA ItEINK DK NAYAKRK
Où de bonté et d'amour y a faulte ;
Il donne et mect là où il n'v a riens
Et par amour communique ses biens ;
Il est gentil, et par sa gentillesse
Gentille fait et plaine de noblesse
L'ame charnelle, et qui est si très orde
Qu'elle n'a rien meritté que la corde,
Pour la traîner en l'éternel supplice,
Tant est vilaine et plaine de malice !
Mais ce Gentil sa gentillesse espand
Sur la vilaine, et point ne s'en repent,
Car de noblesse il ne pert ung seul poiuct
En la donnant où n'y en avoit point,
Mais anoblit par gentillesse l'ame,
Que de vilaine il fait devenir dame ;
11 est gentil et gentillement ouvre
En l'humble cueur auquel il se descouvre.
Loing se peult dire en voyant sa haultesse
Tant différente à nostre petitesse ; Fol. 317 verso.
Le ciel est loing d'enfer, divinité
Loing de la chair de nostre humanité,
Le bien du mal, et la vertu du vice.
Mais vraye amour usant de son office,
Ce Dieu, tant loing qu'il ne se laissoit veoir,
A rendu près de nous ; par son povoir
Ce Loing est Près, et le ciel à la terre
Amour fait joindre, mettant fin à la guerre
D'entre le Loing et Près, par tel accord
Que le très Loing, vaincu par une mort,
Est près de nous, mais je vous dy si près
Que je ne puys trouver termes exprès
Pour declairer comme est près ce très Loing.
Mais qui a veu, par extresme besoing,
Combien de mal vient du Loing purement
Qui a perdu du Près le sentement,
Dira le Près nous estre en tout aflaire
Comme la vie et l'estre nécessaire.
Gentil Loing Près ! et que ce nom est beau !
Il est puyssant pour faire du tumbeau
Saillir le mort, car, où ce Loing Près vient,
Mort ny enfer le pécheur ne détient.
Gentil Loing Près ! celle qui t'appella
Par ung tel nom, à mon gré, myeulx parla
Que maint docteur qui tant a travaillé
D'estudier, dont je m'esmerveillay
Comme ung esprit d'une vierge si basse
Fut si remply de la divine grâce ;
Car ceulx, qui ont bien longuement apris.
De leur travail doivent avoir le pris,
Estans louez d'avoir fait leur devoir Fol. 318.
Pour aquerir ung si divin sçavoir;
Mais ceste-cy, remplye d'ignorance.
Qui n'avoit point des lettres apparence
Et qui n'avoit fréquenté nulle escolle,
Fors de l'Esprit qui tout esprit console :
En l'escoutant parler clair comme ung ange.
Je n'en sçauroys donner nulle louange
A ceste là qui est de sçavoir plaine
Sans son labeur, son estude ou sa peyne ;
Mais à Celluv duquel elle est avinée
Et par amour toute en luy transformée
En fault donner l'honneur entièrement.
Car il en est (in et commancement.
Et se voit myeulx sa puissance divine,
Où moyns reluyt science femeninc ;
Dont ce gentil Loing Près est honoré,
Voyant qu'il a haultement labouré,
Et par amour l'ignorance subtille
Rendue il a et sçavante et gentille ;
Car tel qu'il est sa bonté sans meritte
Rend le vaisseau où par grâce il habitte.
Je sçay très bien que le docteur gravant.
Qui est à Dieu par son labeur servant,
Et qui nous rend l'Escripture évidente
Où sa peyne est à l'esperit aydante,
Estant par foy uny au Créateur,
Lequel le prend pour cooperateur
De son ouvraige, ouvraige salutaire :
C'est, sans cesser, arracher et retraire
De l'ignorance et de la main du diable Fol. 318 verso.
L'ame, que Dieu a faietc à son ymage.
Ces bons docteurs, où Ton se doit mirer.
