Il faul sous-entendre le mol reçut

LES. PRISONS DE LA REINK l)K NAVARRE 295

Que ce Tout seul couvert de sa facture :

Cestuy seul est ton regard, ta pasture,

Luy seul tu voys, tu entans et tu manges,

Tu viz de luy et tout en luy te renges ;

En luv tu as le scavoir, les sciences,

Et voys à clair le fondz des consciences ;

En luy tu as puyssance et majesté Fol. 3'i7 verso.

Parquoy le mal est de toy rejecté ;

Là bien estois sans contradiction,

Sans sentir plus la malédiction

Qui rend la chair à la vertu rebelle.

Tu as trouvé justice originelle

Que le cuyder de l'homme avoit chassée :

Assez l'avoys suvvie et pourchassée.

Mais nul povoir n'avoys de la tenir

Jusqu'à ce jour qu'à Tout as peu venir;

Et en ce Tout, o Rien, tu es parfaict.

Bon, juste et sainct, car cestuy qui t'a fait

Rien, povre et nud, meins qu'ung petit festu.

T'a si très bien de son Tout revestu

Que de malice, ignorance, impuyssance,

En toy se pert toute la congnoissance.

Et puysque Tout t'environne et te coïuvre

Et très à clair l'arche de paix descœuvre,

Povoir, scavoir et bonté infinie

Pour tout jamais te feront compaignye.

O divin Rien, divinement mvs bas,

Divinement monté au vrav soûlas,

Au vray plaisir, à la joye indicible,

Qui de tous maulx t'a rendu impassible.

De tout péché, de tourment et danger,

Pour en tel lieu si heureux te ranger,

Je te requiers ung petit qu'il te plaise

Nous déclarer quelle est ceste grande aise

Qu'en ce Tout là toy, Rien, expérimente,

Qui sans finer tousjours croist et augmente.

Las ! tu ne veulx ou ne nous peulx respondre ! Fol. 348.

Si grant plaisir as [de] te sentir fondre

Et de te perdre en ce Tout amoureux,

Sans lequel Rien est tousjours langoureux,

Auquel tu as plaisir si amplement

Qu'en toy n'y a penser ne sentement,

Voir ny parler, estre et vie, car Tout,

Qui par sa grâce et bonté t'ayme moult.

T'a transformé en Tout, dont je concluz

Qu'en ce Rien là, qui par ce Tout n'est plus,

Parfaictement liberté se recœuvre.

Car ce grand Tout fait de Rien son chef d'œuvre,

Et ce doulx feu de l'esprit consummant

Toute raison de l'humain jugement,

Qui tout cuyder destre et sçavoir assomme,

Qui le pur Rien faict concevoir en l'homme.

C'est luy par qui en liberté entière.

En sa justice et nature première,

L'homme est remis, car joinct par cest esprit

A Rien, à mort, à croix en Jesuchrist,

Est fait en luy Rien, mort, crucifié ;

Aussv en luv il est déifié,

Unv au Tout et au souverain Bien

Pour estre fait aveques Jésus Rien.

0 feu ardant, doulx esprit d'amour plain,

Qui ayant mys Rien à rien, dans le sein

Du puyssant Tout, du grand Tout l'a remis !

O forte amour, à qui Tout est soubzmys

De recevoir ce Rien par ton mistere !

Geste voix là ne puvs nv ne dov taire :

Où * l'esprit est divin et véhément, k„i. :\k& verso.

La liberté y est parfaictement*'.