C'est l'aventure de Sémélè. — 2. Il s'agit des Dioscures

Portant chapeau d'espines tout cornu,

Par trop aymer ceste nature humaine,

Dont par ses chiens il mourut en grant peyne ;

C'est Leanter qui pour Hero passa

Ceste grand mer, là où il trépassa,

Et par sa mort à soy tyra s'amye,

Qui par mort fut en Pamy endormie ;

Brief il n'y a d'amour nulle figure,

Où je ne trouve au vif la portraicture

Du vray amant et seul amour parfaict,

Par qui tout est pensé et dit et faict. Fol. 310

Et s'il y a quelque chose lacive,

Là se peult veoir la folie naïfve

Et le malheur qui vient de trop aymer,

Que vérité nous contrainct de blasmer.

D'autre costé, en regardant Penye,

Qui est de tous et fouye et bannie,

Qui de Procus cnyvrée engroissa,

Car l'un le vin, l'autre la faim pressa,

Et, bien que l'un fust à l'autre contraire,

Nécessité les sceut si bien attraire

Que des deux vint Amour, le vray moyen

Que l'homme est homme et sans lequel n'est rien :

Celluy qui Est en cest amour je voy,

Il est qui Est, et a son estre en soy,

Bien qu'il soit filz du grant Dieu d'habundance,

Ayant pris chair subjecte à indigence ;

Son povoir vient de la divinité

Et son tourment de nostre humanité,

Dont sort Amour, ce divin feu brullant,

Qui va tout autre amour anichilant.

Celuy qui Est, à qui bien l'ymagine,

Se voit aussy dedans ceste Androgine,

Qui sa moictié ne cesse de ccrcher,

Ne la trouvant ne se fait que fascher :

Ce feu brullant, ceste amour véhémente.

Qui met en l'ame une divine attente

De recouvrer sa part et sa moictié,

Ne souffrera qu'elle prenne amytié

En autre lieu, car rien que son semblable

Ne lui sçauroit jamais estre agréable.

Joseph voulut ses frères recevoir Fol. 310 verso.

Quand son semblable aveques luy peut veoir,

Ou autrement n'eussent point veu sa face.

Jà n'est hesoing que si long discours face,

Il me suffit de vous monstrer cest Ung,

Celluy qui Est, que je trouve en chacun