Assez ne puvs louer nv admirer,
Nv n'ay sçavoir pour leur esprit comprendre,
Nv de leurs faietz digne louange rendre ;
Mais seulement de celle nTesmerveillc
Dont je n'ay veu escripture pareille,
Et qui n'a eu pour maistre et précepteur
Ou' Amour tout seul de sovmesme inventeur.
Ainsy tournant ces livres et virant,
Que tant je fuz de sçavoir désirant.
Je congneuz bien que du tout leur possible
Chacun tendoit de declairer la Bible,
Qui de science est le vray fondement,
Ce que nul œil ne peult veoir clairement
Sans la clarté de l'esprit véritable.
Geste clarté me fut tant secourable
Que le seul ung Celluy qui Est me monstre
En chasque lettre, où mon œil se rencontre ;
Et, nonobstant qu'en tous livres il soit,
Si l'œil de chair la lettre ne déçoit,
En cestuy cv, où n'v a mot nv tiltre
Que le divin esprit n'ayt voulu tistre,
Très clairement se peult veoir et aprandre,
Gouster, sçavoir, incorporer et prandre.
Ce livre icy est escript du grant doigt
Donnant povoir au porteur de la Loy,
Dont il vainquit tous les magiciens
De Pharaon et leurs artz anciens.
C'est ce doigt là qui escrivit les tables Fol. 319.
Dessus le mont des înandemens notables.
Dont le péché rendit le peuple indigne
De regarder ceste lettre bénigne ;
Car l'œil lisant la lettre en vain labeure,
Si le péché en son cueur fait demeure ;
Le doigt de Dieu a le péché prescripl
Dedans le cueur là où il a escript
Son sainct vouloir, sa juste intention.
Et sa vertu fait une motion
Par charité, qui n'est plustost sortie
Du doigt de Dieu qu'elle ne soit sentye ;
Ce puyssant doigt escript, meult et reforme
Le cueur de chair, et par nouvelle forme
Le fait divin, luy qui estoit charnel,
En le rendant par la mort éternel ;
Ce doigt de Dieu nous monstre l'amytié
Du Père à nous, non point par la moictié
Mais toute entière et telle qu'il la pense.
Dont par escript nous donne congnoissance ;
Par ce doigt là chascun peult recevoir
Le nécessaire et suffisant scavoir.
O livre escript de la divine main.
Manne très doulce et nécessaire pain,
Sans lequel est nostre ame pis que morte.
Bien heureux est qui en la main te porte
Et en son sain comme ung trésor te garde,
Et plus heureux qui te lit et regarde
Et par plaisir aveques toy confère ;
Mais très heureux celluy qui te préfère
A tous les biens que le monde luy donne. Fol. 319 verso.
Lesquelz pour toy sans regret habandonne.
Duquel le cueur est librairie faicte
Pour reposer de ce très grand prophète
Le livre saint, TEscripture immortelle.
Où gist la Loy tousjours vieille et nouvelle :
Vieille, faisant sentir Adan le vieulx
De tout mal fait sans cesser envieux,
Vieille, en monstrant nostre création,
Xostre néant, nostre déjection,
Vieille en rigueur d'aspre commandement
Que l'on ne peult accomplir nullement,
Quoy qu'elle dye ou commande ou exorte,
Qui n'est porté d'une vertu plus forte ;
Car rendre à Dieu ce qui luy appartient,
Le cueur de l'homme ung tel povoir ne tient :
Parquoy elle est loy vieille et de rigueur,
Puys loy nouvelle est de telle vigueur
Que l'homme peult de mort ressusciter
Et le pécheur à bien faire exciter ;
Loy de doulceur, de bonté et de grâce,
Qui la rigueur de la première efface,
En effaçant le péché du pécheur,
Loy, que partout doit porter le prescheur,
Loy aportant la très bonne nouvelle
Du vray salut, qui l'homme renouvelle,
Loy par qui est le malade guery,
Où le povoir estoit mort et pery
De faire bien. O loy qui veult donner
Telle vertu que tu faiz retourner
Le vieil Adam en première jeunesse i«\,l. 320.
Et le vilain en parfaicte noblesse,
Loy qui luy metz en main force et vertu,
Loy par laquelle il est si reveslu
De Jesuchrist, que luy abhominable
A l'œil de Dieu est fait très agréable
Par ceste peau et très puyssante escorce,
Dedans laquelle il reprent telle force
Qu'il peult la loy de rigueur observer,
Et de péché aussy se préserver;
Car ceste peau de l'agneau triumphant
LES PRISONS DE LA n Kl NE DE NAVARRE
Le fait de Dieu devenir vrav enfant.
Par l'union du Filz du Père avmé,
Pour lequel est filz adoptif nommé ;
Et si le Filz son nom luy communique,
De ses vertuz luy donne la pratique :
Parquoy, uny à ce parfaict amant,
Peult accomplir la Loy entièrement.
Ceste Loy donq de rigueur tant noircie
Est par la loy de la grâce adoulcie,
Par qui l'amour en nostre cueur opère ;
Et cest amour satisfaict Dieu le père.
Car Jesuchrist, faisant en nous séjour,
En nous la Loy acomplit par amour :
La fin, le but de toutes ces deux loix.
C'est Jesuchrist, qu'ignorer je souloys
Pour m'arrester à ceste lettre escripte.
Où est la mort au vif paincte et descripte.
Longtemps m'en suys contante et repeu.
Car pas n'estoit le voille en moy rompu :
Mais, par ce feu et lumière éclairante. Fol. 320 verso.
Qui le secret du livre est declairante,
Celluy qui Est je viz clair sans obstacle
Et dans ce feu, ô merveilleux miracle !
L'esprit divin, qui livres et papiers
Et fundement et murailles et pilliers
A voit jette par terre doulcement,
Et les faisoit servir de pavement
Par où povoys en liberté marcher,
Sans plus m'enclorre en eulx ny m'y cacher.
Cest esprit là des livres me fist maistre,
Qui serf en fuz, à dextrc et [a] senestre
Me fut deeloz, ouvert et délié
Le sens qui trop m'avoit esté lyé,
Couvert, caché, me liant et couvrant
Par ignorance, où m'aloys enyvrant;
Car le désir de sçavoir je beuvoys
Jusques à trop, combien que n'y trouvovs
Contantement ny satisfaction,
Nv à ma soif desalteration.
De ces désirs à iniliers et à cens,
Tous mes espritz, mes forces et mes sens
Furent liez si bien et finement,
Que mon vouloir et mon entendement
Par ung cuyder, aveques ma raison,
Dedans mon cueur forgèrent ma prison :
Ce qu'au dehors en mon corps je sentoys ;
Tant que jamais de prison ne sortoys,
Car, quand le cueur est pris, le corps n'est pas
En liberté de faire ung tout seul pas.
Mais cest Esprit, qui au cueur frappe droit, Fol. 321.
Rompt le lyen qui le tient en destroict,
Et quand cuyder d'estre chose qui vaille
Et le désir ont perdu la bataille
Contre l'Esprit, lequel monstre combien
Peu de chose est ung homme et moins que rien,
Et que ce Rien vient [à] estre agréable,
Plus que l'honneur plaisant et profli table,
Les livres sont ouvertz, deeloz. patens,
Et les labeurs tournez en passetemps.
Ainsy fut fait, car ce feu combatit
Mon cueur, et moy vainquit et abattit
Tant que je fuz très clairement voyant
Que mon cuyder et moy estions noyant ;
Et quand ce Rien de bon cueur j'euz receu,
Celluy qui Est lut soudain apperceu
Dans chascun livre et papier et volume
Par cest Esprit, dont la clarté alume
Toute ténèbre, et toute prison rompt,
Poulsé d'amour qui le rend fort et prompt.
Or fuz je donc par ce feu mys au large,
Qui d'ignorance et cuyder me descharge,
Et ma prison en liberté muée,
Voire en repoz ma peine commuée.
Tous mes lyens, par qui fuz empesché
D'aller avant : j'en fuz bien détaché,
Et qui plus est me servirent de corde
Pour me tirer à la miséricorde.
Ainsy deffaiet de tous empeschemens,
M'assis pour veoir ces deux beaux testamens,
M'arrestant là, ainsi qu'au but final, Fol. 321 verso.
Cause de bien, destruction de mal;
Ces instrumens n'ayans qu'un seul respect
Par union d'amour d'un trive aspect.
L'un regardait vers l'autre à luv contraire,
Couvrant tous deux le propiciatoire,
Ainsy que deux chérubins très ardans,
Qui tous deux sont en ung poinct prctendans :
C'est d'accorder leur différent langaige
A monstrer ung seul bon, puyssant et saige.
Moy regardant ceste figure estrange,
Considérant de l'un et de l'autre ange
Le doulx regard et façon admirable,
Du beau milieu de la dorée table
Mise sur l'arche, où la manne est enclose,
11 me sembla que j'ouys quelque chose,
Non corne ung vent de la terre partant,
Ny comme ung feu ses flammes départant,
Mais comme ung vent gracieux et plaisant,
Très doulx et souef, lequel m'alloit disant
Par ung parler d'esprit et de feu plain
Que je ne peuz veoir ny entendre à plain,
Car si remply je fuz de ceste gloire
Que ce qui est possible à ma mémoire
D'en retenir est moins que rien, au pris
Du très grand bien dont je fuz tout espris.
Le son fut doulx, mais si très véhément
Qu'il estourdit mes sens entièrement ;
Et si j'avoys eu le cueur esjouy,
Quand, en lisant, premièrement j'ouy
Celluy qui Est se declairer sans faincte Fol. 322.
En toute lettre et escripture maincte,
Dont contanter assez je me devoys,
Ceste seconde insupportable voix
Me resjouyt et m'attyra à soy
En me faisant passer par dessus moy.
Mais je ne peuz du très grand bien jouyr
De la parolle en ceste voix ouyr
Toute par rang, car elle fut si prompte
Qu'impossible est que je le vous racompte;
Impossible est qu'une mortelle aureille
Sceust distinguer ceste voix non pareille,
Ny la memoyre en donner souvenir,
Ny que le cueur la sceust bien retenir.
Mais de son prompt passaige ne me plains,
Car en passant laissa nos sens si plains
De sa vertu, où toute force habunde,
De son scavoir et doctrine parfunde,
De son amour et feu vivifiant,
De sa bonté les siens bonifiant,
Que si la voix en moy eust fait demeure
Tant seulement une minute d'heure,
Si doulce estoit qu'elle eust esté suyvie
De ma povre ame estant d'amour ravie ;
Car sans regret elle eust lessé mon corps
Pour estre unye à ses divins accordz.
Ce n'estoit pas ceste voix effreyable
De Dieu, qui fut a son peuple importable
Disant : « Elle est de telle pesanteur
« Que myeulx aymons parler au serviteur. »
Pas n'est la voix pour laquelle Caïn Fol. 322 verso.
Mist son esprit et salut en dedaing;
Pas n'est la voix qui si avant chercha
Le cueur d'Adam que d'elle il se cacha;
Pas n'est la voix qu'Abraham proposa
Au malheureux qui requérir l'oza
De bien peu d'eau dont avoit fait refuz,
Mais il en fut par ce père confuz :
Las ! c'est la voix qui à Noé promist,
Quand hors de l'eau et de la mort le mist,
Que jamais plus ce monde grand par eau
242 DERNIÈRES POESIES DR MARGUKItlTB DE NAVARRE
Ne destruyroit, et, pour mettre le sceau
A sa promesse, Tare luy monstra aux cyeulx,
Dont en repoz mist ce bon homme vieulx ;
C'est ceste voix qui, par bonté immense,
Promist donner à son juste semense,
Lorsque d'enfans avoit perdu l'espoir,
Mais contre espoir son espoir eut povoir;
Ceste voix là sa promesse adjousta
A son Jacob, quand contre luy jousta :
L'ange par l'homme à l'heure fut vaincu,
Lequel n'avoit que la foy pour escu ;
C'est ceste voix que l'on luy apporta,
Estant bien vieulx, dont se reconforta,
Quand on luy dist que son Joseph vivoit
En tel honneur qu'Egipte luy servoit ;
C'est ceste voix qui Moyse appella
Dans le buisson, et puys à luy parla,
En luy donnant povoir de retirer
Ceulx que vouloit Pharaon martircr ;
C?est ceste voix disant de son David, Fol. 323.
Qui le vouloir de Dieu p;ir foy suyvit,
Qu'ung homme avoit trouvé selon son cueur,
Dont le péché ne vainquit la faveur
Que luy avoit pour l'advenir promise ;
C'est ceste voix qui par l'Esprit est mise
Au cueur de tout patriarche et prophète
Disant du Christ chose encore non faicte ;
C'est ceste voix que Saint Jehan se dit estre,
Car la parolle il laissa à son mnistre,
Et par sa voix il nous monstra l'aigneau,
Le portefaix de tout nostre fardeau ;
C'est ceste voix qui, en tant de façons,
De temps et lieux, de personnes et sons,
S'est faicte ouyr par doulceur et rudesse,
Et par menasse et par doulce promesse,
Pour attirer au ciel ce monde bas,
Et de tristesse en l'éternel soûlas,
Dont bien petis en furent les prouffitz :
Mais à la (in ceste voix par le Filz
S'est faicte ouyr, en s'escriant si hault
Que croyre, aymer et confesser le fault.
C'est ceste voix qui dist : « Venez trestous
« A moy qui suys tant amyable et doulx. »
Ceste voix dist : « Retournez, retournez,
« O Sunamitte, et à moy seul venez. »
Puys dist : « Venez, faictes de voz cueurs seaux,
« Tous ayans soif puyser des vives eaux. »
Ceste voix là l'amv ressuscita
Lorsqu'à pleurer vraye amour l'incita,
Ceste voix là par son puyssant eflfort, Fol. 323 verso.
N'estimant rien le povoir de la mort,
D'entre ses dentz en a plusieurs tirez,
Que pourrez veoir quand l'escript saint lirez;
Ceste voix là, tant admirable et digne,
Nous a monstre la volunté divine
Parlant, preschant en tous lieux et au temple,
La confirmant de miracle et d'exemple ;
Et pour la fin, c'est la voix qui pria
Pour les pécheurs, et qui si hault cria
Qu'elle perça oreilles et entrailles
De la justice et du Dieu des batailles,
Qui du péché soudain prenoit vengeance,
Fut exaulcé[e] apportant indulgence
Que jamais nul n'avoit sceu aquerir
Par son prier, pleurer ou requérir ;
C'est ceste voix de Jacob qui supplante
Du frère grand le bien, car il se plante
Devant le père, où bénédiction
Receut estant couvert de passion,
Que merittoit le péché qu'il portoit
Par ceste peau qui nous representoit ;
C'est ceste voix par laquelle dérive
De Dieu à nous ceste parolle vive,
Qui tant et tant de bons motz a chanté
Qu'il n'y a cueur qui n'en soit contante :
Quand est du mien, s'il n'en est satisfaict
Entièrement, il est très imparfaict,
Car rocher n'est si dur qui n'en fendist,
Ou qui de l'eau en l'oyant ne rendist.
Ung mot sans plus d'elle j'ay retenu, Fol. 324.
Qui est souvent devant mes yeulx venu :
« Où est l'Esprit là est la liberté ».
Et me donna ce mot la seureté
Qu'ayant receu cest esprit véritable,
Plus ne seroys prisonnier misérable,
Car cest Esprit, qui tout m'anéantit
Et mon cuyder et désir amortit,
Me sçait et peult en ung Rien transformer;
Et ce Rien là ne se peult enfermer,
Car Rien ne crainct prison ne porte close,
Hz n'ont povoir sinon sur quelque chose ;
Mais où cuyder d'estre est entretenu,
Tant soit petit, peult estre retenu ;
Et quand ce Riens à son Tout est uny,
Et le cuyder en luy mort et puny,
C'est liberté plaisante, pure et plaine,
Contantement et joye souveraine.
Tout le malheur que l'homme peult patir
Ne se sçauroit de Rien faire sentir,
Et de tout bien qui l'homme en orgueil monte
Celuy qui est mis à Riens ne tient compte,
Car Tout, auquel inséparablement
Il est uny, est son seul sentement ;
Et ce Tout là ne sçauroit estre pris,
Car tout le monde est dedans luy compris.
Ce Tout est tel qu'on ne le peult comprendre,
Et tout comprent, de nul ne peult aprendre
Et tout aprent, tout le monde environne
Ce Tout qui est de ses œuvres couronne ;
Et tout l'honneur à luy seul appartient, Fol. 324 verso.
Gloire et amour, comme à celluy dont vient
Tout ; ce qu'il fait est et sera à naistre,
Car par ce Tout et en ce Tout ont estre •
Il les enclost par grandeur indicible
Et vit en eulx par façon invisible ;
Par le dehors toutes choses contient
Et par dedans en les tenant se tient.
Qui pourra donc ce Tout emprisonner?
Nul, car sur tous a povoir d'ordonner.
Et cestuy là qui ce Tout a congneu
Tant qu'il est Rien en son sens devenu,
Ne se sentant plus estre ne plus vivre,
Et ce cuyder, qui les mondains enyvre,
Il voit deflfaict, et la vérité prendre
Son lieu au cueur, en luy Taisant entendre
Que Celluy seul qui Est est de tous maistre,
Et qu'il est Tout en tous, la vie et l'estre ;
La vérité monstrant ce Tout parfaict
Rend le cuyder et l'homme tout deffaict,
Car hors du Tout n'est habitation
Où l'homme puysse aquerir station ;
Si par cuyder quelque chose il se pense,
De son seul Tout s'eslongne et de science l,
Mescongnoissant son estre tel qu'il est,
D'estre à son Tout uny il n'est pas prest ;
Mais quand son Rien il voit et tel se sent,
Il vient petit, povre, nud, innocent,
Et si petit qu'estre en luy ne séjourne2,
Mais en son Tout le voit et le retourne.
Car puysqu'au Tout son estre voit et veult Fol. 325.
Qu'en luy seul soit, son Rien à l'heure peult ;
Et ce Tout là, où son seul estre il croit
S'incorporer et retourner tout droit,
C'est le chef d'œuvre et de foy et d'amour
Par qui au Tout le Rien fait son retour.
Qui prendra donc ce Rien qui est voilé
Jusqu'à son Tout, auquel est si collô
1. Ms. 24298, f° 17'*, desavance. — 2. Le ms. 1522 porle : Et si très rien qu'estre en luy ne se j orne.
Que la haulteur du ciel, ny le profond,
Empeschement à l'union ne font?
Mort ny péché, douleur ny passion
N'en feront point la séparation,
Car cest amour de Dieu est invincible,
Et tout luy est et facile et possible;
Parquoy tenir ne peult prison ne corde
Celluy qui est par la miséricorde
De ce grand Tout, par vive congnoissance,
Mis tout à Rien, ainsi qu'à sa naissance,
Et si petit qu'il ne se peult congnoistre
Fors seulement en sa vie et son estre,
Qu'il ! recongnoist en son Tout seulement,
Parquoy ce Riens n'a peur de nul tourment.
En luy est bien la liberté libère,
Car ce qu'il veult et ce qu'il délibère
Il sçait et peult faire a sa volunté,
Et nul vivant n'est franc ny exempté
De son povoir et feu inévitable ;
Parquoy il est a soy mesme agréable.
De soy contant, satisfaict et joyeulx,
Car il est Tout, qui la terre et les cyeulx Fol. 325 verso
En ses braz tient et les tourne et demaync,
Comme il luy plaist, et dedans se promaine.
Mais sa bonté, qui jamais n'est oyseuse,
Qui de sa gloire est tousjours amoureuse,
A fait le ciel à force d'amour fendre
Et son seul filz ça bas à nous descendre,
